Morgunblaðið - 21.06.1992, Blaðsíða 27

C 27
MORGUNBLAÐIÐ SAMSAFNIÐ SUNNUDAGUR 21. JÚNÍ 1992
SÍMTALIÐ...
ER VIÐÍNGIBJÖRGUBJÖRNSDÓTTUR ÍNORRÆNA
HÚSINU
Á Arnarhóli á 17.
júní árið 1983.
Talnaglöggnr maður taldi 29.874 höfuð á Arn-
arhóli á 17. júní 1948.
Gengið til Dómkirkju. Forsetahjónin frú Dóra
Þójrhallsdóttir og herra Ásgeir Ásgeirsson og
Ólafur Thors forsætisráðherra og frú Ingi-
björg.
Maístöng ijúní
1 70 30
Norræna húsið.
-Góðan dag, ég heiti Guðni
Einarsson og hringi frá
Morgunblaðinu.
Komdu sæll, Ingibjörg
Björnsdóttir heiti ég.
-Hvað er að gerast í Norræna
húsinu þessa dagana?
Það er nú fyrst að nefna
Maístöngina, sem venjulega er
reist um Jónsmessuna, en við
ætlum að taka forskot í ár og
reisa hana á laugardagskvöldið
fyrir Jónsmessu.
-Er ekki fullseint að reisa
Maístöng í júní?
Nei, nei. Eg veit nú ekki hvers
vegna stöngin er kennd við
maí, þetta er líklega eins konar
frjósemistákn. Þessi siður er
kominn frá Svíþjóð og ég hef
bara ekki kynnt mér nafnið sér-
staklega.
-Hvers konar stöng er þetta?
Þetta er líkt og flaggstöng á
hæð. Hún er alltaf skreytt með
birkigreinum og blómum, efst
hanga hringir á slá svo þetta
er líkt og kross.
-Hvað gerist svo við stöngina?
Það er dans-
að í kringum
stöngina og
sungin lög sem
fólkið kann. Við
fáum gesti frá
Svíþjóð sem
syngja fyrir
okkur, Þjóð-
dansafélagið
sýnir þjóðdansa
og Grettir
Björnsson leik-
ur á nikkuna.
Þá er farið í
leiki með
krökkum sem mæta á svæðið.
-Hveijir sækja þessar hátíðir?
Það eru margir, til dæmis
ferðamenn frá Norðurlöndun-
um, Islendingar sem hafa
kynnst þessu í Svíþjóð og aðrir
sem eru komnir á bragðið. Svo
má ekki gleyma Jónsmessubál-
inu sem er kveikt um tíuleytið.
Kemur margt fólk í Norræna
húsið yfir sumarið?
-Já, mjög margt, en það er
allt öðru vísi aðsókn en yfir
veturinn. Ferðamenn koma
mjög mikið og ráðstefnugestir.
Fólk kemur bæði til að skoða
húsið og fá upplýsingar. Við
sýnum á hveijum degi, klukkan
eitt eftir hádegið, mynd sem
Saga film gerði og heitir „Island
under fire aarstider".
-Hvað er fleira á seyði?
Við erum með sýningu á olíu-
og vatnslitamyndum eftir Hjör-
leif Sigurðsson. Svo er sýning
hér í anddyrinu á keramik og
skartgripum eftir tvo danska
listamenn. Svo er kaffistofan
opin alla daga og þar liggja
frammi dagblöð frá Norðurlönd-
um.
-Svo það er
nóg að gera hjá
ykkur!
Já, það er
alltaf mikið um
að vera og mik-
ill gestagangur
- eins og vera
ber.
-Ég þakka
fyrir samtalið og
vertu blessuð.
Já, vertu
blessaður.
Ingibjörg Björnsdóttir.
Herjólfur leggur að bryggju í Vestmannaeyjum.
Nýr og glæsilegur Heijólfur
er að hefja áætlunarsiglingar
milli Þorlákshafnar og Vest-
mannaeyja. Skipið er nefnt
eftir Heijólfi landnámsmanni
Bárðarsyni, sem bjó í Heijólfs-
dal í Vestmannaeyjum. Nýi
Heijólfur er þriðja skipið með'
þessu nafni sem sérstaklega
er smíðað til siglinga milli
lands og Eyja. Við þessi tíma-
mót er ekki úr vegi að rifja
upp komu fyrsta skipsins.
Hetjólfur kom til Vestmanna-
eyja 12. desember 1959 og
var Éyjamönnum kærkomin
samgöngubót. Skipaútgerð ríkis-
ins átti skipið og annaðist út-
gerðina. Þessi Heijólfur var aðal-
lega í ferðum milli Reykjavíkur
og Vestmannaeyja og sigldi á
nóttunni. Einnig voru farnar
ferðir til Þorlákshafnar og jókst
tíðni þeirra í takt við bætt hafn-
arskilyrði í Þorlákshöfn.
í Morgunblaðinu 15. desember
1959 er sagt frá komu fyrsta
Heijólfs undir fyrirsögninni
„Nýja Eyjaskipið í Reykjavík"
og gefín greinargóð lýsing á far-
kostinum.
„Skipið er... byggttil farþega-
flutninga og vöruflutninga. í því
eru tveir salir fyrir farþega á
aðalþilfari og rúm fyrir 20 far-
þega í 10 tveggjamanna klefum
undir aðalþilfari, en sófum í tví-
skiptum borðsal má breyta í 12
svefnrúm. Enn fremur er gert
ráð fyrir að 7 farþegar hafi nokk-
ur svefnskilyrði á sófum í getu-
FRÉTTALJÓS
ÚR
FORTÍD
Hetjólfur var
kærkomin
samgöngubót
sal og á bátaþilfari er sjúkra-
klefi fyrir einn.
í skipinu er kælilest fyrir
mjólk, en skipið á að flytja mjólk
til Vestmannaeyja. Einnig má
flytja annað, svo sem beitusíld í
kælilestinni. Aðallest fyrir
stykkjaVöru er 9.300 rúmfet og
auk þess er geymir til olíuflutn-
inga.“
Þá er farið nokkrum orðum
um stærð og búnað þessa elsta
Heijólfs. „Stærð skipsins er um
500 brúttólestir eða 170 nettó.
Það er tveggja skrúfu skip með
tveim aðalaflvélum. Fjórar
bómuvindur eru í skipinu, tvær
með 5 tonna lyftigetu og tvær
með eins tonns lyftigetu og er
dælubúnaður góður.“ Heijólfur
kostaði hingað kominn 11 millj-
ónir króna á verðlagi þess tíma
og þótti ekki mikið fyrir svo
vandað skip.
Bogi Éinarsson var skipstjóri
á Heijólfi um fimm ára skeið og
á góðar minningar um skipið:
„Það kom aldrei neitt fyrir þetta
skip. Heijólfur var gott sjóskip
og stöðugur, þungur í botninn
og hreyfingarnar hvassar, en það
var engin hætta á að hann færi
af kjölnum.“
Vestmannaeyingar kvöddu
Heijólf með virktum að kvöldi
6. júlí 1976. Þá var Heijólfur
annar, sem nú hefur nýlokið
þjónustu, kominn og tekinn við
áætlunarsiglingum. Um kveðju-
athöfnina segir í Morgunblaðinu
8. júlí 1976: „Mikill mannfjöldi
safnaðist saman á bryggjunni
þegar skipið var kvatt og lætur
nærri að fleiri hafi verið við
kveðjuathöfn gamla Heijólfs en
við móttökuathöfn nýja Heijólfs.
Nokkur ávörp voru flutt við þetta
tækifæri og skipshöfn gamla
skipsins afhentur blómvöndur.
Lúðrasveit Vestmannaeyja lék
og var það mál manna að skipið
hefði verið kvatt á viðeigandi
hátt.“
Heijólfur fyrsti var seldur til
Hondúras í Suður-Ameríku og
fór þangað í september 1977.
Þar átti að nota skipið til feiju-
flutninga. Er ekki annað vitað
en Heijólfur hafi þjónað nýjum
eigendum jafn dyggilega undir
suðrænni sól og hann gerði í
krappri öldu við Islandsströnd.