Fréttablaðið - 03.08.2001, Blaðsíða 10

I IAB1 /A)\\)
10
FRÉTTABLAÐIÐ
3. ágúst 2001 FÖSTUPAGUR
I H
Útgáfufélag: Fréttablaðið ehf.
Útgáfustjóri: Eyjólfur Sveinsson
Ritstjóri: Einar Karl Haraldsson
Fréttastjóri: Pétur Gunnarsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Simbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Fréttablaðið ehf.
Plötugerð: iP-prentþjónustan ehf.
Prentun: (safoldarprentsmiðja hf.
Dreifing: Póstflutningar ehf.
Fréttaþjónusta á Netinu: Vísir.is
Fréttablaðinu er dreift ókeypis til allra heimila á höf-
uðborgarsvasðinu. Fyrirtaeki geta fengið blaðið gegn
greiðslu sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og f gagnabönkum
én-endurgjalds.
Vegna full-
yrðinga RUV
um Stöð 2
Frá Jóni Ólafssyni,
stjórnarformanni Norðurljósa:
FJÖLMIÐLAR „Vegna rangfærslna í
frétt Ríkissjónvarpsins um mál-
efni Norðurljósa er nauðsynlegt
að eftirfarandi komi fram:
Um síðustu áramót voru lang-
tímaskuldir Norðurljósa um 6,1
milljarðar króna. Erlend lán eru
um 60% af heildarlangtímaskuld-
um félagsins. Á þessu ári hafa
langtímaskuldir hækkað um 545
m.kr. vegna gengisbreytinga og
hækkunar á vísitölu neysluverðs.
Eins og mörg fyrirtæki sem eru
með langtímalán í erlendri mynt
þá hafa Norðurljós átt í viðræðum
við erlenda viðskiptabanka sína
um breytingar á greiðslufyrir-
komulagi langtímaskuldbindinga
sinna og er frestun á afborgun
lána í júní hluti af þeim viðræð-
um.
í viðræðum við erlenda við-
skiptabanka félagsins hefur
aldrei komið til tals að sú samein-
ing sem átt hefur sér stað innan
Norðurljósa gangi til baka í einu
eða öðru formi. Fullyrðingar þess-
ar í frétt Ríkissjónvarpsins eru
rangar.
Það er umhugsunarvert að Rík-
issjónvarpið skyldi ekki sjá
ástæðu til að bera þessi atriði und-
ir forráðamenn Norðurljósa áður
en fréttin var skrifuð. Fréttamað-
ur hafði samband við forstjóra
fyrirtækisins síðastliðinn mánu-
dag og hafði fyrst og fremst
áhuga á áskriftartekjum fyrir-
tækisins, en minntist ekki á þau
atriði sem að ofan greinir. Slík
vinnubrögð eins og í máli þessu
vekja furðu, sérstaklega í ljósi
þess að fréttastofan sér ekki
ástæðu í frétt sinni til að upplýsa
hverjar heimildir hennar eru.“ ■
hamingju
dagar
CITROÉN
16. júlí-3. ágúst 2001
Hvað komfyrir drenginn?
Eg skil ekki hvað hefur komið
fyrir drenginn, sagði Davíð
Oddsson, þegar hann lýsti von-
brigðum sínum yfir því hvernig
komið er fyrir Árna Johnsen. Þar
mælti hann sjálfsagt fyrir hönd
allra sem lengi hafa starfað með
manninum sem í gær sagði af sér
þingmennsku. Þetta er fólkið sem
bar traust til Árna; traust sem hann
misnotaði með fjárdrætti sínum og
blygðunarlausum tilraunum til að
dylja slóðina. Það er von að vinir
Árna líti svo á að fjárdrátturinn
hafi verið afleiðing stundarbrjál-
æðis, eða einhverrar torkennilegr-
ar veirusýkingar, sem skyndilega
firrti vininn traustri dómgreind og
breytti honum í síbrotamann um
tveggja mánaða skeið.
Steingrímur Hermannsson hélt
spjaldskrá yfir nöfn bænda og búal-
iðs í Vestfjarðakjördæmi og fjós-
byggingar þeirra og fjárfelli til að
geta leikið hlutverk fjölskylduvin-
arins þegar hann kom í heimsókn
fyrir kosningar. Það var ekki svona
sem Árni vann hylli kjósenda sinna.
Hann var aldrei þaulsætinn í
þingsölum og það var vegna þess að
hann var á eilífu iði um kjördæmi
sitt og hitti sína umbjóðendur á
fjögurra vikna en ekki fjögurra ára
fresti. „Það þekkja allir Árna. Hann
er hress kall með stórt hjarta,“
sagði sunnlenskur trésmiður sem
ég talaði við í síma um daginn. Mér
er sagt að víða á Suðurlandi séu
myndir af Árna hafðar uppi á vegg
innan um ferminga- og brúðkaups-
J\áábnaniia
Pétur Cunnarsson
skrifar um mál Árna Johnsen
myndir barna, tengdabarna og
barnabarna. Aðrir stjórnmálamenn
eru bara nöfn, myndir og raddir í
fjölmiðlum, sem birtast skyndilega
og vandraeðalega þegar stóratburð-
ir verða. í hinum árlega fjárdrætti
sem fram fer við réttirnar á haustin
tóku hinir feimnislega undir meðan
Árni hélt uppi fjörinu og spilaði og
söng; nótulaust eins og ævinlega.
Það er þess vegna stór hópur
sem á um sárt að binda í máli Árna
og það fólk er ekki bara að leggja
mat á það sem Árni gerði heldur
líka eigin mannþekkingu. Við gæt-
um öll staðið í þeim sporum og höf-
um flest gert. Þá er sársaukaminnst
að leita skýringa sem firra mann
sjálfan ábyrgð og allir velviljaðir
menn hljóta í raun og veru að vona
að allt sé þetta bara einhverri ban-
settri veiru að kenna. Það kemur
kannski í ljós. En fyrst þarf að
skoða málið og draga alla þræði
þess fram í dagsljósið en ekki fela í
leynilegum lögregluskýrslum.
Meðan það ferli rennur sitt skeið
fer vel á því að þeir sem eiga um
sárt að binda haldi sig til hlés og
hafi ekki áhrif á atburðarásina. ■
tssssssMXpíJjmin'M

Dómstólar með lokaorðið
Vonum að Kárahnjúkamálið þurfi ekki að fara alla leið til dómsvalda,
segir Árni Finnsson. Leitum væntanlega réttar okkar ef þörf krefur,
segir Olöf Guðný Valdimarsdóttir. Dómstólar eiga fullnaðarmat um
nánast allar gerðir stjórnvalda, segir Gísli Tryggvason.
umhverfismat Eftir 5. september
nk. mun umhverfisráðherra hafa
um tvo mánuði til að fara yfir
hugsanlegar kærur vegna stjórn-
valdsúrskurðar Skipulagsstofnun-
ar á umhverfismati Kárahnjúka-
virkjunar og taka ákvörðun. Úr-
skurður ráðherra yrði þannig
birtur í byrjun nóvember. Hags-
munaaðilum, þ.e. náttúruverndar-
samtök eða framkvæmdaraðilar,
er í framhaldinu frjálst að leita til
dómstóla til að hnekkja úrskurði
ráðherra.
„Ég vona að málið þurfi ekki að
fara alla leið til dómstóla, að
stjórnvöld sjái að sér í tæka tíð,“
segir Ólöf Dagný Valdimarsdóttir,
formaður Landverndar, og tekur
fram að samtökin muni ekki sætta
sig við að vísindaleg rök skipu-
lagsstjóra verði lögð til hliðar.
Málið snúist að miklu leyti um þá
leynd sem verið hefur yfir raun-
verulegri arðsemi virkjunarinnar,
en án slíkra upplýsinga geti
Landsvirkjun ekki fært gild arð-
semisrök. Líta verði á það sem
eina af meginforsendum niður-
stöðunnar að þar sem nákvæmar
upplýsingar um stofnkostnað
virkjunarinnar og orkuverð til ál-
vers skorti sé ekki efni til að ályk-
ta að þjóðhagslegur ávinningur
vegi upp fórnarkostnað umhverf-
israsks.
Árni Finnsson, hjá Náttúru-
verndarsamtökum íslands, telur
að rökstuðningi Landsvirkjunar
um arðsemi virkjunarinnar hafi
alltaf verið ábótavant. „Fullyrð-
ing Landsvirkjunar var í skötulíki
og ekki rökstudd með neinum
hætti í skýrslunni, það var ein-
göngu huglægt mat skýrsluhöf-
undanna,“ segir Árni. Hann bend-
ir á að lögin um mat á umhverfis-
áhrifum séu byggð á tilskipun frá
Evrópusambandinu og þannig sé
það á grundvelli samræmdrar
evrópskra löggjafar sem um-
hverfismatinu hefur verið hafnað.
Aðspurður segist Árni þeirrar
skoðunar að komi málið á endan-
um til dómstóla ættu þeir að geta
fjallað efnislega um málið, ekki
aðeins formlega.
„Það er bæði hægt að hnekkja
úrskurði á formsatriðum og efnis-
atriðum,“ segir Gísli Tryggvason,
héraðsdómslögmaður, og tekur
fram að undanfarið hafi færst í
vöxt að dómstólar taki stjórn-
GÍSLI
TRYGGVASON
Dómstólar eiga
fullnustumat á
allar gerðir
stjórnvalda.
ÓLÖF DAGNÝ
VALDIMARS-
DÓTTIR
Erfitt fyrir ráð-
herra að leggja
vísindaleg rök til
hliðar.
valdsúrskurði efnislegum tökum.
Því betur sem úrskurðurinn sé
rökstuddur og því meiri sérfræði-
þekkingu sem þurfi því erfiðara
sé fyrir dómstólana er að hnekkja
slíkum úrskurði.
„Það er meginregla að dómstól-
ar eiga fullnaðarmat um nánast
allar gerðir stjórnvalda," segir
Gísli.
matti@frettabladid.is
ORÐRÉTT
n*
og það er þá gríðarmikil ákvörðun
sem ókjörnir fulltrúar þjóðarinnar
eru að taka á sínum kontór og mik-
ill má máttur þeirra vera.“
Davíð Oddsson
í kvöldfréttum RÚV, 1. ágúst.
„Eftir úrskurð Skipulagsstofnun-
ar nú og Samkeppnisráðs á síðasta
ári er a.m.k. alveg ljóst, að sú lög-
gjöf, sem þessar stofnanir byggj-
ast á virkar eins og Alþingi hefur
væntanlega ætlast til, því að eng-
inn getur haldið því fram nú, að
stofnanir á borð við þessar gangi
erinda þeirra stjórnmálamanna,
sem við völd eru hverju sinni.
Hins vegar er alveg ljóst, að
lögin um mat á umhverfisáhrifum
gera beinlínis ráð fyrir, að lokaá-
kvörðun sé í höndum ráðherra.
Það er eðlilegt, því að ráðherra
sækir umboð sitt til hins þjóð-
kjörna Alþingis.
Ráðherra sem gengur gegn ít-
arlega rökstuddum úrskurði
Skipulagsstofnunar verður að
hafa mjög sterk rök fyrir slíkri
ákvörðun."
Leiðari Morgunblaðsins, 2. ágúst.
„Mengunarverð Reyðaráls
verður ... 1-2 milljarðar króna á
hverju ári. Það er skatturinn, sem
Reyðarál þarf að bera, ef íslensk
stjórnvöld taka á sama hátt og
aðrar ríkisstjórnir á Veturlöndum
á kostnaði við nýja mengun stór-
fyrirtækja. Þótt Island fái ókeypis
mengunarkvóta við frágang
Kyoto-bókunarinnar, er ekkert,
sem segir að gefa eigi Reyðaráli
þennan kvóta. Sjávarútvegurinn
mun vafalaust telja sig standa
nær slíkri fyrirgreiðslu ríkis-
valdsins. Og bíleigendur telja sig
þegar borga miklu meira.
Hingað til hafa málsaðilar ekki
reiknað með að þurfa að borga
slíkar upphæðir. Þeir hafa verið
að leika sér með óraunhæfar tölur
um rekstrarkostnað Reyðaráls."
Jónas Kristjánsson
í leiðara DV. 2. ágúst.
„Ég get ekki sagt að
þessi úrskurður
Skipulagsstofnunar
komi mér sérstak-
lega mikið á óvart
eftir að hafa lesið
umfjöllun Náttúru-
verndar ríkisins,
Landgræðslu ríkisins og fleiri um
málið. Mér sýnist að það sé mjög
byggt á þeim urhsögnum."
Halldór Ásgrímsson
í Mbl., 2. ágúst.
„Úrskurður Skipu-
lagsstofnunar kem-
ur mér ekki endi-
lega á óvart að feng-
inni reynslu af sam-
skiptum við stofnan-
ir sem vinna að
skipulags- og nátt-
úruverndarmálum. “
Smári Geirsson,
Fjarðarbyggð. DV, 2. ágúst.
„Erró vill koma á
framfæri sérstökum
þökkum til Davíðs
Oddssonar, forsæt-
isráðherra, fyrir þá
hugulsemi að hring-
ja í eiginkonu hans
til að spyrja um líð-
an hans og bjóða fram aðstoð."
Úr yfirlýsingu
Túru Guðmundsson, dóttur Errós.
Erró er „úr lífshættu og líður vel"
eftir vélhjólaslys á Spáni.
Mbl. 2. ágúst.