Morgunblaðið - 28.02.1993, Blaðsíða 15

I
MORGUNBLAÐIÐ SUNNUDAGUR 28. FEBRÚAR 1993
B 15
Tvöfaldur sigurvegari
Jon Kjell Seljeseth samdi lagið Þá veistu svarið sem sigraði í Söngvakeppni Sjónvarpsins, hann er einnig höfundur lags-
ins Ég man hverja stund sem sigraði í keppninni um Landslagið.
Það er ekki ósvipað að hanna
hús og að smíða lag. Þetta eru
skyld fyrirbæri. Bakgrunnur
minn í byggingalistinni hefur
oft komið sér vel í tónlistinni.
Ég skynja hlutina á annan
hátt. Við vitum að skynjun
ólíkra áreita fer bara eftir því
hvernig boðin eru lesin inn í
heilann. Tónninn er ekki ólíkur
ljósinu, annað fer inn um aug-
un og hitt um eyrun. Litirnir
geta endurspeglað mismun-
andi tíðni hljóðbylgja. Eins er
litstyrkur sambærilegur við
hljóðstyrk, sterkur litur svarar
þá til hávaða. Litimir eru mis-
hreinir, rétt eins og tónarnir.
Yfir- og undirtónar ráða því
hvaða blæ tónninn hefur. Þetta
laukst upp fyrir mér þegar ég
fór að vinna við hljóðhönnun
(sound design). Litafræðin úr
byggingalistinni hjálpaði mér
að greina hljóðin. Lagasmíði,
útsetning og flutningur em
samofnir þættir, líkt og öll þau
svið sem koma saman við
byggingu húss.
Jon Kjell starfar langmest
við upptökur nú orðið. Hann
hefur lagt hönd á plóginn við
gerð yfir 80 hljómplatna sem
hljóðfæraleikari, útsetjari og
upptökustjóri. Einnig hefur
Jon Kjell komið við sögu í
hvert sinn sem Söngvakeppni
Sjónvarpsins hefur verið hald-
in, utan einu sinni, sem hljóð-
færaleikari og útsetjari. Þá
hefur hann gert talsvert af
auglýsingatónlist. Meðal
þeirra sem hann hefur unnið
með er hljómsveitin Stjórnin.
Hún tók þátt í Söngvakeppn-
inni í Zagreb í Júgóslavíu
1990, þá var Jon Kjell hljóm-
sveitarstjóri og tók þátt í öllum
undirbúningi. Stjórninni gekk
mjög vel og lenti í 4. sæti, sem
er besti árangur íslendinga til
þessa.
Nú kom Jon Kjell í fyrsta
skipti við sögu sem höfundur.
Hann valdi tiltölulega óþekkta
söngkonu, Ingibjörgu Stefáns-
dóttur, til að flytja lagið. Ingi-
björg gat sér nýlega gott orð
fyrir leik í kvikmyndinni Vegg-
fóðri.
- Átti það þátt í vali söng-
konunnar?
„Flytjandinn hefur heilmik-
ið að segja og auðvitað er val-
ið þaulhugsað. Ingibjörg hefur
mjög heillandi framkomu og
vekur athygli. Ég hef unnið
með mörgum frægum söngv-
urum og prófaði marga fyrir
þetta lag. Þegar Ingibjörg kom
til að prufusyngja lá við að ég
yrði feiminn. Hún hefur sterka
útgeislun. Reglurnar segja að
það sé verið að keppa um lag,
en í raun er það ekki svo.
Dómnefndirnar greina ekki á
milli einstakra þátta lags og
texta, útsetningar og flutn-
ings, heldur ræður heildar-
myndin úrslitum. Ég var
hræddari við viðbrögð fólks
við laginu hér heima en úti,
svo er bara að sjá hvað setur.“
Heldur þú að lagið
þitt nái 4. sætið
á írlandi í vor,
eða fari jafnvél
ofar?
„Það er svo auðvelt að lofa
einhveiju og lenda svo á botn-
inum. Á næstu vikum bíður
okkar gífurleg vinna og undir-
búningur," svarar Jon Kjell.
Hann telur allar líkur á að
hann mundi tónsprotann á ír-
landi í vor. Hann býr að reynsl-
unni frá Zagreb og telur hana
ómetanlega. Það mæðir mest
á hljómsveitarstjóranum í þau
tvö skipti sem hver flytjandi
fær að æfa með stórhljómsveit
keppninnar í tuttugu mínútur.
í Júgóslavíu gafst vel að hafa
hluta undirleiksins á tónbandi
og allar líkur á að svo verði
aftur nú. „Ég var með milli
10 og 15 mismunandi útgáfur
af undirleiknum á tónböndum,
breytta hljóðfæraskipan og
ólíkar tónblöndur af undir-
leiknum í Einu lagi enn. Á
fýrri æfingunni í Zagreb var
enginn píanóleikari mættur
þegar við komum, loks þegar
hann kom heyrði ég að hann
fór býsna frjálslega með út-
setninguna, enda hafði hann
aldrei séð nóturnar fyrr. Ég
fékk undanþágu til að nota
undirleiksband með píanó-
leiknum á og það var til bóta.“
Jon segir undirbúninginn
vera mikilvægan en það sem
skipti mestu máli á lokakvöld-
inu sé hvort það er neisti í
flutningnum. „Ég veit að
söngkonan hefur ekki mikla
reynslu, en ég fínn að hún er
tilbúin til að leggja sig alla
fram. Það er eitthvað við þessa
stelpu...“
Gera Norðmenn
ekki tilkall til
þín, nú þegar þú
ert tvöfaldur
sigurvegari í dægurlaga-
keppnum íslands?
Þeir reyna eflaust að eigna
sér mig - ef okkur gengur vel
- en ég er löngu orðinn Islend-
ingur. Þessar þjóðir eiga það
sameiginlegt að hrósa sér af
brottfluttum bömum sínum.
Ef læknir af íslenskum ættum
verður frægur í útlöndum þá
eru allir fjölmiðlar hér fullir
af því, þótt maðurinn hafí búið
úti áratugum saman. Ég kann
ákaflega vel við mig á Islandi
og er kominn til að vera. Það
eina sem fer í mig er gráa
veðrið, þegar það er hvorki
gott eða vont, blautt eða þurrt,
bjart eða dimmt. Þegar veðrið
er búið a vera þannig vikum
saman verð ég pirraður.“
Jon Kjell hefur gott vald á
íslensku, þótt hægt sé að
merkja á mæli hans að hann
Ég kann ákaflega vel við mig
á Islandi og
er kominn til að vera. Það
eina sem fer í mig er gráa
veðrið, þegar það er hvorki
gott eða vont, blautt eða
þurrt, bjart eða dimmt.
er aðfluttur. Þegar honum er
hrósað fyrir tungutakið segir
hann vera dagamun á því
hversu góða íslensku hann tali,
það skipti líka máli í hvernig
skapi hann er. „Þegar ég er í
góðu jafnvægi gengur allt vel,
en ef það fýkur í mig þá verð-
ur málið skrautlegra. Konan
mín segir að það þýði ekkert
að rífast við mig, því ég verði
svo fyndinn þegar ég reiðist!
Annars er verst hvað ég er
farinn að ryðga í norskunni.
Þegar mamma hringir verð ég
að setja í „norska gírinn" og
jafnvel hugsa mig um til að
fínna réttu orðin.“
Tilboðsdagar
Vikuna 1.-5. mars verður haldin sérstök Knorr-vika í Fjarðarkaupum.
Vörukynningar og tilboðsverð á hinum ljúfFengu Knorr pastaréttum,
pottréttum, pastasósum, sápum, sósum, kryddi og fleiri úrvals
vörum frá Knorr.
Gegn framvísun þessa miða færðu
I 1 stk. Knorr moussaka og/eða
I Knorr Dijon sósu á hálfvirði
/JS meðan birgðir endast.

FJARÐARKAUP