Morgunblaðið - 30.12.1990, Blaðsíða 37

MOKGUNBLAÐIÐ VELVAKANDI SUNNUDAGUR 30. DESEMBER 1990
B 37
sunnan er sá að hér hef ég frið
heima hjá mér, hér er ég ekki eftir-
lýst. Allur okkar tími fyrir sunnan
fór í þetta stríð, það var ekki einu-
sinni tími til að hlusta á upptökurn-
ar.“
Agústa kennir m.a. á vegum tón-
listarskóla Ísafjarðar. „Það hefur
gengið vel í vetur, aðeins þurft að
aflýsa tvisvar vegna ófærðar.“
Agústa hefur líka fengist við að
kenna söng heima í Holti og Gunn-
ar hefur einnig fengist við kennslu.
A haustdögum stóð Ágústa fyrir
vestfirskum söngdögum, þ.e.
söngnámskeiði í Holti. Kennari var
prófessor Hanne-Lore Kuhse frá
Berlín. „Þetta tókst mjög vel, mik-
ill fjöldi fyrirtækja og sveitarfélaga
á Vestfjörðum styrkti námskeiðið
og eiga allir þessir aðilar þakkir
skildar. Þetta voru nemendur nán-
, ast úr öllum landshornum, en ég
var að vísu óheppin með tíma, skól-
arnir voru nýbyijaðir og nokkrir
sem áhuga höfðu komust ekki.
Síðan voru haldnir þrennir tónleik-
I ar, á Þingeyri, Flateyri og í Bolung-
' arvík.“
„Ef einhveija vantar heyrist
bara meira í hinum“
Ég spurði Ágústu um kórstarf
i sem fór af stað í haust.
„Já, Aðventukórinn,“ segir
Ágústa og hlær, „hann hét það alla-
vega fram yfir jól, meðan við vorum
með aðventukvöldin, þau eru nokk-
ur í kirkjunum hér í kring. Gunnar
er stjómandi kórsins, ég sé meira
um leiðbeiningar og stjórna svo
Gunnari, ekki satt Gunnar?“
Honum hefur brugðið fyrir öðru
hvoru með hamar í hendinni, átti
víst eitthvað í vandræðum með
skrifstofuhurðina sína. Gunnar ját-
aði spurningu Ágústu. Þegar hér
var komið sögu færði Gunnar okkur
kaffi og ylvolga ástarpunga og tók
þátt í umræðunni.
í kómum starfa á milli 40 og
50 manns frá Flateyri, Þingeyri,
Suðureyri, Ingjaldssandi og sveit-
unum í Önundarfirði og Dýrafirði.
„Hér eru alveg stórkostlegar'
raddir, það heyrast hrein ósköp í
þessu fólki,“ segir Ágústa. Ég get
hugsað mér að sumum stjórnendum
þætti það fátæklegt að hafa ekki
nema úr 1500 manns að moða til
þess að ná saman 40-50 manna
kór. í Vestur-ísafjarðarsýslu er
þessi fjöldi og hér virðast nánast
allir syngja. Þau halda því fram að
hér hafi hreinlega ræktast upp
söngraddir. Gunnar segir að fólk
hér sé skapmeira á einhvernveginn
svo heilbrigðan hátt. „Ef einhveija
vantar á æfingar, þá heyrist bara
meira í hinurn."
„Gunnar komst í ham þegar hann
heyrði í einum söngvara," segir
Ágústa, „honum Björgvin Þórðar-
syni á Flateyri. Hann tók fram
hveijar nóturnar á fætur öðrum,
það var alveg sama hvað hann lagði
fyrir hann, lög sem ég hef ekki
heyrt sungin lengi, lög sem Stefán
íslandi, Pétur Jónsson og þessir
gömlu tóku, þetta rann upp úr hon-
um eins og ekkert væri.“ „I kórnum
höfum við ekkert undirspil," segir
Gunnar, „bara tónlist til að gefa
tóninn og þau syngja allt þannig,
það er bæði fallegra og miklu holl-
ara.“
Þau hjónin hafa nú verið í Holti
í rúmlega eitt ár, séra Gunnar var
kosinn 5. september 1989 og skip-
aður í embætti frá 1. október 1990.
Aðspurð segjast þau vera mjög
ánægð í Holti og líður vel. „Hér er
friður og ró og ég verð að viður-
kenna að mér hundleiddist í
Reykjavík, ég var í huganum löngu
komin vestur,“ sagði Ágústa að lok-
um.
Með magafylli ástarpunga gékk
fréttaritari út í kyrrðina og myrkr-
ið, „þar sem þögnin var svo alger“,
eins og segir í lokakafla bókarinnar.
Magnea
STYÐJUM SÁÁ
Til Velvakanda.
Flest viljum við leggja góðum
málefnum lið og mér er sérlega
umhugað um einn málstað sem nú
er sérstök þörf á að styrkja, en það
er fjáröflunarhappdrætti SAÁ.
Þessu happdrætti er ætlað að styðja
við það mikla starf sem SÁÁ vinn-
ur í þágu allra landsmanna, nú með
'byggingu nýrrar endurhæfingar-
stöðvar. Ár hvert liðsinnir SÁÁ
þúsundum með fjölbreyttri starf-
semi sinni, jafnt áfengissjúklingum,
fíkniefnaneytendum og fjölskyldum
þeirra. Þetta starf verður aldrei
metið til fjár, því þarna snýst málið
um lífshamingju, sameiningu fjöl-
skyldna í stað sundrungar, heil-
brigði í stað líkamlegs og tilfinn-
ingalegs sjúkleika. Við íslendingar
höfum ekki efni á að styðja ekki
við bakið á þessari starfsemi; við
höfum ekki efni á öllu því vinnu-
tapi, sjúkrakostnaði, slysum og fjöl-
skylduharmleikjum sem áfengis-
sýkin veldur. Vissulega væri æski-
legast að þessi sjúkdómur, áfengis-
fíknin, væri ekki til og vissujega
væri best að þurfa alls ekki að kosta
neinum fjármunum til þessa mála-
flokks. En slíku er því miður ekki
að heilsa. Og dæmin hafa sýnt svo
ekki verður um villst, að þegar kem-
ur að meðhöndlun vegna áfengis-
sýki og fylgikvilla hennar, sem
ljósta alla ástvini sjúklinganna, þá
hefur SÁÁ unnið þrekvirki sem
enginn hefði trúað fyrir nokkrum
árum að unnið yrði. Við höfum
ekki efni á að SÁÁ dragi úr starf-
semi, hætti að vera það skjól, sá
klettur sem við getum reitt okkur á
í baráttunni við þennan vágest. Þvi
vil ég skora á landsmenn að taka
á með SÁÁ, svo starfið megið áfram
blómstra öllum til góðs, ekki síst
börnunum, sem saklaus þurfa oft
að líða stórlega fyrir áfengisfíkn
hinna fullorðnu.
Látum SÁÁ njóta stuðnings okk-
ar, stöndum öll sem einn gegn þeim
hræðilega vágesti sem fíknimynd-
unin er, hvaða nafni sem hún nefn-
ist.
Sigurlaug
Frábær bók
Til Velvakanda.
Fyrir fáum dögum fékk ég
síðbúna afmælisgjöf, bókina
„Það hálfa væri nóg“, frásögn Þór-
arins Tyrfingssonar, yfirlæknis
SÁÁ, af lífi sínu og starfi, skrifaða
af Guðrúnu Guðlaugsdóttur blaða-
manni. Ég opnaði bókina með hálf-
um huga, hreint ekki viss hvort ég
nénnti að lesa einhveijar
brennivínssögur og um starfsemi
SÁÁ. En fyrr en varði var ég kom-
in á bólakaf í frásagnir Þórarins.
Hann iýsir þarna á lifandi, hispurs-
lausan og persónulegan hátt jafnt
mönnum sem málefnum; alls staðar
virðist mér heiðarleiki vera hafður
að leiðarljósi og hvergi er reynt að
draga úr né fegra þegar að honum
sjálfum kemur. Þá lýsir Þórarinn
einnig á opinn og væmnislausan
hátt hvernig áfengið fór með hann
og hvernig hann loks viðurkennir
fyrir sjálfum sér að hafa misst vald
á lífi sínu vegna áfengisins og fer
í meðferð. Ekkert er dregið undán
og hreinskilnin þegar að honum
sjálfum kemur er ótrúleg, raunsæið
blákalt. En það var ekki aðeins
persónulega frásögnin sem hreif
mig heldur einnig sagan af SÁÁ,
starfi, missætti, sigrum og ósigrum
og þeirri hugsjón sem hefur lengst-
an part verið aðall samtakanna.
Ég verð að segja að ég lagði
„Það hálfa væri nóg“, frá mér bæði
undrandi og hrifin. Eftir lestur þess-
arar bókar er ég sannfærð um að
hún á erindi inn á flest ef ekki öll
íslensk heimili og margir geta mik-
ið af henni lært. Það þarf ekki
áfengisvandamál til, því bókin er
svo gefandi og lífleg, en jafnframt
er yfir allri frásögn Þórarins mann-
eskjulegt, heilbrigt stolt án þess að
neins staðar sé verið að upphefja
sig. Hans mat á atburðum, hans
viðhorf eru sett fram án undan-
bragða og án þess að bðjast afsök-
unar. Enda virðist lítil ástæða til,
þarna sýnist mér fara maður með
báða fætur á jörðinni og hjartað á
réttum stað. Bækur eins og „Það
hálfa væri nóg“ eru sjaldséðar í því
fári af ævisögum sem yfirleitt geng-
ur yfir okkur á þessum árstíma;
hressileg, hreinskilin og lipur frá-
sögn sem veitti mér alveg nýja og
lærdómsríka innsýn í líf, starf og
baráttu þeirra sem hafa snúist gegn
Bakkusi konungi vegna eigin
neyslu. Kærar þakkir!
Þórdís
Heilræði
Um áramótin er að jafnaði
kveikt í miklu af margskonar
flugeldum, stjörnuljósum og
blysum. Slíkt getur verið stór-
hættulegt ef ekki er rétt að
staðið og margir hafa slasast
alvarlega þess vegna. Kynnið
ykkur því vel allar leiðbeining-
ar um meðferð og notkun
þessara skrautljósa. Farið í
einu og öllu samkvæmt þeim
ráðum, sem þar eru gefin.
Höldum gleðileg áramót með
slysalausum dögum.
Röng skotstaða
bogrið ekki yfir flueldinn
Rétt skotstaða
iilASA umboðið
auglýsir
Næsta íbúða- og húsaskoðunarferð til Spánar á
vegum MASA á íslandi verður farin föstudaginn
11. jan. nk. Flogið beint til Alicante. Dvalið á
eigin hóteli MASA, m/fullu fæði. Komið aftur
fimmtudaginn 17. jan.
Vinsamlegast tilkynnið þátttöku í síma 44365
sem fyrst.
MASA umboðið á íslandi.
Blaðbei’ar
óskast
Morgunblaðið óskareftir blað-
berum íeftirtalin hverfi:
Oddagötu og Aragötu.
Ægisíðu.
Ennfremur vaniar blaðbera í
Skerjafjörð, norðan flugvallar.
Austurbær
Austurgerði og Byggðarenda.
Breiðholt
Stekki
Kópavogur
Kársnesbraut
Hressandi morguntrimm sem borgarsig.
Upplýsingar eru gefnar i síma 691253.

HÓTEL FLÚÐIR

HRUNAMANNAHREPPI
801 SELFOSSI - SÍMI 98-66630
FAX 354-8-66530
Það er ekki spurning, nú er
komið aðþér að njóta hvíldar
Hótel Flúðir og sjúkranuddstofan Heilsuparadís,
Flúðum, Hrunamannahreppi, bjóða uppá stórkost-
lega heilsudvöl.
Tilboð þetta gildir fyrir tímabilin
6. jan. til föstud. 11. jan.
13. jan. til föstud. 18. jan.
20. jan. til þriöjud. 29. jan.
Verð í Fimm daga kr. 12.500 per mann og verð í
tíu daga kr. 21.250 per mann. Innifalinn í verði
er morgun- og kvöldverður frá mánudegi til brott-
farardags. í hverju herbergi er ísskápur. Herbergið
er með baði og heitri útisetlaug.
Meðferðir á sjúkranuddstofunni greiðist aukalega.
Sjúkranuddari er Wolfgang Roling.
Rútuferðir eru alla sunnudaga frá Umferðarmið-
stöðinni í Reykjavík kl. 21.00 og frá Flúðum brott-
farardaga kl. 9.30.
Kreditkortaþjónusta.
Tekið er á móti pöntunum og upplýsingar veittar
í síma 98-6 66 30.
k HÓTEL FLÚÐIR