Fréttablaðið - 09.11.2001, Blaðsíða 14
14
FRÉTTABLAÐIÐ
9. nóvember 2001 FÖSTUDAGUR
KNATTSPYRNA
Hvernig fer Stoke - Brentford?
„Eigum við ekki að segja að Stoke vinni
þennan leik en þetta verður baráttuleikur.
Stoke á eftir að vinna 2-1. „ ■
Sigursteinn Císlason, leikmaður KR og
fyrrum leikmaður Stoke
Kjörísbikar karla:
Þrjú lið
áfram
körfubolti Þrír leikir fóru fram í
átta liða úrslitum Kjörísbikars í
gærkvöldi. Keflavík lagði Breiða-
blik með 19 stigum og samtals 15
stigum í tveimur leikjum.
Tindastóll lagði Þór 85 - 75 en Þór
vann fyrri leikinn með 14 stigum
og komst áfram. KR vann Hauka
82-71 og fyrri leikinn líka. ■
f VÖRN
Luis Figo re mjög ósáttur við þá sem segja
að hann sé of feitur.
Luis Figo:
Ekki of feitur
knattspyrna í viðtali við spænsku
sjónvarpsstöðina Telemadrid
sendi Luis Figo, leikmaður Real
Madrid, þeim tóninn sem hafa
gagnrýnt hann fyrir að vera slöku
formi eða jafnvel of feitan.
„Þeir sem að segja að ég sé of
feitur ættu bara að spyrja lækni
liðsins hvað hann heldur," sagði
Figo. „Þetta er í fyrsta skiptið sem
ég er sakaður um þetta og það er
ekki eins og fólkið sem heldur
þessu fram borði með mér á
hverjum degi og viti nákvæmlega
hvað ég er þungur."
Figo hefur ekki þótt standa
undir væntingum það sem af er
þessu tímabili, en í fyrra lék hann
frábærlega. Hann sagði ástæð-
una vera þá að nú væri Zinedine
Zidane í sviðsljósinu og því væri
fólk ekki að fylgjast jafn náið
með sér. ■
Enska 2. deildin:
Islendingaslagur í ensku
KNATT5PYRNA íslendingaliðin Stoke
City og Brentford mætast á
Brittannia, heimavelli fyrrnefnda
liðsins, í ensku 2. deildinni, á
laugardaginn kemur og verður
leikurinn sýndur á Sýn klukkan
17.00.
Líklegt er að Brynjar Björn
Gunnarsson og Bjarni Guðjóns-
son verði í byrjunarliði Stoke og
þeir ívar Ingimarsson og Ólafur
Gottskálksson í byrjunarliði
Brentford. Ríkharður Daðason og
Stefán Þórðarson verða þó fjarri
góðu gamni en þeir eru báðir
meiddir.
Brentford situr á toppi deildar-
innar með 37 en Stoke situr í því
þriðja, með fjórum stigum minna.
Guðjón Þórðarson, stjóri
Stoke, á í miklum erfiðleikum en
auk Ríkharðs og Stefáns eru þeir
Peter Hoekstra, Mikael Hansson
og Karl Henry meiddir og James
O’Connor tekur út leikbann. Varn-
armaðurinn Wayne Thomas kem-
ur þó aftur inn í liðið eftir leik-
bann.
Steve Coppell, stjóri Brent-
ford, er himinlifandi með árangur
sinna manna og agann sem þeir
hafa tileinkað sér, en að hans sögn
gefast þeir ekki upp fyrr en dóm-
arinn hefur flautað leikinn af.
Hann telur að með slíku viðhorfi
geti Brentford sigrað.
„Ég er ánægður að stjórna
mönnum sem fara eftir mínum
fyrirmælum," var haft eftir Copp-
ell.
„Við lentum undir á móti
Blackpool en við sýndum að við
gefumst ekki upp fyrr en í fulla
hnefana."
Coppell biður samt leikmenn
sína að halda sig á jörðinni.
„Við höfum unnið heimaleiki
sem við hefðum auðveldlega get-
að tapað. En hvort sem við sigrum
eða töpum þá verðum við að hafa
trú á okkur.“ ■
BRYNJAR BJÖRN
Líklegur í byrjunarliðið, sem og
Bjarni Guðjónsson.
Sögulegur árangur Ekvador
Áhugamenn leika með Tiger Woods:
Holan kostar 8 milljónir króna
golf Tiger Woods, sem af mörgum
er talinn fremsti kylfingur heims,
mun þéna tæpa 6 milljónir doll-
ara, eða 600 milljónir íslenskra
króna, fyrir að leika 72 holur á
með áhugamönnum. Golfklúbbur-
inn Mission Hill stendur fyrir
uppátækinu, sem fer fram í Kína
og verður þetta í fyrsta sinn sem
Woods spilar þar í landi. Hver
áhugamaður mun borga 80.000
dollara, fyrir hverja holu sem þeir
spila, sem er um 8 milljónir ís-
lenskra króna, en þeir eru 72 tals-
ins og koma frá Singapore, Kína,
Hong Kong og Tævan.
Skipuleggjendur segja að
áhuginn fyrir mótinu sé mikill og
margir tilbúnir að greiða fyrir að
sjá kappann slá en miðinn fyrir
áhorfendur kostar um 8.700,-
krónur.
Woods er sá kylfingur sem þén-
ar hvað mest á íþróttinni og er
hann einn eftirsóttasti andstæð-
ingurinn, en á síðasta ári borgaði
ónafngreindur maður 1.1 milljón
punda, rúmar 140 milljónir ís-
lenskra, fyrir að spila við hann
heilan hring. Það fé rann til góð-
gerðarmála.
Fyrir tveimur árum náði
Woods efsta sæti PGA peninga-
listans og vann sér inn um 900
milljónir íslenskra króna en For-
bes tímaritið telur að hann þéni
fimmfalt meira, á auglýsingatekj-
um og öðru. ■
TIGER WOODS
Er fjárhagslega vel staddur en hann faer
um 600 milljónir fyrir 72 holur sem hann
spilar við áhugamenn frá Aslu.
Línur eru farnar að skýrast í Suður-Ameríkuriðlinum fyrir undankeppni HM 2002. Þrjú lið hafa
þegar tryggt sér sæti en Brasilíumenn töpuðu fyrir Bólivíu og þurfa að sigra í síðasta leiknum til
að tryggja sig áfram.
knattspyrna Ekvador verður í fyrs-
ta skiptið í sögunni þátttakandi í
lokakeppni Heimsmeistarakeppn-
innar. Liðið tryggði sér sætið í
keppninni, sem verður haldin í Jap-
an og Suður-Kóreu á næsta ári, með
því að gera 1-1 jafntefli við Úrugvæ
á heimavelli í fyrradag. Brasilíska
liðinu mistókst hins vegar að trygg-
ja sér sæti í keppninni því það tap-
aði 3-1 fyrir Bólivíu á útivelli.
Brasilía þarf nú að sigra Venezuela
í síðasta leiknum til þess að vera ör-
uggt áfram.
Atahualpa völlurinn í Quito var
fullsetinn þremur tímum áður en
leikur Ekvador og Úrugvæ hófst.
Gífurleg eftirvænting ríkti enda
vissu heimamenn að jafntefli
myndi duga þeim til að komast
áfram. Nicolas Olivera kom Úrug-
væ yfir með marki úr vítaspyrnu í
fyrri hálfleik og var það gegn gangi
leiksins. Ivan Kaviedes jafnaði
metin í síðari hálfleik. Gífurleg
fagnaðarlæti brutust út á Atahu-
alpa vellinum eftir að dómarinn
flautaði leikinn af og ljóst var að
Ekvador hafði tryggt sér sæti í
lokakeppni HM.
Brasilía hafði hins vegar enga
ástæðu til að fagna þegar dómarinn
flautaði af í La Paz í Bólivíu, enda
niðurstaðan 3-1 tap. Brasilía komst
reyndar yfir í leiknum með marki
frá Edilson á 26. mínútu, en tvö
mörk frá Julio Cesar Baldivieso og
eitt frá Lider Paz tryggði Bólivíu
sigur í leiknum.
Fjögur lið úr Suður-Ameríkuriðl-
inum fara beint í lokakeppni HM,
en liðið í fimmta sæti leikur gegn
Áströlum um eitt laust sæti.
Argentína, Paragvæ og Ekvador
hafa þegar tryggt sér sæti, en þrjú
lið eiga enn möguleika á að ná
fjórða sætinu. Brasilía er í fjórða
GLEÐI
Mikil gleði var I Atahualpa vellinum í Quito
eftir að Ekvador hafði tryggt sér sæti í
lokakeppni HM 2002.
sæti með 27 stig. Úrugvæ er í
fimmta sæti með 26 stig og Kól-
umbía í sjötta sæti með 24 stig. Úr-
úgvæ mætir Argentínu á heimavelli
í síðustu umferðinni og Kólumbía
leikur gegn Paragvæ á útivelli. ■
„Stand up“
með Sigurjóni Kjartanssyni
í kvöld, föstudagskvöld
Hunangíkvöid
REY
Vesturgötu 2, sími 5518900