Morgunblaðið - 14.08.1992, Blaðsíða 1

MALDÍVES
FÖSTUDAGUR
14. ÁGÚST 1992
B
Ljósmynd/Páll Stefánsson
Um 400 vilja sækja Vestnorður ferðakaupstefnuna
Nærri 400 manns munu sækja Ferðakaupstefnu Vestur-Norðurlanda
á Akureyri dagana 23.-26.september og er það u.þ.b. 100% aukning
frá þeirri síðustu sem var í Færeyjum í fyrra. Inga Sólnes hjá Ferða-
málanefnd Vesturnorðurlanda sagði að sýnendur frá löndunum þrem-
ur væru alls 191-193 en voru 110 s.l. ár og 171 ferðaheildsali frá
111 fyrirtækjum í 20 löndum hafa boðað komu sína. Einnig er boð-
ið nokkrum erlendum blaðamönnum og ýmsum gestum.
Inga sagði að ferðaheildsalar
kæmu m.a. frá Bandaríkjunum,
Norðurlöndunum, Frakklandi, ítali,
Sviss, Slóveníu, Spáni, Hjaltlands-
eyjum og Japan. Fram hefur komið
í fréttum að þetta er í fyrsta sinn
sem kaupstefnan er haldin á Akur-
eyri. Fyrri tvo dagana verður kaup-
stefnan fyrir sýnendur og kaupend-
ur. í lokahófi velja kaupendur besta
veggspjald sýnenda. Þriðja daginn
er sýningin opin almenningi. í boði
eru skoðunarferðir fyrir þátttak-
endur, ferð um Reykjanes, að Gull-
fossi og Geysi og eftir ráðstefnuna
geta menn farið að Mývatni víðar
um NA land. Að sögn Ingu var einn-
ig gefinn kostur á ferð til Græn-
lands og öll sólarmerki benda til
góðrar þátttöku í henni. ■
tekur til starfa í haust
UNDIRBÚNINGUR að opnun svonefnds kirkjuskjóls Háteigssóknar er
á lokastigi og tekur það til starfa um leið og grunnskólar byija. Kirkju-
skjól er athvarf fyrir 6-9 ára börn sem ekki eiga kost á gæslu fyrir
eða eftir skóla. Háteigskirkja á ekki safnaðarheimili og verður starfið
því í húsi prestshjónanna, sr. Tómasar Sveinssonar og Unnar Halldórs-
dóttur, en Unnur mun hafa yfirumsjón með starfinu. Verða 12 börn
fyrir hádegi og sami fjölda eftir hádegi.
Unnur segir að miklar umræður
séu innan kirkjunnar um hvernig
megi bæta úr brýnni þörf fyrir gæslu
yngstu skólabarnanna. Eftir viðræð-
ur við Dagvistun barna og Fræðslu-
skrifstofu til að kanna þörfina var
látið til skarar skríða.
Á útmánuðum 1991 var gerð til-
raun með kirkjuskjól í Neskirkju og
Fella- og Hólakirkju. Það gafst vel,
en Fella- og Hólakirkja gat ekki
haldið starfinu áfram vegna hús-
næðisskorts. Nú hefur verið byggt
við safnaðarheimilið og sóknarnefnd
tekur senn ákvörðun um hvort
kirkjuskjó! verður þar í vetur.
Starf skjólsins í Neskirkju gekk
vel og í gær ákvað sóknamefnd að
halda starfínu áfram. Þar voru 15
börn' og 3 starfsmenn og eldri borg-
arar safnaðarins komu daglega í
heimsókn, lásu og sögðu sögur.
í Árbæjarkirkju er hafinn undir-
búningur að Kirkjuskjóli, en ekki
hefur fundist hentugt húsnæði. Sr.
Þór Hauksson segir að safnaðar-
heimilið sé of langt frá Selásskóla
og auk þess fullsetið alla daga vik-
unnar. Viðræður hafi staðið yfir við
Reykjavíkurborg og var síðan send
formleg beiðni um húsnæði í ná-
grenni skólans. Epn hefur ekkert
svar borist en að öðru leyti segir sr.
Þór að ekkert sé því til fyrirstöðu
að rekið verði kirkjuskjól í Árbæjar-
kirkju í vetur. ■
Nýtt kirkjuskiól
5.000 skoðuðu Toyota Corolla
Fjöldi manna lagði leið sína í Toyota-umboðið í
Kópavogi um síðustu helgi þegar nýja útgáfan af
Toyota Corolla var frumsýnd þar. Að sögn tals-
manna umboðsins komu um 5.000 manns að skoða
þessa 7. kynslóð af Toyota Corolla, en fáir bílar
geta státað af jafnmörgum framleiddum eintök-
um. Mörg þúsund íslendingar hafa einhvern tíma
átt bíl af þessari gerð og að sögn þeirra hjá Toy-
ota hefur sala á nýja bílnum verið ágæt og fram-
ar vonum og eru biðlistar þegar farnir að mynd-
ast eftir sumum útfærslunum.
Mætti fækka milliliðum og
efla samvinnu sðluaðila
„MIKLAR umræður hafa orðið um markaðs- og
sölukostnað og hvort núverandi sölukerfi væri of
dýrt. Þessi kostnaður í skipulögðum ferðum er
oftast á bilinu 35-40% sem leggst ofan á grunn-
verð þegar „Islandspakkinn" hefur verið settur
saman. Menn velta einnig fyrir sér hvort hægt sé
að einfalda kerfið með fækkun milliliða og meiri
samvinnu íslenskra söluaðila á markaðssvæðun-
um.“
Þetta sagði Magnús Oddsson, markaðsstjóri Ferða-
málaráðs, er Ferðablaðið leitaði til hans að spyija um
fund þann sem Ferðamálaráð boðaði til hagsmunaað-
ila í ferðaþjónustu vegna umræðna um verðlag og
áhrif þess á komur erlendra ferðamanna. Magnús
sagði að skipaður hefði verið starfshópur og umræður
á síðasta fundi hópsins einkum snúist um ofangreint,
þ.e. markaðs- og sölukostnað.
Hann sagðist vilja benda á að e.t.v. þyrfti ekki að
koma á óvart að erlendar ferðaskrifstofur væru komn-
ar með starfsemi hér á landi til að losna við íslenska
ferðaheildsala sem millilið. Hann sagðist undrandi á
að íslenskir ferðaheildsalar hafi ekki komið sér betur
fyrir á stærstu markaðssvæðunum til að losna við
erlenda milljliði. ■