Morgunblaðið - 30.12.1990, Blaðsíða 19

MORGUNBLAÐIÐ SUNNUDAGUR 30. DESEMBER 1990
B 19
Ásta Dóra Ingadóttir
húsmóðir
„Eg eignaðist barn á árinu, þann
19. júlí. Það er nú það helsta, ann-
ars hefur allt gengið sinn vanagang.
Persaflóinn og friðai-verðlaun
Gorbatsjovs eru atburðir sem eru
manni minnisstæðir. Mér fannst það
gott fyrir heiminn að hann skuli
hafa hiotið verðlaunin.
Þjóðarsáttin er búin að vera góð,
ég er mjög ánægð með hana. Mér
finnst gott að komið sé stöðugt verð-
lag og svo einhugurinn í fólki, það
taka allir þátt í þjóðarsáttinni. Það
væri best ef þetta héldi svona áfram.
Ég er ánægð með þetta svona.“
Arnar Jónsson
stj órnmálafræðingur
„Bráðabirgðalögin eru mér minn-
isstæðust á árinu, þessi fádæma
hroki og valdníðsla. Að mönnum
skuli hafa dottið þetta í hug! Það
skiptir engu máli hvar menn standa
í pólitík, setning bráðabirgðalaganna
var röng og gegn öllu góðu siðferði.
Þeim á eftir að hefnast fyrir þetta
sem settu þau.
Þá má nefna afdrif fiskeldisins.
Það er merkilegt að menn skyldu
æða af stað án þess að gera nokkr-
ar ranrisóknir á mörkuðum eða að-
stæðum á íslandi til að stunda hér
eldi af þessu tagi.
Varðandi næsta ár finnst mér
óskandi að næstu ríkisstjórn verði
ekki komið á með augljósum hrossa-
kaupum og einnig vona ég að Fram-
sóknarflokknum verði gefið frí.“
Sigurður Óli Koibeinsson
• hreinsari
„Það fyrsta sem manni dettur í
hug er Kúvæt og átökin þar. Ég hef
fylgst töluvert með þessum málum
og vil að Hussein verði hrakinn frá
Kúvæt með öllum tiltækum ráðum
sem fyrst.
Þá er ég orðinn þreyttur á ríkis-
stjórninni og vona að verði breyting
í þeim efnum í vor.
Einnig má nefna að ég er tjúpna-
veiðimaður og fór nokkrum sinnum
í rjúpu í vetur án þess að fá eina
einustu ijúpu og er ég svekktur yfir
því.
Annars hefur þetta verið mjög
tilbreytingalítið ár sem leið mjög
hratt og er á enda áður en maður
veit af.
Stefán Hlynur Steingrímsson
mótorhjólaáhugamaður
„Mér er minnisstætt að hafa keppt
í mótorhjólakeppni á árinu. Ég tók
þátt í svo kallaðri Enduro-keppni
sem felst í því að keyra sem hraðast
yfir torfært land. Svo keppti ég í
sandspyrnu og lenti í öðru sæti af
mótorhjólunum. Ég ætla að reyna
að keppa meira á næsta ári og þá
fæ ég líka nýtt hjól.
A nýja árinu vona ég helst að það
komi mótorhjólaþáttur í sjónvarpið
og einnig mætti vera þar minna af
alþingisrausi. Ég er ekkert spenntur
fyrir kosningunum á næsta ári og
ætla ekki einu sinni að kjósa.“
Siguijón Sigurðsson smiður
„Helst er það ríkisstjórnin sem
mér er ofarlega í huga og hvað hún
hefur verið slöpp. Skattar og aðrar
álögur á fjölskyldufólk standa upp
úr. Vonandi mun sú næsta standa
sig betur. Fólk hefur varla til hnífs
og skeiðar. Maður finnur mikinn
mun á laununum og endar ná varla
saman.
Utan úr heimi eru mér minnis-
stæðastar fréttir af fólki og börnum
sem ekki hafa í sig eða á. Það er
átakanlegt.
Með nýju ári vona ég að verði
bjartara bæði yfir ríkisstjórn og þjóð.
Það besta sem gæti gerst væri að
menn stæðu við loforðin sem þeir
gefa fyrir kosningar."
VERTU MEÐ - ÞAÐ ER GALDURINN
í',

UPPLÝSINGAR: SÍMSVARI: 681511 LUKKULÍNA: 991000