Morgunblaðið - 26.09.2000, Síða 3

MORGUNBLAÐIÐ
ÞRIÐJUDAGUR 26. SEPTEMBER 2000 C 3

y '^oeo QQ§)
Morgunblaðið/Sverrir
Verðlaunahafarnir í stangarstökki, sem oft hafa att kappi, faðmast eftir að hafa tekið á móti verð-
launum sínum. Vala Flosadóttir er til hægri.
Morgunblaðið/Sverrir
Vala stekkur yfir 4,45 m og setur fyrra Norðurlandamet sitt.
hverjum möguleikum á þessu eða
hinu. Þá hefði ég sennilega orðið
spenntari og sennilega ekki náð mér
eins vel á strik. En trúðu því, þetta
tók alveg gríðarlega á, bæði líka-
mlega og andlega, en það var svo
sannarlega þess virði,“ sagði Vala og
brosti sínu breiðasta enda engin
ástæða til annars og síðan bætti hún
við: „Ég er búin að brosa svo mikið í
kvöld að ég verð ábyggilega með
harðsperrur í kinnunum á morgun."
Vala segist hafa verið að velta því
fyrir sér áður en keppnin hófst að
sleppa byrjunarhæðinni, 4 metrum,
og stökkva þess í stað 4,15 í fyrstu
tilraun.
„Eftir nokkrar vangaveltur ákvað
ég að byrja á fjórum metrum, mig
munar ekkert um að stökkva einu til
tveimur stökkvum meira og vera í
rónni. Stanislav Szczyrba, þjálfari
minn, vildi líka að ég byrjaði í fjórum
metrum og ég ákvað að fara að hans
ráðum.“
Gríðarlegt álag að
taka þátt í stórmóti
Þér gengur greinilega vel að ein-
beita þér í keppni, hvernig hefur þú
náðtökum á því?
„Ég held að þeir séu fáir sem gera
sér grein fyrir því hversu erfitt það
er að taka þátt í stórum mótum, það
fylgir því gríðarlegt álag. Bara það
eitt að fá tækifæri til að keppa á Ól-
ympíuleikum er ótrúlegt afrek og
mikill heiður. Hér mætir maður til
leiks og þarf að gera hlutina rétt, það
býðst ekki annað tækifæri, ekkert
má fara úrskeiðis. Öllum er alveg
sama þótt maður hafi hugsanlega
farið röngum megin fram úr rúminu,
hafi tannpínu eða magaverk. Þú
verður að standa þig og það núna, á
morgun er það of seint.
Þá er aðalmálið að reyna að nýta
sér kröfurnar á réttan hátt, stundum
tekst það, stundum ekki.
Allir sem mættu til dæmis til leiks
í dag reyndu sitt besta, það er ég
ekki í vafa um. Hjá sumum ganga
hlutirnir ekki upp en það gerist hins
vegar hjá öðrum. Eigi að síður hafa
allir unnið stórt afrek. Dæmið gekk
upp hjá mér núna, mér tókst að
vinna á spennunni á jákvæðan hátt.“
Stacy
Dragila
Bandaríkjunum
Ólympíumeistari í stangar-
stökki kvenna.
Fædd: 25. mars 1971 í Au-
bum, Kalifomíu, í Banda-
ríkjunum.
Helstu afrek: Fyrsti heims-
meistari kvenna innanhúss
1997 og utanhúss 1999.
Heimsmethafi, stökk 4,63
metra á bandaríska úrtöku-
mótinu í júlí.
■ Náði einnig langt í há-
stökki og langstökki og
keppti áður í sjöþraut þar
sem hún á best 5.488 stig.
■ Býr sig undir masters-
gráðu í heilbrigðisfræðum og
þjálfar frjálsíþróttalið Idaho
State-háskólans.
■ Ólst upp á búgarði og lagði
stund á ótemjureið.
Vala segir að eftir að hafa tryggt
sér sæti í úrslitum hafí sú hugsun
komið upp hjá sér; jæja nú á ég að-
eins eftir að kýla á það. „Ég hafði
stigið fyrsta skrefið og mér leið vel á
eftir. Þegar ég vaknaði daginn eftir
undanúrslitin velti ég því fyrir mér
að nú væru úrslitin framundan."
Yf irleitt skrekkur
í mér fyrir stórmót
„Yfirleitt hefur verið skrekkur í
mér daginn fyrir keppni á stórmót-
um; nú er stundin að renna upp, um
leið vex spennan í líkamanum. En
núna reyndi ég svolítið nýtt þegar
þessi hugsun kom upp, í stað þess að
spenna mig upp sagði ég í huganum
,já“ og ekkert meira með. Þetta
virkaði vel á mig. Núna finn ég fyrir
stolti yfir því að fá að taka þátt í Ól-
ympíuleikum fyrir hönd þjóðar
minnar.“
Finnur þú fyrir miklum létti nú
þegar keppnin eryfirstaðin ?