Morgunblaðið - 14.08.1992, Qupperneq 12

MORGUNBLAÐIÐ FOSTUDAGUR 14. AGUST 1992
Morgunblaðið/jt
Langbakurinn með aldrifi er verklegur bíll og liggur
vel. Hann kostar um 1.345 þúsund krónur kominn á göt-
una.
Góó vinnsla
Hljóólólur
Ríkulegur
staóalbún-
aóur
Tœpt höfuó-
rými ■ bil
meó sóllúgu
Varahjól i al-
drifsbilnum
aflamunurinn gæti gefið til kynna.
Stallbakurinn með minni vélinni
vinnur í það minnsta yfrið nógu vel
við venjulegan þjóðvegaakstur enda
er handskipti fimm gíra kassinn
hinn liprasti. Þessi gerð er ekki
boðin með sjálfskiptingu. Viðbragð-
ið þrýstir að vísu hvorki ökumanni
né farþegum ofan í sætin en bíllinn
bætir lengi við sig og er ekki í vand-
ræðum með góða hröðun við fra-
múrakstur, jafnvel í fimmta gír.
Þessi gerð dugar með öðrum orðum
hvað vélarorku varðar. Hún kostar
947 þúsund krónur og næsta gerð
fyrir ofan kostar 1.073 þúsund (án
ryðvarnar og skráningar) en auk
þess sem vélin er minni býður sá
bíll ekki uppá rafdrifna spegla eða
rúður, snúningshraðamæli, fram-
stóla með stöðuminni eða samlitaða
spegla. En hefur ýmislegt samt eins
og sjá má á upptalningu staðalbún-
aðarins hér aftast.
Stærri vélin býður upp á hörku-
viðbragð og vinnslu og á það bæði
við sjálfskiptu sem handskiptu
gerðina. Þessar gerðir hafa sérlega
skemmtilega aksturseiginleika,
hægt að meðhöndla þær með meiri
röskleika en gerðina með minni
vélinni. Viðbragðið er mjög gott í
lággírunum og sjálfskipti bíllinn er
svo til enginn eftirbátur þess hand-
skipta.
Langbakurinn er vel heppnaður
og rúmgóður bíll miðað við stærð
og verð. Hann er fáanlegur með
sjálfskiptingu og kostar þá kr.
1.207 þúsund og sé hann tekinn
með aldrifi er verðið 1.319 þús. kr.
en þá er hann handskiptur. Með
þessu er að vísu örlítið dregið úr
möguleikum en hér eru Heklumenn
aðeins að halda í við gerðafjöldann.
Ekki eru akstureiginleikar lang-
baksins neitt að ráði síðri en stall-
bakanna. Aldrifsbíllinn er hins veg-
ar dálítið þunglamalegri enda vegur
hann 1155 kg á móti 995 kílóum
stallbaksins en hann liggur
skemmtilega vel á mölinni. Segja
má að eini gallinn við aldrifsbílinn
sé staðsetning varahjólsins, að það
skuli ekki vera haft inni í farangurs-
rýminu.
Fjaðrabúnaðurinn er eitt af því
sem endurbætt hefur verið með
þessari nýju gerð hjá Lancer. Að
framan eru sjálfstæð MacPherson
gormafjöðrun og að aftan eru
gormar með fjölliðafestingum. Með
nýjum örmum hefur verið dregið
úr bjögun sem verður við spyrnu
og hemlun og hjólum er haldið því
sem næst lóðréttum þegar ekið er
í ójöfnum. Þá hafa fóðringar verið
stækkaðar sem á að draga úr há-
vaða. I heild má segja að allir bílam-
ir fjaðra vel og liggja vel á vegi en
hér var þó ekki tækifæri til að reyna
þá mikið og ekki með hleðslu eða
mörgum farþegum. Þá er vert að
nefna að bílarnir eru allir búnir
aflstýri og sjá tvær vökvadælur um
að létta ökumönnum lífið. Báðar
vinna þegar bílnum er skekið í stæð-
um eða á hægri ferð en þegar kom-
ið er á meiri hraða er ein látin
nægja.
Eins og fram hefur komið er
verðbilið frá 947 þúsund krónum
uppí 1.319 þúsund krónur fyrir hin-
ar ýmsu gerðir að viðbættum 25
til 30 þúsund krónum fyrir skrán-
ingu og ryðvörn. Þetta er tvímæla-
laust gott verð og víst er að enn
um sinn geta bílar frá Mitsubishi
og Toyota haldið áfram að slást um
vinsældasætin á íslenskum bíla-
markaði. ■
Jóhannes Tómasson
Fyrstu Renault
strætisvagnarnir
hef ja akstur á morgun
ATTA nýir strætisvagnar frá Renault voru afhentir fyrirtækinu Hag-
vögnum í siðustu viku og eiga þeir að hefja akstur á almenningsvagna-
neti fyrirtækisins á morgun. Sjö vagnar til viðbótar verða afhentir
eftir rúman mánuð en það er Bílaumboðið hf. sem hefur umboð fyrir
■Tlenault bíla. Pétur Óli Pétursson segir að hér sé um að ræða um 200
milljóna króna samning og segir að þessi sala sé fyrsti liður í sókn
fyrirtækisins inn á markað vöru- og fólksflutningabíla enda hafi Re-
nault þar ýmislegt í boði. Hefur Heiðar Sveinsson verið ráðinn til að
sinna þessum verkefnum sérstaklega.
Mogens Juul Nielsen er aðstoðar- dregur úr hættu á skemmdarverkum.
svæðisstjóri fyrir sölu Renault vöru-
og fólksflutningabíla í Norðurhluta
Evrópu og hefur hann verið hér síð-
ustu daga ásamt tæknimönnum til
að undirbúa afhendinguna og fylgja
vögnunum úr hlaði. -Renault vagnar
urðu fyrir valinu vegna þess að þeir
uppfylltu skilyrði sem sett voru um
stærð, búnað og frágang og ekki
síður vegna þess að afhendingar-
frestur var stuttur, segir Mogens
Juul Nielsen. -Skrifað var undir
samninga í mars og vagnarnir eru
afhentir nú, fímm mánuðum síðar.
Renault PR 100,2 eins og vagn-
arnir heita fullu nafni taka 35 fár-
þega í sæti og jafnmarga í stæði.
Sætisáklæðin eru límd við sætin sem
Vagnamir eru búnir 253 hestafla
vélum, læsivörðum hemlum, fjögurra
hraða sjálfskiptingu, sjálfvirkum far-
þegateljara og þeir hafa auk þessa
ýmsan búnað sem hæfir norðlægum
slóðum, svo sem þremur miðstöðvum
og innri brettum úr ryðfríu stáli.
Ýmis öryggisbúnaður er tengdur
hurðunum, t.d. er ekki hægt að aka
af stað séu hurðirnar opnar og sé
farþegi staddur í dyrunum þegar
hurð er lokað opnast hún þegar aft-
ur. Vagnamir eru 12 metrar að lengd
en fyrirtækið býður vagna sem eru
allt að tvöfalt lengri.
Renault er meðal þriggja stærstu
vörubílaframleiðenda heimsins, þ.e.
bíla yfir 15 tonn að þyngd og er
Fram hefur komið að Mitsub-
^ ishi Lancer er nýr bíll frá
ffmm grunni. Útlitsbreytingin er
VI hins vegar ekki byltingar-
kennd, heildaryfirbragðið er
annað, framendi og afturendi
og hliðarnar ekki eins boga-
■J dregnar og í eidri gerð. Bíllinn
VI er örlítið’ stærri en fyrirrenn-
arinn og einkum með 12 cm
lengra hjólhaf og meiri
IM sporvídd að framan sem aftan.
OC Þá hefur höfuðrými verið auk-
ið lítillega og er enda ágætt, nema
hvað stórvaxnir menn stijúkast
uppundir í bíl með sóllúgu.
Að innan er heldur meiri breyt-
ingu að sjá. Þar ríkir bogadregna
línan sem menn þekkja e.t.v. frá
hinum nýja Colt sem kynntur var
síðla vetrar. Er innri frágangurinn
mjög smekklegur, mælar og rofar
eru handhægir og skýrir, gott er
að taka á stýri, stefnuljósarofa og
gírstöng og sætin eru stíf og með
góðri klæðningu. Auk hefðbund-
inna stillinga er hægt að stilla hæð
þeirra á GLXi gerðunum.
Lancer er með nýrri vél og fæst
með tveimur vélarstærðum, 1300
rúmsentimetra, 12 ventla 75 hest-
afla eða 1600 rúmsentimetra, 16
ventla vél sem er 113 hestöfl. Báð-
ar eru með rafstýrðri fjölinnspraut-
un. Minni vélin er aðeins í GLi stall-
baks gerðinni en sú stærri í hinum
gerðunum, GLXi með hand- eða
sjálfskiptingu og stallbaksgerðun-
um tveimur. Munurinn á þessum
vélum er ekki eins mikill og hest-
Morgunblaðið/Kristinn
Þar sem engir lyklar eru í Renault strætisvögnum
varð að smíða sérstakan lykil sem Pétur Óli Péturs-
son (t.v.) afhenti Gísla Friðjónssyni þegar hann tók
við fyrstu átta vögnunum. Vagnarnir eru gulir að lit.
KYNNING á nýjum
Lancer frá Mitsubishi
hófst í síðustu viku og
státar umboðið, Hekla
hf., af fyrstu kynningu
þessa bíls utan Japans.
Fjölmargir lögðu leið
sína í sýningarsali
Heklu um síðustu
helgi til að skoða hin-
ar ýmsu gerðir. Þær
eru fimm, stallbakur í
þremur gerðum og
langbakur í tveimur.
Bílablaðamenn fengu
smá forskot með
kynningu sem fram
fór á Þingvöllum.
Ókum við austur
þangað úr höfuðstaðn-
um á nokkrum bílum
þar sem þeir Heklu-
menn upplýstu okkur
um helstu eiginleika
bílsins og síðan voru
hinar ýmsu gerðir
prófaðar á malbiki og
möl í þjóðgarðinum og
nágrenni hans. Hér
verður því ekki sér-
staklega staldrað við
neina eina gerð heldur
farið nokkrum orðum
um þær flestar.
þessi deild fyrirtækisins rekin sem
sjálfstætt fyrirtæki. Alls velti það
sem svarar yfir 300 milljörðum ís-
lenskra króna í fyrra. Auk vörubíla
framleiðir fyrirtækið langferðabíla
og strætisvagna og voru bílarnir
kjörnir bíll ársins á síðasta ári. Alls
voru framleiddir rúmlega 57 þúsund
vöru- og fólksflutningabílar árið
1991. ■
Mitsubishi Lancer GLi stallbakur með 1300 rúmsentimetra 75
hestafla vél er ágætlega sprækur.
Farangursrýmið er þokkalegt en tæplega
nógu djúpt.
Páll Kristjánsson er einn 35 vagnstjóra Hag-
vagna og verða alls 22 til 23 vagnar í notkun í
leiðakerfinu þegar mest er. Páll kvaðst kunna
vel við sig undir stýri en vagnstjórar hafa notað
vikuna til að kynnast bílunum.
Mitsubishi Lancer
1 HNOTSKURN
Staðalbúnaður
Vélar: 1300 rúmsentimetra,
12 ventla, 75 hestaflaeða 1600
rúmsentimetra, 16 ventla og
113 hestafla, báðar með raf-
stýrðri fjölinnsprautun.
Aflstýri, veltistýri.
Lengd: 4,27 m.
Breidd: 1,69 m.
Hæð: 1,38 m.
Þyngd: 940-1.155 kg.
Samlæsingar.
Upphituð framsæti.
Útvarp með sjálfleitara og
segulband.
Höfuðpúðar á öllum sætum.
Hæðarstiliing á öryggisbelt-
um.
Samlitir stuðarar.
Litaðar rúður.
Mengunarvörn.
Verð: 947 til 1.319 þúsund
krónur að viðbættum skrán-
ingar- og ryðvarnarkostnaði.
Umboð: Hekla hf., Reykja-
vík.
Fjölbreyttur og
snaggaralegur Lancer