Morgunblaðið - 11.03.1992, Blaðsíða 26

26
MORGUNBLAÐIÐ MIÐVIKUDAGUR 11. MARZ 1992
Ferðalag í einlitum heimi
Kvikmyndir
Arnaldur Indriðason
Til endaloka heimsins („Until the
End of the WorId“). Sýnd í Há-
skólabíói. Leikstjóri: Wim Wend-
ers. Handrit: Peter Carey og
Wenders. Kvikmyndataka:
Robbie Muller. Framleiðendur:
Jonathan Taplin og Anatole
Dauman. Aðalhlutverk: William
Hurt, Solveig Dommartin, Sam
Neill, Jeanne Moreau, Max von
Sydow.
Það er árið 1999 í nýjustu mynd
þýska leikstjórans Wim Wenders,
Til endaloka heimsins. Síðasta ár
geimaldarinnar er að renna út, loka-
hnykkurinn á tuttugustu' öldina þar
sem hafa orðið meiri framfarir í
tækni og vísindum en öllum hinum
árhundruðunum til samans. Svo
miklar reyndar að stefnir í sjálfseyð-
ingu jarðarbúa, heimsendi. Ind-
verskt gervitungl hrapar stjórnlaust
til jarðar og boðar eyðileggingu
hvar sem það lendir.
í óreiðunni leggur Solveig Domm-
artin upp í ferðalag, sem á eftir að
bera hana um hnöttinn þveran og
endilangan, á vit bankaræningja,
iðnaðamjósna og mannaveiðara og
loks vísindamanns í óbyggðum Ástr-
alíu, sem Max von Sydow leikur.
Hann keppir að því að vinna mynd-
ir úr heilabylgjum svo blind eigin-
kona hans, leikin af Jeanne Moreau,
fái séð í gegnum aðra. William
Hurt er sonur hans, sem stolið hef-
ur uppfinningu föður síns frá hern-
aðaryfirvöldum í Bandaríkjunum og
hoppar um hnöttinn til að taka
myndir sem síðan skal breyta í heila-
bylgjur. Dommartin rekst á hann í
París og hengir sig í hann en hann
kemur sér sífellt undan henni. Sam
Neill er kærasti Dommartin sem
eltir hana ásamt mannaveiðara, sem
í byrjun er á eftir Hurt vegna pen-
inganna sem í boði eru fyrir þann
sem grípur hann. Hópurinn endar í
Ástralíu eftir heimshornaflakkið þar
sem hann tekur þátt í tilraunum
með flutning drauma og hugsýna
yfír í myndir.
Til endaloka heimsins, sem er
tæpir þrír tímar að lengd, skiptist
nokkurn veginn í tvennt þar sem í
fyrri helmingnum er lýst kynnum
aðalpersónanna og skemmtilegu
heimshornaflakki en í seinni hlutan-
um sagt frá tilraununum og per-
sónulegum krísum Hurts, slæmu
sambandi hans við föður sinn og
sambandi við dauðvona móðurina.
Fyrri hlutinn er mun aðgengilegri
og bráðgóður í iýsingu á framtíðar-
skipan heimsins en sá seinni öllu
heimspekilegri þar sem velt er upp
spurningum um það eina sem eftir
er af einkalífi manna í veröld þar
sem allt er til sölu; draumum.
Wenders (París, Texas, Himinn-
inn yfir Berlín) er gagntekinn af
ferðalögum, hreyfingum í tíma og
rúmi, og í þessari nýjustu mynd
sinni virðist hann hafa fullkomnað
ferðalagshugmyndina. Sett hana í
æðra veldi. Hún er takmarkalaus.
Þjóðvegurinn nær um allan hnöttinn
sem er iandamæralaus og næstum
því alls staðar eins. Framtíðarsýnin
er í senn kómísk og lýsir miklu
hugmyndaflugi. Kapítalískt lýðræði
hefur hvarvetna tekið yfir, jafnvel
í Kína; myndtækni, tölvur og kredit-
kort stjórna hinu daglega lífi. Einlit-
ur heimur er þeim mun minni.
Samt er hann ekki tilbreytinga-
laus. Wenders beitir útsjónarsemi
og snjöllum brögðum myndavélar-
innar undir stjórn Robbie Mullers
til að sýna inní framtíð sem er tals-
vert breytt frá því sem hún er í
dag. Þú mátt aðeins aka neðanjarð-
ar í París, í Moskvu geturðu keypt
Boss-jakkaföt, í Kína er minnis-
merki um atburðina á Torgi hins
himneska friðar, í San Francisco er
Hurt næstum drepinn þegar hann
ætlar að borga með peningum.
Myndtæknin er hin fullkomnasta.
Allir símar eru myndsímar. Mikill
hluti samtala fer fram í gegnum
myndir. Því er það bæði heillandi
og ógnandi sem vísindamaðurinn
Sydow fæst við í tilraunum sínum
til að sjúga drauma og hugsýnir
manna útúr fylgsnum heilans og
inní myndvæðinguna.
í Til endaloka heimsins hefur
Wenders safnað að sér viðeigandi
leikarahóp úr öllum heimshornum
til að fara með aðalhlutverkin;
sænskir, franskir, bandarískir, ástr-
alskir og þýskir leikarar koma sam-
an og ferðast í kringum hnöttinn í
leit Wenders að svari við spuming-
um um stöðu mannsins í lok geim-
aldar með sífellda ógn heimsendis
yfir höfði sér og vísindakrukk sem
taka af honum draumana. Hann
hefur enn gert áhrifaríka og ásækna
bíómynd, í þetta sinn á alþjóðlegum
grunni, með breiða skírskotun til
jarðarbúa, sem ættu stundum að
staldra við og horfa hvert stefnir.
Brúðuheimilið
Chucky 3 („Child’s Play 3“). Sýnd
í Laugarásbíói. Leikstjóri: Jack
Bender. Aðalhlutverk: Justin
Whalin, Perrey Reeves, Jeremy
Silvers. Universal. 1991.
Ódýru hrollvekjuseríur áttunda
áratugarins hafa flestar ef ekki all-
ar dáið drottni sínum. Freddi er
dauður og föstudagurinn 13. liðinn;
má segja að hafi húmað hægt að
kvöldi í þeim leiða bálki. Enn eimir
þó eftir af þessu fyrirbrigði ung-
lingatískunnar í hryllingsmyndun-
um um brúðuna banvænu, Chucky.
Mynd númer þrjú er sýnd í Laugar-
ásbíói þessa dagana og víkur í engu
af breiðum vegi formúlunnar.
I fyrstu myndinni særði geðsjúk-
ur morðingi sig inn í leikfangabrúðu
og myrti síðan til hægri og vinstri
með tilhiýðilegum blóðsúthellingum.
Markmiðið var að koma andanum
illa yfir í strákgrey, sem allir kenndu
um morð dúkkunnar. í þessari þriðju
mynd er stráksi kominn í herskóla
og þangað eltir brúðan hann í sömu
erindagjörðum og áður.
Ekki beint raunsær efnisþráður
enda hefur brúðunni einhvern veg-
inn aldrei tekist að vera nógu safa-
ríkt skrímsli til að skelfa að ráði.
Það er spuming hversu oft er hægt
að láta fólki bregða þegar henni
einni er til að dreifa. Reynt er að
auka á hrollinn með blóðsúthelling-
um og ítarlegum morðsenum en
hvorugt lappar upp á spennuleysið.
Herskólaliðið er samansett af
unglingaleikurum með litla reynslu
en helling af klisjukenndum fyrir-
myndum. Ódýr hrollur eins og
Chucky 3 setur auðvitað markið
ekki hátt og líkt og með aðrar hroll-
vekjuseríur má spyija sig hvers
vegna þær urðu yfirleitt til í fram-
haldsformi. Þær áttu sínar stundir.
Freddi gat verið vinsæll. En tími
þeirra virðist liðinn. Líklega er þetta
bálförin.
ATVINNA
WÓDLEIKHÚSID
Ljósamaður
óskast til starfa nú þegar. Rafvirkjamenntun
áskilin. Tölvukunnátta nauðsynleg svo og
reynsla við leikhúslýsingar.
Umsóknir sendist til framkvæmdastjóra fyrir
20. þessa mánaðar.
Þjóðleikhúsið.
Hálfsdagsstarf
Óskum eftir starfsmanni í hálfsdagsstarf frá
kl. 13-17 fimm daga vikunnar. Æskilegt er
að umsækjandi hafi þekkingu á félagsmálum
og rekstri atvinnutækja. Tölvukunnátta og
ritfærni vegna bréfaskrifta æskileg.
Umsóknum sé skilað til afgreiðslu blaðsins,
þar sem greint er frá aldri og fyrri störfum,
fyrir 20. mars nk. merktum: „T - 102“.
Gamalgróin
innflutningsverslun, með þekkt og góð um-
boð, óskar eftir fjársterkum samstarfsaðila
sem hluthafa. Viðkomandi geturfengið vinnu
við fyrirtækið, ef hann óskar.
Þeir, sem áhuga hafa, geta lagt inn nafn,
heimilisfang og síma á auglýsingadeild
Mbl. merkt: „Innflutningur - 12946“ fyrir
20. mars nk.
Safnaradagur
íKolaportinu
í samvinnu við safnara og félög safnara um
land allt munum við efna til safnaradags í
Kolaportinu sunnudaginn 29. mars. Eins og
í fyrra verður öllum söfnurum gefinn kostur
á að leigja sér borðpláss til að selja, skipta
og sýna safnmuni sína.
Sérstakt svæði í Kolaportinu verður ætlað
söfnurum þar sem þeir verða allir saman í
hóp en auk þess verður einnig venjulegt
markaðstorg í Kolaportinu þennan dag í öðr-
um hlutum hússins.
Leiguverð á borðplássi verður aðeins 600
krónur á hvern borðmetra.
Safnarar, sem hafa áhuga á þátttöku, eru
beðnir að hafa samband við skrifstofu Kola-
portsins sem fyrst í síma 91-687063 (virka
daga kl. 16-18).
KOIAPORTIÐ
MrfRKa-Ð^OfcíT
□ GLITNIR 599203117 = 1
I.O.O.F. 9 = 1733118'/a 3 9.I.
HELGAFELL 59923117 IVA/ 2
I.O.O.F. 7 = 173311872 =
FERÐAFÉLAG
@ ÍSIANDS
ÖLDUGÖTU 3 S 11798 19533
Myndakvöld Ferðafé-
lagsins 11. mars
Efni Árbókar1992 -
gönguferð um Jötun-
heima í Noregi
Ferðafélagið verður með mynda-
kvöld miðvikudaginn 11. mars í
Sóknarsalnum, Skipholti 50a, og
hefst það stundvíslega kl. 20.30.
Björn Hróarsson, höfundur Ár-
bókar Fí 1992 kynnir i máli og
myndum þau svæði sem Árbók-
in fjallar um, þ.e. hluta Suður-
Þingeyjarsýslu: Svæðið norðan
núverandi byggða milli Eyjafjarð-
ar og Skjálfanda, fjalllendi,
heiðalönd og eyðibyggðir.
Sigrún Pálsdóttir sýnir myndir
og segir frá gönguferð FÍ með
Norska ferðafélaginu um Jötun-
heima sl. sumar.
Félagsmenn sjá um kaffiveiting-
ar í hléi.
Myndakvöld Ferðafélagsins
vekja athygli margra - allir vel-
komnir - félagsmenn og aðrir.
Við leggjum áherslu á fræðslu
um (sland og kynnum einnig
ferðalög félagsmanna erlendis.
Aðgangur kr. 500 (kaffi og með-
læti innifalið).
Ferðafélag íslands.
FERÐAFÉLAG
ÍSIANDS
ÖLDUGÖTU 3 S 11798 19533
Helgarferð 13.-15. mars
Snæfellsjökull
Brottför kl. 20.00 föstudag. Gist
ing að Görðum í Staðarsveit.
Gengið á Snæfellsjökul á laugar-
dag. Fararstjóri: Pétur Ás-
björnsson. Upplýsingar og
farmiðasala á skrifstofunni,
Öldugötu 3.
Fimmti áfangi raðgöngunnar
upp á Kjalarnes verður endur-
tekinn á sunnudaginn 15. mars.
Ferðafélag Islands.
Ufttmti
QÚTIVIST
Hallveigarstíg 1, sími 14606
Árshátíð Útivistar 1992
verður haldin þann 21. mars í
„Húsinu á Sléttunni" i Hvera-
gerði. Rútuferð frá BSÍ kl. 18.
Glæsilegur matseðill og
skemmtiatriðin bregðast ekki.
Hljómsveitin Hrókarnir leika fyrir
dansi. Miðaverð aðeins kr.
3.990,-. Félagsmenn og farþeg-
ar Útivistar, fjolmennið og takið
með ykkur gesti.
Sjáumstl
Útivist.
SAMBAND ISLENZKRA
ijdií/ KRISTNIBOÐSFÉIAGA
Kristniboðsvika
8.-15. mars1992
I kvöld kl. 20.30 í Kristniboðs-
salnum, Háaleitisbraut 58: „Nýj-
asta nýtt úr pottinum" - Karl
Jónas Gíslason. Er það nokkurt
vit? Vitnisþurðir: Bjarni Gísla-
son, Sveinbjörg Arnmundsdóttir
og Sigurvin Bjarnason. Hug-
vekja, Lautey Gísladóttir.
Allir velkomnir.
Seitjarnarneskirkja
Samkoma í kvöld kl. 20.30 á
vegum Seltjarnarneskirkju og
sönghópsins Án skilyrða.
Þorvaldur Halidórsson stjórnar
söngnum. Predikun og fyrirbænir.
% SÁLARRANNSÓKNAR-
FÉLAGIÐ
HAFNARFIRÐI
Sálarrannsóknafélagið í Hafn-
arfirði heldur fund í Góðtempl-
arahúsinu á morgun, fimmtu-
daginn 12. mars, kl. 20.30.
Dagskrá: Sigurveig Guðmunds-
dóttir flytur fyrirlestur sem hún
nefnir: „Hin eilífa kvenmynd".
Öllum er heimill aðgangur með-
an húsrúm leyfir.
Stjórnin.
Hjálparflokkur
í kvöld kl. 20.30 hjá Immu,
Freyjugötu 9.
Samkoman annað kvöid fellur
niður vegna tónleika í Bústaða-
kirkju.
Hvítasunnukirkjan
Fíladelfía
Biblíulestur í kvöld kl. 20.30.
Ræðumaður Hafliði Kristinsson.
Allir hjartanlega velkomnir.
Svigmót ÍR
Reykjavíkur-
meistaramót 1992
Hörgshlíð 12
Boðun fagnaðarerindisins.
Almenn samkoma i kvöld
kl. 20.00.
í flokkum 12 ára og yngri fer f ram
í Hamragili laugard. 14. mars.
Dagskrá:
11-12 ára flokkar.
Kl. 9.30. Brautarskoðun fyrri ferð.
Kl. 10.00. Fyrri ferð stúlkur,
drengir.
9-10 ára flokkar.
Kl. 14.00. Brautarskoðun fyrri ferð.
Kl. 14.30. Fyrri ferð stúlkur,
drengir.
Fararstjórafundur ( herbergi
SKRR í Laugardal föstudaginn
13.03. kl. 18.00. Þátttökugjald kr.
300,-. Verðlaunaafhending að
móti loknu. Rútuferð frá Árseli kl.
8.30 fyrir eldri flokka (11-12 ára)
og kl. 12.30 fyrir 9-10 ára. Athug-
ið að rúturnar smala ekki. Þátt-
taka tilkynnist til Auðar Ólafsdótt-
ur (s. 37392) fyrir kl. 20 fimmtu-
daginn 12. mars.
Mótsstjórn.
Tvær opnar vikur(vikunámskeið)
verða á Biblíuskólanum á Eyjólf-
stöðum í vor.
1. 15.-22. mars. Boðun og
kristniboö. Kennari: Andy Hall
frá Englandi.
2. 3.-10. maí. Mannleg sam-
skipti. Kennari: Eivind Fröen frá
Noregi.
Verð fyrir eina viku kr. 12.000,-
(kennsla, fæði, gisting).
Þessi námskeið eru opin öllum.
Nánari upplýsingar og skráning
í síma 97-12171.