Morgunblaðið - 24.02.1999, Qupperneq 12

12 MIÐVIKUDAGUR 24. FEBRÚAR 1999
MORGUNBLAÐIÐ
AKUREYRI
Aðalfundur Útgerðar-
félags Akureyringa
Samruni
við önnur
félög verði
kannaður
AFKOMA Útgerðarfélags Akur-
eyi-inga batnaði verulega á síðasta
ári, en félagið var gert upp með 251
milljóna króna hagnaði eftir að tek-
ið hafði verið tillit til 249 miljcma
króna hagnaðar af sölu eigna. Arið
á undan nam tap félagsins 131
milljón króna. Veltufé frá rekstri
nam á liðnu ári 552 milljónum
króna en var 274 milljónir árið á
undan.
Guðbrandur _ Sigurðsson fram-
kvæmdastjóri ÚA sagði á aðalfundi
félagsins að þó afkoman hafi batnað
þyrfti hún að batna enn frekar til
að teljast viðunandi fyrir hluthafa
þess. Gert væri ráð fyrir betri af-
komu á þessu ári að því gefnu að
ekki yrðu meiriháttar breytingar á
starfsumhverii félagsins og afurða-
verði.
Friðrik Jóhannsson formaður
stjórnar ÚA sagði á aðalfundinum
að stærðarhagkvæmni væri mikil í
sjávarútvegi og að nú þegar tekist
hefði að ná vel utan um starfsemina
þyrfti að kanna möguleika á að
styrkja félagið ennfrekar með sam-
runa við önnur sjávarútvegsfyrir-
tæki og þá helst fyrirtæki sem
legðu megináherslu á bolfisk líkt og
ÚA gerði. „Stækkun félagins er
besta leiðin til að tryggja starfsem-
ina til langframa,“ sagði Friðrik.
Hluthafar fá 8% arð
Samþykkt var á fundinum tillaga
um að greiða hluthöfum 8% arð af
hlutafé, en það svarar til 69 millj-
óna ki'óna. Ein breyting varð á
stjórn félagsins, Jón Þórðarson
gekk úr sjórninni en í hans stað
kemur Pétur Bjarnason sem verið
hefur í varastjórn. Friðrik er sem
fyiT formaður, Halldór Jónsson
Váraformaður og þá eiga þeir Bene-
dikt Jóhannesson og Kristján Aðal-
steinsson sæti í stjórninni.
Morgunblaðið/Kristján
GUÐBRANDUR Sigurðsson, franikvæmdastjóri títgerðarfélags Akureyringa, og Friðrik Jóhannsson, formaður stjórnar IJA, ræða við Kristján Þór
Júlíusson, bæjarstjóra á Akureyri, í upphafí aðalfundar IJA í gær.
Friðrik Jóhanns son formaður stjórnar ÚA á aðalfundi
Greitt fyrir hagræðingu með
kaupum á veiðiheimildum
FRIÐRIK Jóhannsson, stjórnar-
formaður Útgerðarfélags Akureyr-
inga, gerði lög um stjómun físk-
veiða að umtalsefni á aðalfundi ÚA í
gær, en hann sagði umræðuna því
miður hafa verið villandi og hún
hefði haft neikvæð áhrif á greinina.
„Gagni’ýnismenn núverandi kerf-
is hafa slegið fram tölum um mögu-
legan afrakstur veiðiheimilda sem
fráleitt er að fái staðist. Það er stað-
reynd að starfandi fyrirtæki í sjáv-
arútvegi hafa greitt fyrir hagræð-
ingu í greininni með því að kaupa
veiðiheimildir af þeim sem hafa kos-
ið að leggja niður starfsemi. Mikil
samkeppni hefur verið um það sem
selt hefur verið og verðið hefur ver-
ið hátt, enda hefur það miðast við
jaðarframlegð viðbótareiningar sem
er langtum hæma en meðaltals-
framlegð. Þeir sem hætt hafa starf-
semi hafa því fengið háar fjárhæðir
fyrir seldar heimildir og hefur það
kynt undir óánægju almennings,“
sagði Friðrik í ræðu sinni á aðal-
fundinum.
Hann nefndi að i'ætt hefði verið
um þann möguleika að skattleggja
sérstaklega söluhagnað eða leigu-
tekjur af kvóta en hann sæi ekki
hvemig koma ætti því við. Þá hefðu
verið uppi hugmyndir um veiðileyfa-
gjald, en erfítt væri að sjá að at-
vinnugreinin gæti borið auknar álög-
ur, afkoman bæri þess ekki merki og
fjárfestingar væra langt frá því
nægjanlegar til eðlilegs viðgangs.
Mikilvægt að víðtæk sátt náist
Núverandi fiskveiðistjómunar-
kerfi væri í grandvallaratriðum gott,
ef frá væri talinn áðumefndur galli
þegar menn færa út úr greininni.
Sagði Friðrik mikilvægt að víð-
tæk sátt næðist um málið og horfðu
menn til væntanlegra tillagna auð-
lindanefndarinnar svonefndu í því
sambandi. Sjávarútvegur væri í eðli
sínu áhættusöm atvinnugrein, enda
umhverfíð síbreytilegt og rekstur-
inn fjárfrekur. „Komi til álita að
breyta núverandi kerfi verða stjórn-
völd að gæta þess að raska ekki
stöðugleika í greininni,“ sagði Frið-
rik.
Fóðurverksmiðjan Laxá framleiddi 3.300 tonn í fyrra
Samið um sölu á
fóðri til Færeyja
FÓÐURVERKSMIÐJAN Laxá
gekk í gær frá samningi um sölu á
60 tonnum af fískafóðri til Færeyja
og væntir Arni V. Friðriksson for-
maður stjómar Laxár þess að um
sé að ræða vísi að enn meiri út-
flutningi fóðurs til Færeyja.
Heildarframleiðsla Fóðurverk-
smiðjunnar Laxár var 3.300 tonn á
síðasta ári sem er 11% aukning frá
ái-inu áður. Lítið magn af katta- og
hundafóðri sem fyrirtækið fram-
leiðir var flutt út til Danmerkur, en
fiskeldisfóður hefur ekki verið flutt
út frá árinu 1996 þegar settur var á
fóðurkvóti í Noregi og markaður-
inn í Færeyjum lokaðist.
Valgerður Ki-istjánsdóttir fram-
kvæmdastjóri Laxár sagði á aðal-
fundi félagsins í gær að helstu
möguleikarnir á útflutningi væru
til Færeyja og standa vonir til að
hægt verði að selja þangað umtals-
vert magn. Fiskeldi hefði aukist
jafnt og þétt í Færeyjum síðastlið-
in ár en þar eru starfandi fáar, en
stórar og stöndugar fískeldisstöðv-
ar.
Gekk betur en á horfðist
Umskipti hafa orðið í rekstri
Laxár milli ára, en félagið var gert
upp með hagnaði á liðnu ári, á
Morgunblaðið/Kristján
VALGERÐUR Kristjánsdóttir, framkvæmdastjóri Fóðurverksmiðjunn-
ar Laxár, og Arni V. Friðriksson stjómarformaður höfðu ástæðu til að
brosa á aðalfundi félagsins í gær.
þriðju milljón, en tap upp á 16
milljónir króna varð á rekstrinum
árið á undan. Valgerður sagði að
réksturinn hefði gengið betur en á
horfðist á síðasta ári en m.a. mætti
þakka það hækkun á fóðri í árs-
byrjun, eða um 9%, notkun nýrra
og ódýrari hráefna, maís og soja,
hagkvæmari hráefnisinnkaupum
og lægri framleiðslukostnaði.
Guðbrandur Sigurðsson framkvæmda-
stjðri ÚA um kjarasamninga
Breyttar kröf-
ur kalla á
ný sjónarmið
STAÐA og samkeppnishæfni ís-
lensks sjávarútvegs í upphafi nýs
árþúsunds varð Guðbrandþ Sigurðs-
syni, framkvæmdastjóra Útgerðar-
félags Akureyringa, að umtalsefni á
aðalfundi félagsins sem haldinn var í
gær. Núverandi fiskveiðistjórnunar-
kerfi og stöðugleiki í efnahagsmál-
um era grannurinn að þeim já-
kvæðu breytingum sem orðið hafa
að hans mati, en betur má ef duga
skal.
Guðbrandur nefndi að síðasti að-
alfundur félagsins hefði verið hald-
inn í skugga sjómannaverkfalls, en
því hefði lokið með lagasetningu
þar sem löggjafarvaldið tók mikið
tillit til sjónarmiða sjómannaforyst-
unnar. Ráðstafanir sem gi'ipið var
til í kjölfarið, stofnun kvótaþings,
verðlagsstofu skiptaverðs, úrskurð-
amefnd um skiptaverð auk þess
sem veiðiskylda var aukin til muna,
hafí, að undanskilinni verðlagsstof-
unni, þrengt að hag útgerðar- og
fískvinnslufyrirtækja og dragi
þannig úr sveigjanleika og sam-
keppnishæfni gi'einarínnar.
Mikilvægt er, að mati Guð-
brands, að sjómenn og sjómanna-
forystan skoði vel það umhverfí
sem íslenskur sjávarútvegur býi'
við áður en gengið verður til samn-
inga síðar á árinu. Sjómenn þyrftu
rétt eins og fyrirtæki og stjórnvöld
að móta sér stefnu. „Kjarabarátta
sjómanna hefur verið óvægin þar
sem markmiðið hefur verið að auka
hlut sjómanna í framleiðsluverð-
mætum skipanna," sagði Guð-
brandur. Hlutaskiptakerfíð ætti sér
langa sögu en kröfurnar væru aðr-
ar nú.
Spurning sem sjómenn
verða að svara
„Islenskir sjómenn þurfa að
gera það upp við sig hvort og þá
hvernig þeir vilja standa við bakið
á nauðsynlegri framþróun og end-
urnýjun á skipaflotanum þar sem
hægt væri að nýta betur þau tæki-
færi sem markaðurinn býður upp á
í dag. Slíkt kallar á ný sjónarmið
þegar kemur að samningum um
kaup og kjör sjómanna þar sem
taka þarf tillit til fleirí atriða en
einungis skiptaverðs. Þannig þarf
að taka tillit til heildarárslauna,
aðstöðu og aðbúnaðar um borð,
endurmenntunar og svo mætti
lengi telja.“