Fréttablaðið - 14.11.2001, Side 2

FRÉTTABLAÐIÐ
KJÖRKASSINN
RÉTTMÆT HÓTUN
Boðaðar verkfallsað-
gerðir, sem flugum-
ferðastjórar aflýstu í
fyrrakvöld, virðast hafa
átt lítilli samúð að
mæta meðal kjósenda
á visi.is.
Var rétt að hóta lögum
á verkfall flugumferðarstjóra?
Niðurstöður gærdagsins
á www.visir.is
l’IM .... 16 %
Spurning dagsins í dag:
Finnst þér gagnrýni sjálfstæðismanna
á fjármögnun og rekstur Línu.Net eiga
við rök að styðjast?
Farðu inn á vísi.is og segðu
þína skoðun ___
_______
Sjúkraliðadeilan:
Viðræður
stranda á
launalið
kjarapeila Fundi sjúkraliða og
samninganefndar ríkisins sem
hófst klukkan tvö í gærdag hjá
ríkissáttasemjara lauk á fimmta
tímanum í gærdag. Að sögn Þóris
Einarssonar ríkissáttasemjara
þokaðist lítið í samningsátt og
hefur nýr fundur verið boðaður
klukkan 14 á fimmtudag. Stuttur
fundur var í gær milli sjúkraliða
og launanefndar sveitarfélaga og
hefur nýr fundur verið boðaður á
miðvikudag í næstu viku. Að sögn
Kristínar Á. Guðmundsdóttur,
formanns Sjúkraliðafélags ís-
lands, strönduðuð viðræður á
launalið kjarasamningsins og var
ákveðið að fresta fundi fram á
fimmtudag af þeim sökum. Krist-
ín sagði að viðræður gengju ágæt-
lega og að aðrir þættir samnings-
ins væru farnir að skýrast. Hún
sagði að enn ætti eftir að ræða
nánar hugsanlega prósentuhækk-
un launa og að viðræðurnar nú
snerust fyrst og fremst um út-
færslu á launalið. Þriggja daga
verkfalli sjúkraliða lýkur á mið-
nætti í kvöld og er annað verkfall
boðað að tólf dögum liðnum. ■
—♦—
Ægir dró Núp BA á flot:
Skipið
komið til
hafnar
skipsstranp Búið er að bjarga
línubátinum Núpi BA, sem strand-
aði við Vatneyri á laugardags-
morgun, frá strandstað. Varðskip-
ið Ægir dró skipið á flot og áleiðis
til Patreksfjarðar en búið var að
þétta vel flest göt á kili þess. Dæl-
ur um borð sáu um að dæla sjó frá
borði. Að sögn lögreglunnar á Pat-
reksfirði gekk sjóferðin vel og
kom skipið til hafnar upp úr
klukkan sjö í gærkvöldi. ■
[lögreclufréttirI
veimur erlendum ferðamönn-
um var komið til bjargar á
Kaldárdalsheiði um hálf sex
leytið í gærdag. Fólkið hafði far-
ið á Uxahryggi og Kaldárdal á
fólksbifreið en að sögn lögregl-
unnar á Selfossi er umferðar-
merki á svæðinu sem segir til
um það að vegurinn sé lokaður
fyrir umferð. Ferðamennirnir,
kona og karlmaður, náðu að
koma sér í skjól í neyðarskýli og
gera vart við sig í gegnum
neyðartalstöð sem þar var að
finna. Til aðstoðar var síðan
send björgunarsveitin Tintron
frá Grímsnesi. Að sögn lögreglu
amaði ekkert að fólkinu þegar
björgunarsveitarmenn náðu til
þeirra en það var orðið kalt og
hrakið. Ferðamönnunum var síð-
an komið til byggða og einnig
bifreiðinni sem þeir var á. ■
2
14. nóvember 2001 MIÐVIKUDAGUR
Erient vinnuafl:
Fyrirtækið hefur
brotið af sér áður
utanpagskrárumræpa Fyrirtækið
sem staðið var að því fyrir helgi
að ráða níu Litháa til starfa án at-
vinnuleyfis hefur áður verið stað-
ið að því að ráða útlendinga til
vinnu án þess að sækja um at-
vinnuleyfi fyrir þá. Þetta kom
fram í máli Páls Péturssonar fé-
lagsmálaráðherra í utandag-
skrárumræðum á Alþingi í gær
um erlent vinnuafl.
„Við þekkjum auðvitað dæmi
þess að fólk sé flutt inn sem ferða-
menn og vinni því hérna neðan-
jarðar við ömurlegar aðstæður"
sagði Guðrún Ögmundsdóttir sem
hóf umræðurnar. Hún lýsti efa-
semdum um ágæti núverandi fyr-
irkomulags við veitingu vinnu-
leyfa og spurði: „Erum við kanns-
ki að komast að þeim tímamótum
að atvinnuleyfin eigi ekki að vera
í höndum vinnuveitenda sjálfra
og þar af leiðandi vinnuafl í forsjá
hans heldur skoða hugmyndir um
miðlæga vinnumiðlun hérlendis í
nánu samstarfi við vinnumiðlanir
í öðrum löndum."
GUÐRÚN ÖGMUNDSDÓTTIR
Lýsti áhyggjum af því að islendingar nýttu sér fátækt og neyð útlendinga.
Páll Pétursson félagsmálaráð-
herra sagði málið sæta opinberri
meðferð og ekki vera á forræði
félagsmálaráðuneytisins. Hann
sagði þó að ef um refsivert athæfi
væri að ræða bæri að taka á því af
fullri hörku. Sagðist hann hafa
beðið Vinnumálastofnun og ASÍ
um að vakta hvort grunur væri
um leyfislausa starfsmenn. ■
Orkuveitcin eykur
hlut sinn í Línu.neti
I gær var samþykkt bæði í stjórn Orkuveitu Reykjavíkur og í borgarráði að Orkuveitan nýtti sér
forkaupsrétt á hlutabréfum í fjarskiptafyrirtækinu Línu.neti. Kaupin hljóða upp á 450 milljónir
en nafnvirði hlutarins er 150 milljónir.
viðskipti Stjórn Orkuveitu Reykja-
víkur samþykkti í gærmorgun að
kaupa hlutafé í Línu.neti fyrir 450
milljónir króna og nýta þar með
forkaupsrétt sinn. Hluturinn er að
nafnvirði 150 milljónir en er
A keyptur á genginu
3. Alls á að bjóða út
350 milljónir að
nafnvirði í
Línu.neti, en kaup-
in voru einnig sam-
þykkt í borgarráði
í gær. Fulltrúar
Sjálfstæðisflokks í
stjórn Orkuveit-
unnar greiddu at-
kvæði gegn kaup-
unum og færðu
mótmæli til
bókunnar þar sem
þeir segja rekstr-
arstöðu Línu.nets
Fulltrúar R-
lista segja
málflutning
sjálfstæðis-
manna vill-
andi og ruglað
saman skuld-
um og eign-
um Tetralínu
ehf. við fjár-
festingar
Orkuveitunnar
í Línu.neti.
—♦—
mjög bágborna, með skuldir upp á
tæpa 2 milljarða og veltufjárhlut-
fall upp á 0,34. Þá sögðu þeir áætl-
anir um viðsnúning í rekstrinum
lítið sem ekkert
rökstuddar og for:
sendur ótryggar. í
mótbókun fulltrúa
R-lista segir að
málflutningur
sjálfstæðismanna
sé villandi og rugl-
að saman skuldum
og eignum Tetra-
línu ehf. við fjár-
festingar Orku-
veitunnar í
Línu.neti.
„Nú er gengið
allt í einu orðið 3
og það veit enginn
af hverju það er,“
sagði Vilhjálmur
Þ. Vilhjálmsson,
borgarfulltrúi sjálfstæðismanna,
en hann á sæti í stjórn Orkuveit-
unnar. „Það er einhver sem býr til
VILHJÁLMUR Þ.
VILHJÁLMSSON
Vilhjálmur vildi
árétta að hann
væri alls ekki
mótfallinn sölu
Perlunnar, en vildi
hins vegar ekki
taka þátt i sýndar-
mennsku ætlaða
til að slá ryki í
augu fólks.
ORKUVEITA REYKJAVÍKUR
Stjórn Orkuveitunnar samþykkti í gærmorgun að nýta sér forkaupsrétt að hlutabréfum í Línu.neti og voru kaupin svo samþykkt í Borgar-
stjórn síðar um daginn.
þetta gengi á skrifstofu Orkuveit-
unnar," sagði hann og taldi for-
svarsmenn R-lista reyna að slá
ryki í augu fólks þegar kæmi að
málefnum Línu.nets. „Kjarni
málsins er gríðarlegur rekstrar-
vandi fyrirtækisins," sagði hann.
Alfreð Þorsteinsson, borgar-
fulltrúi og stjórnarformaður
Orkuveitunnar og Línu.nets,
segir útboðið vera hluta af loka-
fjármögnun fyrirtækisins.
„Fjárþörf Línu.nets er 6 til 700
milljónir og þess vegna er farið í
þetta útboð. Við erum bara að
ljúka fjármögnuninni," sagði
hann og bætti við að eftir ætti að
koma í ljós hvort aðrir hluthafar
í fyrirtækinu nýttu sér einnig
forkaupsrétt sinn. „Síðan er
náttúrulega verið að vinna líka í
lánamálum. Ég er mjög bjart-
sýnn núna að okkur takist að
ljúka þessari fjármögnun þannig
að Lína.net geti farið að snúa sér
að rekstrinum og að því að selja
meira.“ Alfreð segir gengið
ákvörðunaratriði hverju sinni.
„Þetta er sama gengi og starfs-
menn keyptu upphaflega á, þan-
nig að ekki er farið niður fyrir
það,“ bætti hann við.
oli@frettabladid.is
Flugumferðarstjórar:
Verður að endurskoða verkfallsréttinn
kjaradeila Sturla Böðvarsson,
samgönguráðheri’a segir að end-
urskoða verði verkfallsrétt flug-
umferðarstjóra enda sé ekki upp á
það bjóðandi fyrir flugumferðar-
stjórn á svæðinu og þá samninga
sem íslensk flugmálayfirvöld
hafa gert við Alþjóða flugmála-
stofnunina aó flugumferðarstjór-
ar geti farið í verkfall með
skömmum fyrirvara og valdið
miklum skaða. Hann segir þó ekki
ljóst hvað eigi að koma í staðinn
en segir að menn verði að fara
yfir það í sameiningu.
Sturla segir að ekki sé nokkur
vafi á því að ísland hefði orðið
fyrir miklum álitshnekki gagn-
vart Alþjóða flugmálastjórninni
hefði flugumferð raskast vegna
verkfalls flugumferðarstjóra.
„Það er mikil ábyrgð sem við tök-
um á okkur með því að stjórna
flugi yfir þessu stóra hafsvæði.
Við verðum að standa undir þess-
ari ábyrgð." Nokkuð hefur verið
rætt um hvort stéttarfélög séu of
gjörn á að boða verkfall og segir
Sturla að það verði að meta hver-
ju sinni. „Það er alveg ljóst að ef
flugumferðarstjórar hefðu skellt
á verkfalli hefðu þeir metið stöð-
una mjög ranglega miðað við þær
aðstæður sem nú eru og sýnt að
verkfallsvopninu er stundum
beitt óhóflega."
Flugumferðarstjórar aflýstu
boðuðu verkfalli sínu í fyrrakvöld
eftir að þeir höfðu átt fund með
forsætisráðherra þar sem hann
boðaði að þeir yrðu sviptir verk-
fallsrétti varanlega féllu þeir ekki
frá verkfalli. ■
STURLA BÖÐVARSSON
Það varð að taka fast og
ákveðið á málinu. Stjórnin
sammála um að verkfall væri
óásættanlegt.

mk.'k Vit %