Morgunblaðið - 06.03.1999, Qupperneq 23

MORGUNBLAÐIÐ
LAUGARDAGUR 6. MARZ 1999 23
VIÐSKIPTI
Frosti Bergsson tekur við sem stjórnarformaður Opinna kerfa
Stefnt að stofnun eignarhaldsfélags
FORSVARSMENN Opinna kerfa
stefna að því að stofna Eignarhalds-
félag um rekstur samstæðunnar,
sem mun að öllum líkindum hefja
starfsemi um næstu áramót. Undir-
búningur að stofnun eignarhaldsfé-
lagsins verður að stærstum hluta í
höndum Frosta Bergssonar, sem
mun af þeim sökum hætta sem
framkvæmdastjóri Opinna kerfa og
taka við stöðu stjómarformanns í
stað Sindra Sindrasonar. Þetta kom
fram í máli Sindra á aðalfundi fé-
lagsins í gær.
Sindri sagði að á undanfomu
starfsári hafi verið rætt um stofnun
sérstaks Eignarhaldsfélags sem ætti
Opin kerf! hf. jafhframt sem það
tæki yfír eignarhluta í öllum dóttur-
félögum. „Markmiðið með þessari
breytingu er að skapa armslengd
milli hefðbundins rekstrar Opinna
kerfa og eignarhluts í hlutdeildar- og
dótturfélögum." Til að koma þessu í
framkvæmd var ákveðið að Frosti
hætti sem framkvæmdastjóri frá og
með 8. mars næstkomandi og verði í
staðinn starfandi stjórnarformaður.
Auk þess að hafa umsjón með undir-
búningi að stofnun eignarhaldsfé-
lagsins, mun Frosti einnig sinna fjár-
festingarmálum og hefðbundnum
stjómarstörfum. Við stöðu Frosta
tekur Gylfi Ámason sem hefur að
undanfómu gegnt stöðu aðstoðar-
framkvæmdastjóra.
Greiða 15% arð
Heildarhlutafé Opinna kerfa er
nú 42 milljónir króna að nafnverði
en markaðsverðmæti félagsins í ár-
lok 1998 var 8.200 m.kr. Hluthöfum
fjölgaði um 976 á síðasta ári og eru
nú alls 1.180. í árslok áttu 3 hluthaf-
ar yfir 10% eignarhluta í félaginu,
en þeir eru: Þróunarfélag íslands
hf., sem á 27,01%. Frosti Bergsson
sem á 20,51% og Pharamaco hf. í
Garðabæ sem ræður yfir 12,64%
hlut. Áætlanir félagsins gera ráð
fyrir að velta móðurfélagsins aukist
um 25% á þessu ári og fari yfir
2.000 milljónir. Gert er ráð fyrir að
velta samstæðunnar verði yfir 3.000
milljónir og hagnaður eftir skatta
nemi 100 milljónum króna.
Á aðalfundi félagsins var sam-
þykkt að greiða hluthöfum 15% arð
vegna ársins 1998. Stjórn Opinna
kerfa var endurkjörin en hana skipa
Frosti Bergsson, Sindri Sindrason
og Andri Teitsson. Til vara em þeir
Ragnar Marteinsson og Sigurjón
Sindrason.
Fjárfestingar
Opinna kerfa hf.
í öðrum félögum
Hlutdeild
Skýrrhf. 51,0%
Grunnur-Gagnalausnir ehf. 50,0%
ACOhf. 41,3%
Tæknival hf. 38,5%
Upplýsingar ehf. 33,3%
Teymi hf. 32,5%
Þróun ehf. 24,4%
Hans Petersen hf. 16,4%
Hugur hf. 9,3%
Markaðsvirði samtals:
1.700 milljónir króna
Stjórnarkjör á aðalfundi
Flugleiða
Gunnarí
Fóðurblönd-
unni íhugar
framboð
ALLT bendir til að Gunnar Jó-
hannsson, forstjóri Fóðurblönd-
unnar hf., muni gefa kost á sér í
stjórn Flugleiða á aðalfundi félags-
ins fimmtudaginn 18. mars nk.
Ljóst er að eitt sæti í stjórn
Flugleiða losnar á aðalfundinum,
þar sem Þorgeir Eyjólfsson, for-
stjóri Lífeyrissjóðs verslunar-
manna, mun víkja úr stjórninni eft-
ir eins árs setu þar.
Gunnar Jóhannsson er meðal
stærstu hluthafa í Flugleiðum og
samtals munu hann og fjölskylda
hans eiga um nær 2% hlut í félag-
inu.
Gunnar staðfesti í samtali við
Morgunblaðið í gær að hann væri
að íhuga það mjög alvarlega að
gefa kost á sér í stjórn Flugleiða,
og að hann teldi sig hafa stuðning
hluthafa með a.m.k. 10-15% at-
kvæða á bak við sig. „Eg á orðið
þennan hlut í Flugleiðum, hef
mikla trú á félaginu og vil gjarnan
taka þátt í frekari uppbyggingu
þess,“ sagði Gunnar.
Lokadagar
útsölunnar
Rúskinnshettujakkar
Laugavegi 66,
sími 552 0301