Morgunblaðið - 09.07.1994, Page 6

6 LAUGARDAGUR 9. JÚLÍ 1994
MORGUNBLAÐIÐ
FRÉTTIR
Kofabyggingar, arfareyting og ævintýranámskeið í góða veðrinu
Tómas sjö ára.
Eva, átta ára, reytti arfa.
Sumarið er
tími barnanna
Albert, fimm ára, gætti þess
að vel væri að verki staðið.
Ásdís Eva, tveggja ára.
SUMARBLÍÐA var áfram í gær
og fjöldi fólks stytti sér stundir
utandyra líkt og undanfarna
blíðviðrisdaga. Margir eru létt-
klædir, hjóla um eða sitja á
kaffihúsi. Aðrir fá sér ís eða
göngutúr. Sumarið er ekki síst
tími barnanna, mörg fara á
leikjanámskeið, smíða sér kofa,
gróðursetja og hjálpa pabba og
mömmu, Hkt og þessir krakkar
sem urðu á vegi ljósmyndara
og blaðamanns Morgunblaðsins
í gærdag.
Þótt sólin skini ekki ýkja
mikið var hlýtt í veðri og Tóm-
as, sjö ára, var að smíða sér
kofa í skólagarði við Stekkjar-
bakka.
„Eg kem þegar ég get, en
stundum er ég of þreyttur. Þá
hvíli ég mig. Stundum fer ég
líka í afmæli og þá kem ég
ekki,“ segir Tómas og hélt
áfram að saga en hann var að
ganga frá dyrunum og var líka
búinn að smíða forláta stiga.
Systkinin Eva, átta ára, og
Albert fimm ára, voru að reyta
arfa og vökva, ásamt pabba sín-
um Finnboga. Eva hellti úr
könnunni og Albert gætti þess
að allt færi fram eftir settum
reglum. Þau systkinin eru á
leið í sumarfrí ásamt foreldrum
sínum. Ætla þau í sumarbústað
og vildu skilja vel við skikann
sinn.
Ásdís Eva, tveggja og hálfs
árs, var ekki ýkja ræðin en lét
ekki sitt eftir liggja og hjálpaði
bróður sínum og mömmu í
garðinum við að reyta arfann.
Ævintýranámskeið
í Nauthólsvíkinni var hópur
hressra krakka að ljúka
tveggja vikna ævintýranám-
skeiði Þróttheima. Voru þau að
koma úr róðri um hádegisbil í
SSSsEí.

Morgunblaðið/Ámi Sæberg
ÞESSI litla stúlka sem ekki vildi láta nafns síns getið vökvaði
gróðurinn af stakri fagmennsku.
glampandi sólskini og voru
býsna ánægð með sinn hlut.
Auk róðranna sögðust þau með-
al annars hafa farið í fjallgöngu
og lært á línuskauta og segl-
bretti. Bryndís, einn leiðbein-
endanna, sagði að krakkarnir
hefðu einnig farið í tvær útileg-
ur. Þar að auki hefðu þau farið
í sund og í bæjarferðir, hjólað
og dorgað. „Skemmtilegast
fannst þeim að Ijalda og gista
í skála yfir nótt. Sum höfðu
aldrei Ijaldað áður og einnig
fannst þeim gaman að vera að
heiman í fyrsta sinn og fá að
vaka.
Söfn um allt
land taka þátt í
þj óðminjadegi
ÞJÓÐMINJADAGUR verður annað árið í röð næstkomandi sunnudag
og í tilefni af honum munu söfn víða um land hafa opið og brydda upp
á nýbreytni. Til að mynda verða heyannir á Akureyri, aðgangur
verður ókeypis á lækningaminjasafni á Nesstofu og í dag, laugar-
dag, verður viðhöfn vegna opnunar endurbyggingar síldarbrakka á
Siglufírði. Um allan heim er 18. maí nokkurs konar þjóðminjadagur
en að sögn Lilju Árnadóttur safnstjóra á Þjóðminjasafni íslands er
það ekki talin heppileg dagsetning hér. Því hafí verið ákveðið að
hafa hann þegar lengra væri liðið á sumarið og búast mætti við
betra veðri.
SÍLDARBRAKKINN á Siglufirði verður vígður í dag, laugar-
dag. Þessi mynd er tekin í desember 1990 áður en hann var
fluttur og áður en endurbyggingin hófst var brakkinn færður
til. Þjóðminjadagsins verður minnst á byggðasöfnum víðsvegar
um landið á sunnudaginn og verður víða bryddað upp á ný-
breytni í starfsemi safnanna og gömul vinnubrögð rifjuð upp.
Heyannir á Akureyri
Minjasafnið á Akureyri og Lauf-
ásbær efna til heyanna á þjóð-
minjadaginn. Þær munu fara fram
á Laufási frá kl. 13 til 17 og
munu félagar úr félagi aldraðra í
Eyjafirði heyja með gamla laginu
og sýna auk þess gömul vinnu-
brögð á borð við mjólkurvinnslu,
hlóðaeldun,_ pijón og upplestur í
baðstofu. Ókeypis verður inn á
söfnin á sunnudeginum.
Nesstofusafn er sérsafn á sviði
lækningaminja og er hluti af Þjóð-
minjasafni íslands. Það er til húsa
í Nesstofu á Seltjarnamesi. Nes-
stqfan er eitt af elstu steinhúsum
á íslandi og var byggð á árunum
1761 til 1763 fyrir Bjarna Páls-
son, fyrsta landlækni Islendinga.
Meðal annars verða til sýnis sum
af elstu lækningatækjum safnsins;
bílda, blóðhorn, brennslujám,
hankanálar og fleira. Einnig verð-
ur safn gleraugna, sem sýnir gler-
augnatískuna frá 17. öld fram til
1970.
Þjóðminjadagur um allt land
Ýmislegt verður á döfínni um
allt Iand á þjóðminjadaginn,
sunnudaginn 10. júlí, og stiklaði
Lilja Árnadóttir á stóru í þeím
málum fyrir Morgunblaðið. í
Reykjavík verður leiðsögri um sýn-
inguna Leiðin til lýðveldis, sem er
í Aðalstræti 6 við Ingólfstorg, kl.
14 og 15.30. Leiðsögn verður um
Sjóminjasafnið í Hafnarfirði kl. 15
og sýning verður í Brydepakkhúsi.
Vígsla endurbyggingar svo-
nefnds síldarbrakka og opnun
Síldarminjasafns á Siglufirði var
í gær en 8. júlí fyrir 91 ári hófst
síldarævintýrið á Siglufirði með
komu mikils flota norskra skipa.
Örlygur Kristinsson á Síldar-
minjasafninu segir að með vígslu
brakkans megi segja að safnið sé
komið heim. Það sé komið í
skemmtilegt umhverfí, sem allt
miðist við að þar sé safn. Á Siglu-
fírði er einnig kominn vísir að síld-
arbræðsluminjasafni. Á sunnudeg-
inum verður opið í tilefni af þjóð-
minjadeginum, að sögn Örlygs.
Lummusteiking á hlóðum
Myndir af atburðunum uppá
Skaga lýðveldisárið 1944 verða í
Byggðasafninu í Görðum á Akra-
nesi og á ísafirði verður Sjóminja-
safnið í Turnhúsinu opið. Opið hús
verður í safnahúsinu á Húsavík
og á Grenjaðarstað verður gamli
torfbærinn til sýnis eins og venja
er.
Á Burstafelli í Vopnafirði verð-
ur mikil dagskrá; lummusteiking
á hlóðum, smjör strokkað, tóvinna,
upplestur, harmonikuleikur og
heyskapur, svo fátt eitt sé nefnt.
Byggðasafn Austur-Skaftfellinga
á Höfn verður rneð lýðveldissýn-
ingu í Gömlu búð. Þar verða með-
al annars til sýnis skjöl, ljósmynd-
ir, póstkort, minnispeningar og
fleira sem tengist ártölunum 1851,
1874, 1904, 1930 og 1944. Lilja
Árnadóttir segir að á mun fleiri
byggðasöfnum um allt land verði
bryddað upp á einhveiju í tilefni
dagsins.
Ovissa um
framtíð
Gunnars-
holtshælis
ÓVISSA ríkir enn um framtíð Gunn-
arsholtshælisins á Rangárvöllum en
fjárveiting til rekstrar heimilisins á
þessu ári er uppurin.
„Við fengum 15 milljónir til rekst-
ursins í haust en áætlaður rekstrar-
kostnaður á ári er um 30 milljónir.
Þannig að þessar 15 milljónir eru
búnar,“ sagði hann. „Á þessum tíma-
mótum er því ekki ástæða til að
halda upp á 40 ára afmælið þegar
jafnvel ekkert er að borða fyrir þá
fáu sem eftir eru,“ sagði Þorsteinn
Sigfússon forstöðumaður Gunnars-
holtshælisins, en sunnudaginn 10.
júlí verða 40 ár frá því hælið tók til
starfa.
Ótal árangurslausir fundir
Síðastliðið haust ákvað heilbrigð-
isráðherra að loka heimilinu. Öllu
starfsfólki var sagt upp en síðan
endurráðið, þar sem ekki reyndist
unnt að finna heimilisfólki annan
samastað. Ótal fundir hafa verið
haldnir með aðstoðarmanni fyrrver-
andi heilbrigðisráðherra um framtíð
heimilisins en án árangurs. Sighvat-
ur Björgvinsson heilbrigðisráðherra
segist enn ekki hafa náð að kynna
sér málefni heimilisins, en hann er
nýtekinn við embætti. Hann sagði
þó að í hans huga heyrði heimilið
fremur undir félagsmálaráðuneytið
en héilbrigðisráðuneytið, þar sem
um vistunarstofnun en ekki heil-
brigðisstofnun væri að ræða.
I Gunnarsholti eru 15 vistmenn
en hægt er að taka við allt að 35
mönnum. „Það er þörf fyrir þetta
hæli,“ sagði Þorsteinn. „Það hefur
enginn verið skrifaður inn síðan um
áramót og þessir 15 sem hafa farið
frá áramótum hafa sumir komið sér
fyrir á öðrum stöðum en aðrir eru á
götunni.“
Byggingarnefnd
hæstaréttarhúss
Lóðin við
Lindarg’ötii
enn besti
kosturinn
B Y GGINGARNEFND fyrirhugaðs
dómhúss Hæstaréttar hefur yfirfarið
18 tillögur sem fram hafa komið um
staðsetningu hússins, en að sögn
Þorsteins Pálssonar dómsmálaráð-
herra er nefndin enn þeirrar skoðun-
ar að sá kostur sem fyrir liggur um
að reisa húsið á lóðinni Lindargötu
2 sé besti kosturinn.
Þorsteinn sagði í samtali við Morg-
unblaðið að engin sérstök umræða
hefði orðið um frekara samráð við
borgaryfirvöld um staðsetningu dóm-
hússins. Hann sagði að nýjum borg-
arstjóra hefði á fundi verið kynnt
húsið og sögu og aðdraganda máls-
ins. Þorsteini hafði í gær ekki borist
bréf frá borgarstjóra varðandi málið
sem sent var til hans í fyrradag og
vildi hann því ekki tjá sig um það.
í bréfínu kemur fram að viðræðu-
nefnd sem skipuð var af borgarstjórn
13. júní s.l. um byggingu dómhúss
óski eftir að fá skýra afstöðu dóms-
málaráðuneytisins annars vegar um
hvort ráðuneytið væri enn þeirrar
skoðunar sem það lýsti í bréfí til
borgarráðs 14. febrúar s.l. um að
kannaðir yrðu á ný þeir kostir sem
til greina koma fyrir dómhúsið, og
hins vegar hvort sú könnun feli í sér
að leita eigi að lóð fyrir það hús sem
þegar hefur verið hannað á lóðinni
Lindargötu 2 eða að leitað verði að
lóð fyrir aðra útfærslu á húsi fyrir
Hæstarétt.
I
I
I
I
*
)
>
I
)
I
>
I
>
>
i
i
i
\
[
l
i
i
i
i
\