Morgunblaðið - 05.03.1994, Síða 25

24
MORGUNBLAÐIÐ LAUGARDAGUR 5. MARZ 1994
MORGUNBLAÐIÐ LAUGARDAGUR 5. MARZ 1994
25

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Kringlan 1, 103 Reykjavík. Símar: Skiptiborð 691100. Auglýsingar:
691111. Áskriftir 691122. Áskriftargjald 1400 kr. með vsk. á mánuði
innanlands. I lausasölu 125 kr. með vsk. eintakið.
Arangur 1993
Þróun íslenzkra efnahags-
mála á árinu 1993 var á
ýmsan hátt hagstæðari en
búizt var við, að því fram kem-
ur í marzhefti Þjóðarbúskap-
arins, upplýsingariti Þjóð-
hagsstofnunar. Þegar litið er
á hinar jákvæðari hliðar í
framvindunni á því ári vegur
hvað þyngst, að jafnvægi
komst á í viðskiptum við önnur
lönd, en gert hafði verið ráð
fyrir töluverðum halla. Við-
skiptahallinn var um 12 millj-
arðar króna árið 1992 og um
18 milljarðar árið 1991. Þessi
ávinningur er mikilvægur,
þegar þess er gætt að við-
skiptahalli við umheiminn og
erlend skuldasöfnun, sem
hann leiðir til, hafa lengi verið
eitt erfíðasta efnahagsvanda-
mál okkar.
Ástæða þess hve vel tókst
til að þessu leyti er einkum
tvíþætt. í fyrsta lagi aukin
sjávarvöruframleiðsla, meðal
annars vegna afla af fjarlæg-
ari miðum. í tonnum talið
jókst aflinn um 10% frá árinu
1992, en aukninguna má að
stærstum hluta rekja til auk-
ins loðnuafla. Botnfískaflinn
dróst á hinn bóginn lítillega
saman, þrátt fyrir 12 þúsund
þorsktonn tekin í Smugunni á
Barentshafi og á Flæmska
hattinum við Nýfundnaland.
Önnur meginskýring á betri
viðskiptajöfnuði árið 1993 er
4,2% samdráttur þjóðarút-
gjalda, fyrst og fremst vegna
minni einkaneyzlu og minni
fjárfestingar.
Þessi mikilvægi árangur
náðist þrátt fyrir að erfið skil-
yrði hafí leitt til samdráttar
og stöðnunar í þjóðarbúskapn-
um um nokkurra ára skeið.
Gagnstætt því sem venja hefur
verið við slík skilyrði hafa
bæði verðbólga og viðskipta-
halli minnkað. Skammt er að
minnast reynslunnar á erfið-
leikaárunum um miðjan átt-
unda áratuginn og á fyrri
hluta þess níunda þegar hvort
tveggja, verðbólga og við-
skiptahalli, fóru verulega úr
böndum. Þá verður það að
teljast til hinnar jákvæðu þró-
unar á síðustu misserum að
tekizt hefur að færa vaxta-
stigið í landinu verulega niður.
Að baki hagstæðari þróun nú
en áður við svipaðar aðstæður
liggur meðal annars aðhalds-
söm hagstjórn og raunsætt
mat aðila vinnumarkaðarins á
efnahagslegum forsendum.
Það má einnig fínna sitt
hvað neikvætt í framvindu
ársins 1993. Fyrst skal nefna
atvinnuleysið, sem er alvarleg
meinsemd í samfélaginu og
rekur rætur til aflatakmark-
ana og áhrifa alþjóðlegrar
efnahagslægðar. En nánast
engin verðbólga, tiltölulega
hagstætt gengi fyrir útflutn-
ingsatvinnuvegi og veruleg
lækkun vaxta ætti á hinn bóg-
inn að auðvelda þjóðarbú-
skapnum að snúa vörn í sókn,
sérstaklega þegar áhrifa lík-
legrar uppsveiflu í umheimin-
um og styrking þorskstofnsins
fara að segja til sín.
Viðskiptakjör við umheim-
inn fóru og versnandi á árinu
1993. Verðlag á útfluttum
sjávarvörum var að meðaltali
aðeins 1,6% hærra en árið
1992, þrátt fyrir 6% lækkun
á gengi krónunnar í nóvember
1992 og 7,5% lækkun í júní
1993. Ef miðað er við meðal-
gengi íslenzku krónunnar
lækkaði verðið um 6,1% á
milli áranna 1992 og 1993 -
ofan á 3,1% lækkun milli ár-
anna 1991 og 1992.
Á síðasta ári hækkaði verð-
lag almenns innflutnings, án
olíu og innflutnings vegna
stóriðju, um 9,1%. Gengi krón-
unnar samkvæmt innflutn-
ingsvog hækkaði á sama tíma
um 8,4%. Niðurstaða varð því
sú að verðlag innflutnings
hækkaði einungis um 0,7% í
erlendri mynt, eða 2 til 2,5
prósentustigum undir áætlaðri
verðbólgu í viðskiptalöndun-
um. Almenn þróun innflutn-
ingsverðlags varð því fremur
hagstæð á síðasta ári, auk
þess sem verð á olíu var það
lægsta sem verið hefur frá því
fyrir Persaflóastríð.
í þjónustuviðskiptum án
vaxta varð einnig óhagstæð
þróun, sem skýrist m.a. af
lækkandi raungengi krónunn-
ar. Meðalvextir erlendra lána
lækkuðu á hinn bóginn úr
7,1% á árinu 1992 í 6% 1993.
Eins og af framansögðu
sést varð um sitt hvað jákvæð
þróun í efnahagsmálum okkar
á árinu 1993. Mikilvægt er
að fylgja eftir þeim árangri,
sem náðist í viðureigninni við
verðbólgu, viðskiptahalla og
háa vexti með aðhaldssamri
hagstjórn, raunsæu mati á
efnahagslegum forsendum og
jákvæðu hugarfari. Og fyrst
og síðast með því að styrkja
samkeppnisstöðu íslenzkra at-
vinnuvega og fyrirtækja.
Þannig búum við bezt í haginn
fyrir framfarir og framþróun
þegar þjóðhagsleg skilyrði
batna, sem vonandi verður
áður en langir tímar líða.
Ríkisstjórnin samþykkir sérstaka aðstoð til Vestfjarða
Skoðað verður hvort önn-
ur svæði séu jafn illa sett
Sjóræningjaveiðar án kvóta ekki látnar viðgangast, segir forsætisráðherra
FORSÆTISRÁÐHERRA segir að óhætt sé að fara út í sértækar aðgerð-
ir, sem ríkisstjórnin samþykkti í gær vegna vanda atvinnulífsins á
Vestfjörðum, vegna þess að þær almennu aðgerðir sem ríkisstjórnin
hafi staðið fyrir hafi tryggt almennan hag sjávarútvegsins. Hann seg-
ir að með þessum aðgerðum sé ekki verið að útiloka svipaðar aðgerðir
á öðrum svæðum þótt væntanlega hafi ekkert heildstætt svæði á land-
inu farið jafn illa út úr þorskbrestinum og Vestfirðir. En þegar þessu
máli ljúki verði jafnvel skoðað hvort einstök svæði og byggðarlög
uppfylli sambærileg skilyrði þótt ekki sé séð fram á að þess séu
mörg dæmi.
Ríkisstjórnin samþykkti í gær að-
gerðir vegna erfiðleika atvinnulífs
og sjávarútvegs á Vestfjörðum og
var Davíð Oddssyni forsætisráð-
herra, í samráði við fjármálaráðherra
og samgönguráðherra, falið að
ganga frá endanlegum texta í sam-
ræmi við þær umræður sem urðu á
ríkisstjómarfundinum. Er gert ráð
fyrir að lagafrumvarp um aðgerðim-
ar geti verið tilbúið innan skamms.
Sjóræningjaveiðar ekki látnar
viðgangast
Davíð var einnig falið að ræða við
forustumenn á Vestfjörðum og fá
úr því skorið að menn teldu þessar
aðgerðir jákvæðar og eftirsóknar-
verðar. „Það hafa komið fram mjög
sérkennilegar yfirlýsingar um það.
Og ef það er svo að Vestfirðingar
sækjast ekki eftir þessum aðgerðum
er auðvitað tómt mál að tala um að
fara í þær. Einnig virðast ábyrgir
aðilar mæla með því að Vestfirðing-
ar hefji sjóræningjaveiðar án kvóta.
Það verður ekki látið viðgangast,"
sagði Davíð.
Tillögurnar gera ráð fyrir að ann-
ars vegar verði .stærri sjávarútvegs-
fyrirtækjum veitt víkjandi lán gegn-
um Byggðastofnun uppfylli þau
ákveðin skilyrði og er gert ráð fyrir
300 milljóna framlagi úr ríkissjóði
til þessa. Þá verði 200 milljónir veitt-
ar til skuldugra sveitarfélaga á
svæðinu. Að sögn forsætisráðherra
er ekki búið að sundurgreina hve
framlag ríkisins til sveitafélaga verð-
ur hátt og hvað komi úr sjóðum sveit-
arfélagasambandanna. Davíð Odds-
son sagði að varðandi framlög til
sveitarfélaga væri hnykkt á þeim
skilyrðum að sveitarfélögin væru að
sameinast. Varðandi atvinnufyrir-
tækin væri gert ráð fyrir að þar eigi
sér stað samræming eða samruni
fyrirtækja og jafnframt að bankar
og sjóðir komi að málinu þannig að
hægt sé að fara yfir fjármál fyrir-
tækjanna í heild. „Þau verða að geta
sýnt fram á að eftir hagræðingu
gangi dæmið upp,“ sagði Davíð.
Hagur sjávarútvegs tryggður
Töluverð gagnrýni hefur komið
fram frá ýmsum landsbyggðarþing-
mönnum ríkisstjórnarinnar á að
þarna sé um að ræða sértækar að-
gerðir sem sé í andstöðu við ríkis-
stjórnarsáttmálann. Um þetta sagði
Davíð að segja mætti að þessar að-
gerðir væri sértækar, en ekki mætti
gleyma því að almennar aðgerðir
hefðu þegar átt sér stað. „Sjávarút-
vegurinn er ekki rekinn með halla
sem neinu nemur, þrátt fyrir að hafa
gengið í gegnum erfiðleika vegna
lágs verðs og minnkandi þorskafla.
Með almennum aðgerðum, lækkun
vaxta, lækkun skatta og hagstæðara
raungengi en áður hefur almennur
hagur sjávarútvegsins verið tryggð-
ur. Þessar aðgerðir sem beinast að
Vestfjörðum sérstaklega eru teknar
út úr vegna þess að almennu aðgerð-
irnar hafa ekki dugað þar, þótt þær
hafi dugað sjávarútveginum sem
heild,“ sagði Davíð.
Hann sagði að lagt yrði fram laga-
frumvarp á næstunni sem miðað
væri við þær aðgerðir sem snúa að
Vestfjörðum. Að því loknu yrði horft
til annarra þátta og jafnvel skoðað
hvort svipuð vandamál séu uppi á
öðrum stöðum á landinu. „Við vitum
að sVo er ekki á samfelldum svæð-
um, en við vitum um einstök fyrir-
tæki og einstök minni byggðarlög
sem verða að koma til skoðunar.
Vandamálin sérstaks eðlis
Norðlendingar hafa lýst yfir mik-
illi óánægju með að Vestfirðingar
Yiðhald á rússneskum
skipum óplægður akur
SIGHVATUR Björgvinsson iðnað-
ar- og viðskiptaráðherra átti fund
með Sambandi iðnfélaga síðastlið-
inn fimmtudag þar sem slæm
staða ýmissa iðngreina var rædd
og segir Margrét Björnsdóttir
aðstoðarmaður ráðherra að mikill
ótti hafi verið í mönnum vegna
yfirvofandi atvinnuleysis. Sama
dag kynnti iðnaðarráðuneytið
framkvæmdareglur vegna aðstoð-
ar við markaðssókn í skipasmíða-
og málmiðnaði. Margrét segir að
viðhald á rússneskum fiskiskipum
sem séu við veiðar í Norður-Atl-
antshafi séu óplægður akur og
hafi Stáismiðjan nýlokið viðgerð-
um á nokkrum skipum.
Að sögn Margrétar fékk Stál-
smiðjan greitt með þorski og hafði
fyrirtækið Fiskafurðir hf. milligöngu
um viðskiptin. Segir hún það álit
manna að framtíð sé í þessum við-
skiptum enda sé viðhaldsþörf þess-
ara skipa mjög mikil. Margrét segir
einnig að nefnd sé að leggja mat á
hversu stór þessi markaður sé en til
dæmis hafi Norðmenn farið inn á
hann með afgerandi hætti.
Markaðssóknarverkefnið hefur 10
milljónir til ráðstöfunar og er mark-
miðið að 5-6 fyrirtæki fái styrk og
segist ráðherra trúa því þrátt fyrir
slæmt ástand að ekki sé of seint af
stað farið. Á fundi Sighvats Björg-
vinssonar með Sambandi iðnfélaga
var ráðherra spurður að því hvort
ætlunin væri að gera jafn vel við
aðrar iðngreinar og skipasmíðaiðn-
aðinn en þar var farið orðum um
efnahagsástandið. Margrét Björns-
dóttir sagði að fram hefði komið
ótti manna vegna hugsanlegs at-
vinnuleysis, sérstaklega í húsgagna-
og þyggingaiðnaði.
Morgunblaðið/Árni Sæberg
Astand og- horfur
SIGHVATUR Björgvinsson iðnaðar- og viðskiptaráðherra sótti fund
með Samtökum iðnaðarins síðastliðinn fimmtudag þar sem framtíðar-
t’orfur voru ræddar.
Gert er ráð fyrir að styrkur til
markaðssóknarverkefnis geti numið
60% af samþykktum kostnaði. Jafn-
framt er miðað við að hann fari aldr-
ei yfir 1,5 milljónir króna. Fyrirtæki
í skipaiðnaði, auk málmiðnaðarfyrir-
tækja, þar sem stór hluti starfsem-
innar er á sviði skipaiðnaðar, geta
sótt um styrk, en verkefnið í heild
hefur 10 milljónir króna til ráðstöf-
unar,
Einnig er ráðgert að veita jöfnun-
araðstoð fyrir 40 milljónir til þess
að jafna samkeppnisstöðu íslenskra
skipasmíðafyrirtækja á þessu ári.
Aðspurð hvort hluti hennar gæti far-
ið til þess að greiða niður viðgerðir
á rússneskum skipum og skipum sem
sigla undir hentifána sagði Margrét
að afstaða hefði ekki verið tekin til
þess enn sem komið væri, sú spurn
ing hefði ekki komið upp.
eigi að fá sérstaka aðstoð þar sem
erfíðleikar á Norðurlandi séu síst
minni en á Vestfjörðum. Morgun-
blaðið bar þetta undir Halldór Blön-
dal samgönguráðherra, sem er þing-
maður Norðurlands eystra, og sagði
hann að vandamál suðurljarðanna á
Vestfjörðum væru mjög sérstaks
eðlis. „Þessi byggðarlög eru einangr-
uð og það hefur mjög sneiðst um
aðra atvinnumöguleika á þessu
svæði. Fyrirtæki, sem verið hafa
burðarásar, hafa brotnað niður þann-
ig að ef við erum á annað borð að
velta fyrir okkur byggðaaðgerðum
hlýtur þetta svæði að vera efst á
blaði,“ sagði Halldór.
Hann sagði að ef þetta væri borið
saman við Eyjafjarðarsvæðið væri
ljóst að einstök pláss þar hefðu orðið
fyrir jafnvel meiri þorskkvótaskerð-
ingu, eins og til að mynda Grenivík,
Árskógssandur og Hauganes. „En
mismunurinn er sá að byggðirnar í
kring eru sterkari, þannig að þetta
er því ekki sambærilegt ef eingöngu
er horft út frá forsendum byggðar-
laganna."
Einhæfustu atvinnuvegirnir á
Vestfjörðum
„Það hefur oft verið farið út í
sértækar aðgerðir víðar en á Vest-
fjörðum," sagði Matthías Bjarnason,
alþingismaður og stjórnarformaður
Byggðastofnunar og benti hann á
sem dæmi að ríkissjóður hefði lagt
fjármuni í Slippstöðina á Akureyri í
byijun ársins. Matthías sagði að á
Vestfjörðum væru einhæfustu at-
vinnuvegirnir þar sem allt byggðist
á þorskveiðum. Hann sagði að deila
mætti um hvort þarna væri um mikla
aðstoð að ræða og viðbrögð aðila á
Vestíjörðu boðuðu ekki stóra gleði
vegna þeirra. „Ég hef oft þurft að
taka þátt í aðgerðum sem snertu
aðra en fólkið í mínu kjördæmi. Ef
ég hef talið það nauðsynlegt hef ég
alltaf þorað að veija þær aðgerðir.
Ég hef oft sagt að það sé undarlegt
að stilla landbyggðinni upp gegn
þéttbýli því mér finnst að þéttbýlis-
þingmennirnir hafi oft verði sann-
gjarnari og reynst betur vegna ein-
stakra aðgerða heldur en landbyggð-
arþingmenn. Það er bara gamla sag-
an sem eltir okkur íslendinga að ef
gert er eitthvað fyrir einhvern þá
verða hinir að fá líka annars er
óánægja. Þetta verður bara að ganga
yfir,“ sagði Matthías.

í Reykjavíkurhöfn
Morgunblaðið/Sverrir
ÞAÐ er af sem áður var að flutningaskip leggi að
miðbakka í Reykjavíkurhöfn. Nú hefur bakkinn verið
breikkaður og þar leggjast farþegaskip að á sumrin.
í gær lá þar þýska aðstoðarskipið Fritjof og í baksýn
sést danska varðskipið Triton. Enn íjær sést í varðskip-
ið Óðinn og rannsóknaskipið Bjarna Sæmundsson.
Fritjof fer í dag samkvæmt uppíýsingum hafnsögu-
manns, en Triton ekki fýrr en á morgun. Bæði eru
skipin þýska og danska fískiskipaflotanum til aðstoðar
sem er að veiðum við Grænland.
Norðlenskir hestamemi
Hafa safn-
að 700 þús.
krónum
TÆPAR 700 þúsund krónur hafa
safnast f söfnun norðlenskra
hestamanna til styrktar Krabba-
meinsfélagi Islands, en henni lýk-
ur í dag. Félaginu var afhent
söfnunarféð formlega í Reiðhöll-
inni í Víðidal í gær.
Sigurður Óskarsson, einn þriggja
norðlenskra hestamanna sem riðu
boðreið frá Staðarskála til Reykja-
víkur og söfnuðu áheitum á leið-
inni, segir að þeir séu mjög ánægð-
ir með árangurinn, eina vitleysan
sem þeir hafi gert væri að þeir
hefðu ekki auglýst söfnunina nægi-
lega til að byrja með. Ef það hefði
verið gert hefðu þeir eflaust safnað
meiru.
Söfnunarféð rennur til kaupa á
innbúi í íbúð Krabbameinsfélagsins
fýrir krabbameinssjúklinga utan af
landi sem koma til Reykjavíkur til
meðferðar.
Söfnunin stendur yfir þar til
norðlenskum hestadögum lýkur í
Reiðhöllinni í kvöld og er sími söfn-
unarinnar 985-28174.
Málefni SVR hf. til umræðu á fundi í borgarstjórn á fimmtudagskvöld
SVR hf. áfram hlutafélag
Hlutafélagið lagt niður nái minnihlutinn meirihluta eftir kosningar í vor
SAMKOMULAG borgaryfirvalda og starfsmanna SVR hf. kom
til umræðu á fundi borgarstjórnar á fimmtudag. í bókun meiri-
hluta kemur fram að hlutafélagið muni starfa áfram og því sköp-
uð skilyrði til að ná aukinni hagkvæmni í rekstri. í bókun minni-
hluta kemur fram sú skoðun að leggja hefði átt hlutafélagið
niður og því jafnframt heitið að ef minnihlutinn nái meirihluta
eftir kosningar í vor þá verði hlutafélagið lagt niður.
í bókun meirihlutans segir að
með samkomulagi við starfsmenn
SVR hf. hafi náðst mikilvæg sátt
um laun og önnur kjör starfs-
manna. Hlutafélagið muni starfa
áfram og því sköpuð skilyrði til
aukinnar hagkvæmni í rekstri og
jöfnuð samkeppnisaðstaða við aðila
í einkarekstri.
Slitið á tengsl
Þá segir: „Slitið er á bein tengsl
stjórnmálamanna við daglegan
rekstur almenningsvagna, en þeir
hafa áfram yfirumsjón með leiða-
kerfi þeirra, fargjöldum og þjónustu
við borgarbúa. Er þetta í samræmi
við samþykkt borgarstjórnar frá 26.
ágúst í fyrra. Jafnframt ber að
fagna þeirri yfirlýsingu samtaka
opinberra starfsmanna um að þau
séu reiðubúin til formlegs sam-
starfs þar sem fjallað verði um
breytingu og nýskipan í rekstri
stofnana og fyrirtækja á vegum
borgarinnar, réttindi og skyldur
starfsmanna, félagsaðild o.fl.“
Skrefið til fulls
í bókun minnihlutans er borgar-
stjóra óskað til hamingju með að
hafa séð að sér.
Það væri hins vegar þeirra skoð-
un að stíga hefði átt skrefið til fulls,
skref sem væri óumflýjanlegt og
leggja hlutafélagið niður og gera
SVR aftur að því borgarfýrirtæki
sem það hefði verið um áratuga
skeið.Þá segir: „Jafnframt er ítrek-
að það loforð að nái núverandi
minnihluti meirihluta eftir nk. borg-
arstjórnarkosningar þá verður
hlutafélagið SVR hf. lagt niður.
SVR fær þá aftur eðlilega stjórn j
kjörinna fulltrúa íbúa Reykjavíkur." •
Stjórn SVR um samkomulag vlð starfsmenn j
Friður ríki mn starf-
semina í framtíðinni
STJÓRN SVR hf. vonast til að gott samstarf takist við starfsmenn
fyrirtækisins og að friður ríki um starfsemina í framtíðinni eftir
að samkomulag hefur tekist milli Starfsmannafélags Reykjavíkur-
borgar og borgarsljóra um málefni starfsmanna SVR hf.
í frétt frá stjóm SVR hf. segir
enn fremur að það sé einlægur
ásetningur stjórnar SVR hf. að
vinna markvisst að bættum rekstri
fyrirtækisins til hagsbóta fyrir
borgarbúa, hér eftir sem hingað
til. Hlutafélagsformið henti al-
menningsvagnaþjónustunni, þar
sem samkeppni á að njóta sín, mjög
vel eins og dæmi sanna meðal ann-
ars frá nágrannasveitarfélögum
Reykjavíkur og Norðurlöndunum.
Eftir sem áður yrðu þjónustugæði,
fargjöld og stefnumótandi ákvarð-
anir í höndum kjörinna fulltrúa íbú-
anna og notenda þjónustunnar.
Gísii S. Einarsson, þingmaður Alþýðuflokksins, skilar séráliti um búvörufrumvarpið
Fékk ekki að breyta einu
orði í nefndaráliti Egils
GÍSLI S. Einarsson, fulltrúi Alþýðuflokksins í landbúnaðarnefnd
Alþingis, skrifar ekki undir nefndarálit formannsins, Egils Jónsson-
ar, og þingmannanna Einars K. Guðfinssonar og Árna Mathiesen
með búvörufrumvarpinu. Gísli segist hafa gert tilraun til að fá fram
breytingar á nefndarálitinu svo að það endurspeglaði niðurstöðu
búvörufrumvarpsins en það hafi reynst árangurslaust. Sagði hann
að Egill Jónsson hefði ekki tekið í mál að breyta einu einasta orði
í nefndarálitinu.
Gísli segist styðja sjálft frum-
varpið en hefur þegar skilað sér-
áliti til þingsins og er því ljóst að
fjögur nefndarálit fylgja frumvarp-
inu þegar það kemur til annarrar
umræðu, þar af eru þijú frá þing-
mönnum ríkisstjórnarflokkanna.
Hefur áhrif ef til
málshöfðunar kemur
Gísli sagði að nefndarálit for-
manns nefndarinanr væri ekki í
samræmi við texta frumvarpsins.
„Ég vildi gera þær breytingar á
nefndarálitinu sem lutu beint að
GATT, því það er búið að taka út
úr frumvarpinu sjálfu allt sem snýr
að verðandi GATT-samningum.
Nefndarálitið fjallar hins vegar um
GATT og ég get ekki sætt mig við
það og skila því sérstöku nefndar-
áliti,“ sagði Gísli. „Ég mun fylgja
þessu nefndaráliti mjög fast eftir,“
bætti hann við. Stjórnarfrum-
varpið sem um er að ræða var lagt
fram á Alþingi í byijun seinasta
mánaðar vegna dóms Hæstaréttar
í skinkumáli Hagkaups. Var því þá
lýst yfir að meginmarkmiðið með
lagabreytingunni á búvörulögunum
væri að gera þau skýrari og ótví-
ræðari vegna niðurstöðu Hæsta-
réttar, sem túlkaði 52. gr. laganna
með þeim hætti að í henni fælist
ekki sjálfstæð regla sem bannaði
innfiutning landbúnaðarvara. Að-
spurður hvaða áhrif það hefði á
túlkun laganna að fleiri en eitt
nefndarálit kæmu fram frá stjórn-
arliðum sem skýrðu frumvarpið á
ólíka vegu sagði Gísli ljóst að ef til
málshöfðunar kæmi þá hefði það
örugglega áhrif. „Nefndarálit hefur
túlkunargildi gagnvart lögum,“
sagði Gísli.
Sala minn-
ispeninga
gengur vel
SALA minnispeninga sem Seðla-
banki íslands gefur út vegna 50
ára afmælis lýðveldisins hefur
gengið vel að sögn Stefáns Þórar-
inssonar hjá Seðlabankanum. Hafa
selst um 1.500 eintök af sérslegn-
um peningum og annað eins af
venjulegri sláttu.
Sala peninganna hófst 1. mars og
var upplag þeirra takmarkað við 27 ,
þúsund peninga, eða 9.000 af hveijum
peningi í lokuðu plasthylki. Þar af eru
3.000 peningar í sérunninni gljásláttu
með mattri mynd og er helmingur
hennar þegar seldur. Afgangurinn er
í venjulegri sláttu.
Peningarnir þrír eru úr silfri og
bera myndir eftir Þröst Magnússon
af fyrrverandi forsetuin lýðveldisins,
Sveini Bjömssyni, Ásgeiri Ásgeire-
syni og Kristjáni Eldjárn.