Fréttablaðið - 03.07.2001, Side 6

FRÉTTABL AÐIÐ
SPURNINC DACSINS £
3. júl! 2001 ÞRIÐIUDACUR
Hvað finnst þér um
miðbæinn?
Ég hef nú
búið þarna
lengi og ég
verð að segja
að þó það
iifni yfir
bænum seint
á kvöldin
finnst mér
heldur dauf-
legt um að
litast að degi
til um helgar.
Það er ekki nema þegar gott er veður að lif
kviknar á daginn. Ég held að það vanti
verslanir í miðbæinn, þarna eru nánast ein-
göngu veitingahús og stofnanir. Þess vegna
líst mér vel á hugmyndir í líkingu við þær
að byggja upp verslunarsvæði við Reykja-
vikurhöfn.
Sæmundur Norðfjörð, athafnamaður
Svíþjóð:
Eldur kom
upp í sænskri
ferju
berlin. flp. Eldur kom upp í gær í sæn-
skri ferju sem var á leið frá þýsku
eyjunni Ruegen til sænska bæjarins
TVelleborg. Engan, af þeim 227 mann-
eskjum sem um borð voru, sakaði, en
til að gæta fyllsta öryggis var þeim
safnað saman á þilfarinu þar sem
þeim voru fengin björgunarvesti.
Fólkið þurfti hins vegar ekki að yfir-
gefa ferjuna og slökkti áhöfnin eld-
inn á þremur klukkustundum. Ekki
er vitað hvers vegna eldurinn kvikn-
aði en hann kom upp í vélarrúminu.
Ferjan, sem er 172 metra löng og ber
nafnið „The Sassnitz," var dregin í
þýska höfn eftir atburðinn. ■
—♦—
BÍLFLAK RANNSAKAÐ
Lögreglumenn rannsaka annan bílanna
tveggja sem sprengdir voru á tveimur mis-
munandi stöðum i borginni Yehud.
Átök halda áfram fyrir
botni Miðjarðarhafs:
Tvær
bílsprengjur
sprungu
jerúsalem. ap. Tvær bílsprengjur
sprungu í gær í borginni Yehud í Isr-
ael nálægt flugvellinum í Tel Aviv.
Engan sakaði í árásinni en fjórir
þurftu hins vegar á áfallahjálp að
halda. Palestínumenn hafa lýst
ábyrgð á verknaðinum á hendur sér
og segja hann vera hefndarverk
vegna morða ísraela á tveimur is-
lömskum hryðjuverkamönnum á
sunnudag. Sprengingin átti sér stað
aðeins nokkrum klukkustundum eftir
að þrír Palestínumenn særðust þegar
ísraelsk herþyrla skaut að þeim. Bú-
ist er við að sprengingarnar seinki
friðaráætlunum fyrir botni Miðjarð-
arhafs enn um sinn. „Ástandið er afar
slæmt. Atburðir síðustu tveggja daga
sýna hversu vopnahléið er við-
kvæmt. Líkur eru á því að það muni
ekki halda,“ sagði Terje Roed-Larsen,
norskur erindreki Sameinuðu þjóð-
anna í Mið-Austurlöndum. ■
Þad getur valdiö
árekstrum
aö vera slcöi í umferöinni
Kennarasamband íslands:
Sumir óttast siðareglur
sem ígildi „klöguvélar“
kennarar Innan Kennarasambands
íslands er verið að huga að gerð siða-
reglna fyrir kennara. Finnbogi Sig-
urðsson formaður Kennarafélags
Reykjavíkur segir að skiptar skoðan-
ir séu um málið innan stéttarinnar og
m.a. óttast sumir að slíkar reglur
yrðu aðeins sem ígildi einhverskonar
„klöguvélar,“ eins og hann orðar það.
Hann býst þó við að þetta muni skýr-
ast á fulltrúaþingi sambandsins í
mars á næsta ári en gerð siðareglan
hefur verið í bígerð innan sambands-
ins í um áratug.
Ástæðan fyrir nauðsyn á siðaregl-
um kennara segir Finnbogi að það sé
svo faglegt að sumra mati. Þeir hinir
sömu telja einnig að siðareglur muni
styrkja kennara í starfi. Hann segir
að kjarninn í þeim drögum sem unn-
in hafa verið kemur m.a. fram að
„menn eigi að haga sér eins og siðað-
ir menn í siðuðu þjóðfélagi." Þessi al-
kunnu sannindi séu hins vegar iðkuð
af langflestum kennurum þótt alltaf
sé misjafn sauður í mörgu fé. Þá sé
ekkert víst að komandi siðareglur
muni verða eins fyrir grunn- og
framhaldsskólakennara auk þess
sem leikskólakennarar sem samein-
ast sambandinu í haust eru með sínar
eigin siðareglur. ■
„Krónan
stendur undir
meiru ‘ ‘
Er of lág miðað við efnahagsforsendur segir Ingibjörg
R. Guðmundsdóttir. Verið að gera könnun á hvort
tollalækkanir á grænmeti hafi skilað sér til neytenda.
VERÐLACSÞRÓUN „Ég tel að ríkisstjórn
og Seðlabankinn verði að grípa inn í
þessa verðlagsþróun. Þeir hafa
ákveðna möguleika til aðgerða sem
þeir verða að nýta sem allra fyrst svo
ekki líði meira á árið. Ég tel það sé al-
rangt hjá Seðlabankanum að nálgast
málin þannig að enn sé þensla í sam-
félaginu, það er samdráttur, ekki
verulegur en hann er samt sem áður
hafinn", segir Ingibjörg R. Guð-
mundsdóttir formaður Landssam-
bands íslenzkra verzlunarmanna um
þá verðlagsþróun sem nú er í gangi í
þjóðfélaginu. Hún telur að gengi
krónunnar sé lægra en það þurfi að
vera miðað við efnahagsforsendur,
það hafi fremur verið vangaveltur á
fjármálamarkaði sem orsökuðu hluta
þess að krónan lækkaói. „Ég tel það
rétt hjá þeim sem meta það þannig að
krónan standi undir meiru en þessu.
Ástæður hás matarverðs eru auðvit-
að að hluta til gengi krónunnar. Það
er ekki hægt að kenna kjarasamning-
um um, því þeir voru það hóflegir. Ég
held við séum sammála um það begg-
ja megin borðsins að þeir voru ekki
verðbólguvaldandi. Nú skiptir mjög
miklu máli að fyrirtækin sýni ábyrgð
því ef allt fer af stað þá eru kjara-
samningar í uppnámi. Það má ekki
grípa um sig sú tilfinning að hér sé
allt í kalda kolum.“
Ingibjörg segir vera mikilvægt að
meta stöðuna rétt, mat fyrirtækjanna
á því sem er framundan í haust og
vetur og viðhorf þeirra til verðbólg-
unnar. Ingibjörg segir það gott að
ríkissjóður styrki ASÍ til að ráða
starfsmann, Ásdísi Ragnarsdóttur,
sérstaklega í það verkefni að fylgjast
með verðlagsmálum. Ásdís hefur
staðið fyrir könnunum sem verða til-
búnar innan skamms og eiga að þjóna
tilgangi eftirlits. „Við erum nú að
ljúka könnun á því hvort lækkun á
tollum á grænmeti hafi skilað sér út í
verðlagið eða hvort verið geti að
lækkunin sitji föst annað hvort hjá
INGIBJÖRG GUÐMUNDSDÓTTIR,
FORMAÐUR LANDSSAMBANDS ÍSLENZKRA VERZLUNARMANNA
Hún telur afar brýnt að sporna strax við núverandi þróun í verðlagsmálum.
heildsölum eða verslunum," sagði Samkeppnisstofnun áður en hún
Ásdís. Könnun þessi var gerð að ósk verður gerð opinber í seinni hluta
Starfsgreinasambandsins og verður vikunnar. ■
fyrst birt landbúnaðarráðuneyti og
Vélinni flogið eftir flugslys:
Flugmaður fékk
lánaða skrúfu
flugslys Flugmálastjórn hefur farið
fram á það við lögregluna í Reykja-
vík að hún rannsaki lendingu flugvél-
ar á Túngubakkaflugvellinum í Mos-
fellsbæ þann 1. júní og flug hennar í
ólofthæfu ástandi þann 4. júní. Við
lendingu vélarinnar, sem er af gerð-
inni Falconar F-11 experimental, rak
flugmaðurinn skrúfuna í jörðina af
þó nokkrum krafti. Flugmaðurinn til-
kynnti Rannsóknarnefnd flugslysa
um brotlendinguna en fjórum dögum
síðar, náði annar flugmaður í skrúfu
sem hékk á vegg í flugklúbbi Mos-
fellsbæjar og flaug vélinni á brott.
Flugmálastjórn fór þess á leit við
seinni flugmanninn að hann skilaði
skírteini sínu á meðan rannsókn
slyssins stóð og varð hann við þeim
tilmælum á fundi með lögfræðingi
Flugmálastjórnar í gær. Samkvæmt
lögum um loftferðir varða brot á
borð við þetta sektum eða fangelsi í
allt að fimm ár. Flugmálastjórn vildi
ekki tjá sig um málið í gær. ■
SLYSALAUST FLUG
Flugvélin rak niður skrúfuna i lendingu og þremur dögum síðar skellti annar flugmaður
annarri skrúfu á vélina og flaug henni á brott. Lögreglan í Reykjavík kannar nú málið.
Innbrot í Reykjavík:
Skólar vinsæl-
ir hjá þjófum
innbrot Skólar virðast hafa verið vin-
sælir meðal þjófa um helgina. Brotist
var inn í skólahúsnæði í Árbæjar-
hverfi og þaðan stolið verkfærum og
skemmdir unnar á innanstokksmun-
um. Þá var brotist inn í skólahúsnæði
í Skeifunni og í Vogahverfi og á báð-
um stöðum var stolið tölvu og skjáv-
arpa.
Brotist var inn á fleiri stöðum um
helgina. Tveir karlmenn á þrítugs-
aldri voru gómaðir eftir að hafa
reynt að brjótast inn í íbúðarhúsnæði
á Klapparstíg á sunnudagsmorgun.
Þá var brotist var inn á heimili í Þing-
holtunum síðastliðinn föstudag og
þaðan stolið myndbandstæki, sjón-
varpi og myndbandsspólum. ■