Morgunblaðið - 23.09.1997, Síða 18

18 ÞRIÐJUDAGUR 23. SEPTEMBER 1997
MORGUNBLAÐIÐ
VIÐSKIPTI
Góð afkoma hjá Hraðfrystihúsi Eskifjarðar fyrstu 8 mánuði ársins
Hagnaður nam
236 milljónum
HAGNAÐUR Hraðfrystihúss Eski-
fjarðar hf. nam 236 milljónum króna
eftir skatta fyrstu 8 mánuði þessa
árs. Þetta er 27 milljónum króna
minni hagnaður en varð af rekstri
félagsins á sama tíma á síðasta ári.
Hagnaður af reglulegri starfsemi á
sama tíma nam 332 milljónum
króna.
Rekstrartekjur félagsins eru svip-
aðar á milli tímabila eða rösklega
2,9 milljarðar króna en rekstrargjöld
lækkuðu lítillega á milli ára og er
framlegð til afskrifta og fjármagns-
liða því nokkru hærri í ár en í fyrra,
eða 585 milljónir króna en var 540
milljónir á síðasta ári. Veltufé frá
rekstri jókst úr 426 milljónum króna
í 469 milljónir.
Afskriftir jukust hins vegar veru-
lega og fjármagnsgjöld jukust um
tæp 16%. Að sögn Magnúsar Bjarn-
arsonar, framkvæmdastjóra Hrað-
frystihússins, skýrast auknar af-
skriftir af auknum fjárfestingum á
síðasta ári, m.a. breytingum á Guð-
rúnu Þorkelsdóttur SU-211.
Magnús segist vera þokkalega
ánægður með afkomuna á fyrstu
átta mánuðum ársins. Síðastliðið ár
hafi orðið methagnaður af rekstri
félagsins, er það skilaði 312 milljóna
króna hagnaði á árinu í heild. Hann
segist þó ekki reikna með því að
jafnmikill hagnaður verði af rekstri
fyrirtækisins í ár.
„Við búumst við því að reksturinn
verði í jafnvægi það sem eftir er
ársins. Eg á því ekki von á því að
það verði mikil aukning á hagnaði
frá því sem komið er en ég á heldur
ekki von á því að það verði nein
lækkun,“ segir Magnús.
Á stjórnarfundi Hraðfrystihússins
í síðastliðinni viku var samþykkt að
sækja um skráningu á hlutabréfum
fyrirtækisins á Verðbréfaþingi ís-
lands, en undanfarin ár hafa hluta-
bréf þess haft auðkenni á Opna til-
boðsmarkaðnum.
Hraðfrystihús Eskifjarðar hf. i Úr miliiuppgjöri 31. ágúst 1997 ^
' ' —; ; 1 L— ; Jan.- ág. Jan.- ág.
Rekstrarreikningur Miiijónir króna 1997 1996 Breyting
Rekstrartekjur 2.929 2.944 -0,5%
Rekstrarqjold 2.344 2.404 -2.5%
Hagnaöur fyrir afskriftir 585 540 +8,3%
Afskrittir 149 107 +39,2%
Fjármagnsgjöld 103 89 +15,7%
Hagnaður af reglulegri starfsemi 332 344 -3,5%
Reiknaður skattur 95 81 +17,3%
Hagnaður tímabilsins 236 263 -10.3%
Etnahagsreikningur Mnijónir króna 31/8 '97 31/8 '96 Breyting
| Eignir: |
Veltuf jármunir 871 677 +28,7%
Fastafjármunir 2.977 2.458 +21,1%
Eignir samtals 3.848 3.135 +22,7%
1 Skuldir oa eiaið fé: 1
Skammtímaskuldir 895 664 +34,8%
Langtímaskuldir 1.639 1.446 +13,3%
Tekjuskattsskuldbinding 264 152 +73,7%
Eigið fé 1.050 873 +20.3%
Skuldir og eigið fé samtals 3.848 3.135 +22,7%
Kennitölur
Eiginfjárhlutfall 27,3% 27,8%
Veltufé frá rekstri Milljónirkróna 469 426
Húsaleiga
hækkar
um 0,4%
VÍSITALA byggingarkostnaðar
reiknuð eftir verðlagi um miðjan
september reyndist vera 225,9 stig
og hækkaði um 0,2% frá ágústmán-
uði. Þessi vísitala gildir fyrir októ-
ber 1997. Samsvarandi vísitaia mið-
uð við eldri grunn er 723 stig.
í frétt frá Hagstofu íslands kem-
ur fram að síðastliðna tóif mánuði
hefur vísitalan hækkað um 3,9%.
Undanfama þtjá mánuði hefur vísi-
tala byggingarkostnaðar hækkað
um 1,0% sem jafngildir 4,2% verð-
bólgu á ári.
Hagstofan hefur reiknað launa-
vísitölu miðað við meðallaun í ágúst
1997. Er vísitalan 158 stig og
hækkar um 0,1% frá fyrra mánuði.
Samsvarandi launavísitala, sem
gildir við útreikning greiðslumarks
fasteignaveðlána, er 3.456 stig í
október 1997.
Leiga fyrir íbúðarhúsnæði og
atvinnuhúsnæði, sem samkvæmt
samningum fylgir vísitölu hús-
næðiskostnaðar eða breytingum
meðallauna, hækkar um 0,4% frá
og með 1. október 1997. Leiga í
október hækkar því um 0,4% og
helst þannig næstu tvo mánuði, þ.e.
í nóvember og desember 1997.
Stóraukin viðskipti á eftirmarkaði fyrir húsbréf og spariskírteini
Viðskiptín orðin
29 milljarðar í ár
Búnaðarbankinn Verðbréf þátttakandi í 44% viðskiptanna
VIÐSKIPTI með húsbréf og spari-
skírteini hafa nær tvöfaldast það
sem af er þessu ári. Heildarvið-
skipti síðasta árs námu 16 milljörð-
um króna en það sem af er þessu
ári nema heildarviðskiptin 29 millj-
örðum króna.
Búnaðarbankinn Verðbréf, sem
sett var á fót í upphafi þessa árs,
hefur átt þátt í 44% allra viðskipta
með húsbréf og spariskírteini á
Verðbréfaþingi Islands það sem af
er þessu ári, að því er fram kemur
í frétt frá bankanum. Nemur um-
fang viðskipta bankans tæpum 13
milljörðum króna.
Að sögn Árna Odds Þórðarson-
ar, forstöðumanns markaðsvið-
skipta Búnaðarbankans, hafa við-
skipti með spariskírteini og húsbréf
stóraukist á þessu ári í kjölfar
þeirrar ákvörðunar fjármálaráð-
herra fyrr á þessu ári að stækka
flokka ríkisverðbréfa og fækka
þeim með innköllun eldri flokka og
innleiðingu svokallaðs markflokka-
kerfis.
Hann segir að frá því að öflug
viðskiptavakt hafí hafíst fyrr á
þessu ári, hafí viðskipti með þessi
bréf aukist verulega og sé veltan
nú orðin 29 milljarðar króna en
hafí verið 16 milljarðar á öllu síð-
asta ári.
Efla viðskiptavakt
Árni Oddur segir að Búnaðar-
bankinn hafi nú ákveðið að efla
viðskiptavakt sína og verði nú sett
fram 100 milljóna króna kauptilboð
í stærsta flokk húsbréfa og spari-
skírteina á hvetjum morgni í stað
10 milljóna króna kauptilboða áður.
Jafnframt verði leitast við að setja
fram jafnhá sölutilboð í umræddum
flokkum.
„Með þessu vonumst við til að
stuðla að enn traustari verðmyndun
og seljanleika spariskírteina og
húsbréfa. Traust verðmyndun og
seljanleiki verðbréfa á eftirmarkaði
eru forsenda þess að fjölga megi
þátttakendum á markaðnum.
Sömuleiðis stuðlar það að því að
erlendir fjárfestar fari að horfa á
íslensk verðbréf sem raunhæfan
kost. Erlendir fjárfestar horfa
gjarnan til þess að lágmarksvið-
skiptaeining á markaði stærri íjár-
festa sé 1 milljón dollara eða í
kringum 70 milljónir króna og því
er þetta fyrsta hindrunin sem þarf
að yfirstíga,“ segir Árni Oddur.
Hann segir að heildarmarkaðs-
virði útgefinna spariskírteina í
flokki 95/1D10 sé nú 16 milljarðar
króna og heildarmarkaðsvirði hús-
bréfa í flokki 96/2 sé nú 22 millj-
arðar króna.
Auglýsing þessl er eingöngu birt f upplýsingaskyni.
Skuldabréf Armannsfells hf.
1. flokkur 1997
á Verðbréíaþing íslands
Verðbréfaþing íslands liefur ákveðið að taka skuldabréf
Ármannsfells hf, l.flokk 1997 á skrá. Bréfin verða
skráðfimmtudaginn 25. september nk.
Skráningarlýsingu og þau gögn sem vitnað er til í henni
s.s. samþykktir og síðasta ársreikning er hægt aðfá lijá
Kaupþingi hf. umsjónaraðila skráningarinnar.
KAUPÞING HF
Armúla 13A • 108 Reykjavík • Sími 515 1500 • Fax 515 1509
Hlutabréfasj óður
Búnaðarbankans
Kaupir
1,5% ÍSH
HLUTABRÉFASJÓÐUR Bún-
aðarbankans hefur keypt
hlutabréf í Sölumiðstöð hrað-
frystihúsanna hf. fyrir alls um
131 milljón króna. Forkaups-
réttur hluthafa rann út í síð-
ustu viku og var endanlega
gengið frá kaupunum á föstu-
dag. Alls er um að ræða 1,5%
hlut í fyrirtækinu, en gengi
bréfanna miðast við 8,5 millj-
arða markaðsverð SH.
Bréfin voru keypt af ísfiski
í Kópavogi sem skömmu áður
hafði keypt þau af Fiskiðjunni
Freyju og Fiskiðjunni Skagfirð-
ingi. Skýrt er frá kaupunum í
greinargerð sjóðsins vegna
umsóknar hans um skráningu
á Verðbréfaþingi. Stjóm þings-
ins samþykkti á fundi sínum
að taka hlutabréfin á skrá
þingsins og verða þau skráð á
fimmtudag 25. september nk.
Heildareignir sjóðsins nema
alls um 600 milljónum króna,
en hann var settur á stofn 1.
nóvember á sl. ári.
Ógreidd
bréf í Bif-
reiðaskoðun
til sölu
SÍÐARA sölutímabil hlutabréfa
ríkisins í Bifreiðaskoðun hf.
hófst í gær og lýkur á fimmtu-
dag. Til sölu eru hlutabréf að
nafnverði rúmar 10 milljónir
króna. Að sögn Davíðs Björns-
sonar, deildarstjóra hjá Lands-
bréfum, er um hlutabréf að
ræða sem greiddust ekki að
afloknu fyrra sölutímabili
hlutabréfa ríkisins í Bifreiða-
skoðun.
„Eftirspurn reyndist vera um
30% meiri en framboð á fytra
sölutímabili þannig að minnka
varð þann hlut sem hver gat
fengið keyptan úr 100 þúsund
krónum að nafnvirði í 78 þús-
und. Síðan greiddust ekki öll
bréfín og því var ákveðið að
selja þau hæstbjóðanda fram á
fimmtudag samanber ákvæði í
útboðslýsingu. Tilboðum skal
skilað til Landsbréfa eigi slðar
en klukkan 16 fimmtudaginn
25. september og verða þau
seld hæstbjóðanda en lág-
marksgengi þeirra verður
2,50,“ segir Davíð Bjömsson.
Saxar vilja halda
sínum hlutí VW
Emden, Þýzkalandi. Keuter.
LEIÐTOGI þýzka fylkisins Neðra-
Saxlands, þar sem starfsemi
Volkswagen fer fram, segir að ekki
megi rýra 20% hlut fylkisins í bif-
reiðafyrirtækinu með fyrirhugaðri
úrgáfu nýrra hlutabréfa.
Gerhard Schröder, forsætisráð-
herra Neðra-Saxlands, vill einnig
að höfð verði í heiðri þýzk „VW
lög“, sem koma í veg fyrir að nokk-
ur eigi rétt á meira en 20% at-
kvæða í krafti hlutafjáreignar á
ársfundum fyrirtækisins.
VW skýrði fyrr í þessum mánuði
frá fyrirætlunum um að auka hluta-
fé sitt um 300 milljónir marka í
2,125 milljarða, sem mun afla 6-8
milljarða marka.
Sala sex milljóna nýrra hluta-
bréfa mun rýra hlut Neðra-Sax-
lands í 16% úr 20%. Hluthafar fá
forkaupsrétt á helmingi hlutabréf-
anna, en hin verða boðin út.
Schröder, sem kann að verða
kanzlaraefni sósíaldemókrata í
þingkosningum á næsta ári, styður
forkaupsréttinn, en hefur ekki
ákveðið hvort Neðra-Saxland kaup-
ir fleiri hlutabréf.
Erlendar fjárfestingar eru við-
kvæmt mál hjá VW, einkum í gömlu
austurblokkinni, þar sem fyrirtækið
á tékkneska bifreiðaframleiðand-
ann Skoda. Þýzkir verkamenn ótt-
ast að störfum verði fækkað til að
auka starfsemi í löndum þar sem
launakostnaður er lágur.