Morgunblaðið - 31.12.1998, Blaðsíða 16

16 FIMMTUDAGUR 31. DESEMBER 1998
AKUREYRI
MORGUNBLAÐIÐ
Útgerðarfélag Akureyringa hf.
I skoðun að lengja
Svalbak EA
INNAN Útgerðarfélags Akureyr-
inga hf. eru uppi hugmyndir um að
láta lengja frystitogarann Svalbak
EA um eina 18 metra, samkvæmt
heimildum Morgunblaðsins. Einnig
að setja í skipið hliðarskrúfu að
framan og dælur sem notaðar eru
við kolmunnaveiðar. Ekkert hefur þó
enn verið ákveðið i þessum efnum.
Aflaverðmæti Svalbaks á þessu ári
er um 465 milljónir króna en skipið
var í leigu hjá Meeklenburger Hoch-
seefíseherei, MHF, í Þýskalandi í
rúma sex mánuði frá miðjum aprfl
fram undir nóvember og var afla-
verðmæti skipsins á þeim tíma um
315 milljónir króna. Aflaverðmæti
Svalbaks lækkaði á milli ára en í
fyrra var aflaverðmætið 481 milljón
króna. Rækjuveiðin gekk illa hjá
skipinu í byrjun árs og miðað við
sama tímabil í fyrra munaði þar um
90 milljónum króna í aflaverðmæti.
Gott ár hjá Sléttbaki EA
Afiaverðmæti frystitogarans
Sléttbaks EA nam 541 milljón króna
og hækkaði um 8,3% milli ára. Þetta
er jafnframt mesta afiaverðmæti
sem Sléttbakui- hefur komið með að
landi á einu ári en skipið var aðeins á
veiðum í 10 mánuði á árinu.
Isfiskstogarar ÚA, Kaldbakur
EA, Harðbakur EA og Árbakur,
gerðu það ágætt á árinu og jókst
aflaverðmæti allra skipanna á milli
ára um samtals 18,4%. Aflaverðmæti
skipanna er samtals um 785 milljónir
króna en aflaverðmæti hvers þeirra
var á bilinu 256-268 milljónir króna.
Morgunblaðið/Bjöm Gíslason
Arlegur fuglatalningadagur á Akureyri og nágrenni
Mun fleiri fuglar
sáust í ár en í fyrra
ÁRLEGUR fuglatalningadagur
vetrarins var sunnudaginn 27. des-
ember sl., en þetta var í 47. sinn
sem slík fuglatalning fer fram á
svæðinu í kringum Akureyri á veg-
um Náttúrufræðistofnunar Islands.
Alls sáust 5.099 fuglar í talningunni,
sem er mun meira en fyrir ári, en
þá sáust 3.093 fuglar.
Meðalfjöldi fugla í jólatalning-
unni frá 1987 er 3.187 fuglar, flestir
voru fuglamir 6.044 og fæstir 1.861.
Tegundir fugla sem sáust að þessu
sinni voru 25 auk ónafngreindra
máva, en algengur tegundafjöldi
hefur verið 19-24 tegundir í jóla-
talningunum undanfarin ár.
Vaðfuglar sáust ekki nema send-
lingar og er þeirra fremur að vænta
nær úthafinu, þar sem sjór er oft
hlýrri. Þá virðist krummi kunna
ágætlega við sig á Akureyri og er
ekki óalgengt að hér séu um 60-80
hrafnar í bænum um jólaleytið, en
þó eru þeir mun færri um þessar
mundir. Stokköndin virðist halda
sínum hlut og er fjöldi hennar und-
anfarin ár 400-500 fuglar um jóla-
leytið og er ekki óalgengt að í um
120-200 fuglar séu við Andapollinn.
Segir ekkert um
stofnstærð tegunda
Á tímabilinu 1987-1998 hafa
fuglatalningamenn á Akureyri séð
46 tegundir fugla í jólatalninum sín-
um, en þær talningar segja þó ekk-
ert um stofnstærð einstakra teg-
unda. Hins vegar er víða talið á
landinu sama dag og gefa lokatölur,
þegar þeim hefur verið safnað sam-
an, nokkra vísbendingu um fjölda
tegunda sem finna má hér í skamm-
deginu.
Jón Magnússon fuglaáhugamað-
ur á Akureyri sagði að öll frávik frá
talningum fyrri ára verði
fuglaáhugamönnum oft tilefni til
alls kyns vangaveltna, þar sem
menn velti fyiár sér hugsanlegum
skýringum breytinganna.
Svæði þau sem Akureyringarnir
töldu á ná frá Skjaldarvík og suður
fyrir Akureyrarflugvöll, ásamt því
að talið er á sunnanverðri
Brekkunni. Talningarmenn auk
Jóns voru Sverrir Thorsteinsson,
Þórey Ketilsdóttir, Guðmundur H.
Brynjarsson, Þorsteinn Þorsteins-
son og Árni Björn Árnason. Þeim til
aðstoðar voru Aðalsteinn Ái-nason,
Davíð Bjömsson og Bryndís Reyn-
isdóttir.
PRÓFKJÖR FRAMSÓKNARMANNA í
NORÐURLANDSKJÖRDÆMI EYSTRA
__________________AUGLÝSING UM PRÓFKTÖR OG_____________________________________________
UTANKTÖRFUNDARATKVÆÐAGREIÐSLU
Rétt til þátttöku hafa þeir íbúar kjördæmisins sem náð hafa 16 ára aldri, þegar prófkjörið fer fram,
enda undirriti þeir stuðningsyfirlýsingu við Framsóknarflokkinn.
Prófkjörið fer fram dagana 16. og 17 janúar 1999.
Prófkjörið er bindandi í efstu fjögur sætín á listanum.
Eftirtaidir hafa gefíð kost á sér í prófkjörið (í stafrófsröð);
Axel Yngvason
Bernharð Steingrímsson
Daníel Árnason
Elsa B. Friðfínnsdóttir
Jakob Björnsson
Valgerður Sverrisdóttir
Heimilt er að greiða atkvæði utan kjörfundar frá og með 15. desember 1998 hjá eftirtöldum trúnaðarmönnum
flokksins:
Stefán Eggertsson, Laxárdal, sími 468 1266.
Erla Óskarsdóttir, Ekru, sími 465 2242 / 465 2247.
Laufey Jónsdóttir, Húsavík, sími 464 1765.
Margrét Jónsdóttir, Fitjum, sími 464 3605 / 892 8640.
Sigurjón Már Pétursson, Mývatnssveit, sími 464 4221.
Haukur Snorrason, Dalvík, sími 466 1828.
Árni V. Friðriksson, Akureyri, sími 462 3669.
Mínerva B. Sverrisdóttir, Alcureyri, sími 462 1186.
Þórarinn E. Sveinsson, Akureyri, sími 462 5744.
Skrifstofu Framsóknarflokksins í Reykjavík, sími 562 4480.
Ef nánari upplýsinga er þörf skal leita til ofangreindra trúnaðarmanna.
Prófkjörsnefnd KFNE.13.12.'98 Akureyri
Tvær áramóta-
brennur
TVÆR áramótabrennur verða á
Akureyri að þessu sinni líkt ojg
venja hefur verið siðustu ár. Onn-
ur brennan er á Bárufellsklöpp-
um en hin við Réttarhvamm, þar
sem jafnframt verður heljarmikil
flugeldasýning. Börnin í Holta-
hverfinu á Akureyri voru að
skoða brennuna á Bárufellsklöpp-
um er ljósmyndari Morgunblaðs-
ins var þar á ferð í gær.
Nýárstrimm
í Kjarnaskógi
UNDANFARIN ár hefur Skóg-
ræktarfélag Eyfirðinga hvatt til út-
vistar í Kjarnaskógi á nýársdag og
staðið fyrir nýárstrimmi í göngu.
Þátttakendur ganga 2-5 km og
skrá nafn sitt í gestabók sem liggur
frammi í Kjarnakoti. Útlit fyrir að
bæði gefist færi á skíðagöngu og
hefðbundinni göngu.
Ttrimmið fer fram frá kl. 9 til 20.
Morgunblaðið/Björn Gíslason
HILMAR Gíslason tekur við heiðursviðurkenningu sinni úr hendi Þór-
arins B. Jónssonar, formanns fþrótta- og tómstundaráðs Akureyrar.
Til hliðar við Hilniar eru Haraldur M. Sigurðsson og Margrét Rögn-
valdsdóttir.
192 Islandsmeist-
arar frá Akureyri
AKUREYRINGAR eignuðust alls
192 Islandsmeistara í íþróttum á ár-
inu sem er að líða. Þetta kom fram í
árlegu hófi sem íþrótta- og tóm-
stundaráð bæjarins efndi til í fyrra-
dag, þar sem einnig var tilkynnt um
val á íþróttamanni Akureyrar. Vern-
harð Þorleifsson, júdómaður úr KA,
varð þar fyrir valinu í fimmta skipti
eins og fram kom í blaðinu í gær.
Það er Iþróttabandalag Akureyrar
sem stendur fyrir kjöri íþróttamanns
bæjarins.
Islandsmeistaramir fengu allir
viðurkenningu frá ÍTA, en sumir
náðu þeim árangri í fleiri en einni
grein; þessir 192 urðu meistarar i
242 greinum. Fyrst voru þessar við-
urkenningar veittar árið 1990 og þá
voru akureyrskir Islandsmeistarar
innan við 100, en þess má geta að
1997 voru þeir 290.
Þrír einstaklingar fengu sérstakar
heiðursviðurkenningu Iþrótta- og
tómstundaráðs Akureyrar, vegna
óeigingjarns starfs í þágu íþrótta-,
æskulýðs- og félagsmála á Akureyri,
eins og Eiríkur Björn Björgvinsson,
framkvæmdastjóri ráðsins, orðaði
það í ávarpi sínu. Þremenningarnir
eru Haraldur M. Sigurðsson, fyrr-
verandi formaður Knattspyrnufélags
Akureyrar og íþróttakennari í bæn-
um í áratugi, Hilmar Gíslason,
bæjarverkstjóri sem starfaði mikið
fyrir íþróttafélagið Þór á sínum tíma
og vann einnig að uppbyggingu
mannvirkja fyrir önnur félög í bæn-
um og Margrét Rögnvaldsdóttir,
einn stofnfélaga íþróttafélagsins
Eikar 1978, fyrrverandi formaður
þess, þjálfari og stjórnarmaður allt
þar til fyrir tveimur árum. Eik var
fyrsta félagið á landinu sem sérstak-
lega var stofnað til eflingar íþrótta
fyrir þroskahefta.
Afreks og styrktarstjóður ÍTA
veitti einstaka félögum fjárstyrki
vegna landsliðsmanna skv. venju, en
Akureyringar áttu 94 slíka á árinu
og hafa þeir ekki verið fleiri áður. Þá
hlutu sérstaka viðurkenningu, fjár-
styrk, skv. ákvörðun stjórnar sjóðs-
ins: Golfklúbbur Akureyrar, vegna
íslandsmeistaratitils Sigurpáls Geirs
Sveinssonar, Júdódeild KA, vegna
sérstaks árangurs í unglingastarfi og
Skíðaráð Akureyrar til stuðnings
skíðafólki sem æfir utanlands.
Þá afhenti ITA eina afreksviður-
kenningu vegna björgunarafreks i
Sundlaug Akureyi-ar 24. apríl. Einar
Amgrímsson frá Dalvík hlaut viður-
kenninguna, en hann bjargaði þá sex
ára dreng frá drukknun ásamt
starfsfólki sundlaugaiinnar.