Fréttablaðið - 14.11.2001, Qupperneq 8

8
FRÉTTABLAÐIÐ
14. nóvember 2001 MIÐVIKUDAGUR
Mannanafnanefnd
fellir úrskurð:
Christine og
Niels hafnað
fólk Mannanafnanefnd hefur
hafnað nöfnunum Christine og
Niels á þeim grundvelli að þau
teljist ekki rituð í samræmi við al-
mennar ritreglur íslensks máls og
að ekki teljist vera hefð fyrir slík-
um rithætti.
Nöfnin Jóndór, Marthen og
Annía fengu hins vegar náð fyrir
augum nefndarmanna og verða
færð á mannanafnaskrá.
Viðkomandi fund mannanafna-
nefndar sátu formaðurinn Andri
Árnason ásamt Guðrúnu Kvaran
og Margréti Jónsdóttur. ■
FLUGMÁLASTJÓRN
Flugmálastjórn fær aukin úrræði til að fylg-
ja eftir niðurstöðum eftirlits hennar.
Loftferðalög:
Eftirlitsvald
og úrræði
Flugmála-
stjórnar
aukin
alþingi „Efni þessa frumvarps
sem hér er til umræðu er víðtækt
en hefur það meginmarkmið að
auka flugöryggi og flugvernd og
tryggja að Flugmálastjórn hafi
yfir að ráða nauðsynlegum úrræð-
um til að eftirlit hennar beri til-
ætlaðan árangur", sagði Sturla
Böðvarsson samgönguráðherra
þegar hann mælti fyrir frumvarpi
um breytingar á flugferðarlögum
á Alþingi í gær.
Sturla sagði helstu nýmælin í
nýju lögunum vera þau að eftir-
litsvald Flugmálastjórnar væri
aukið frá því sem nú er og aukið
við úrræði stofnunarinnar við að
knýja fram ákvarðanir í flugör-
yggismálum. Þar mætti nefna að
Flugmálastjórn fengi vald til að
leggja á dagsektir og féheimildir
á eftirlitsskylda aðila í líkingu við
heimildir Samkeppnisstofnunar
og Fjármálaeftirlits. Þá væru
flugvellir og flugstöðvar gerðir
leyfisskyldir og féllu undir eftirlit
Flugmálastofnunar. ■
—♦—
Fastanefnd ESB
opnar vef:
Á að
tryggja flæði
upplýsinga
vlfurinn „Þetta er þjónusta sem
Evrópusambandið veitir íslend-
ingum í upplýsingaleit um mál-
efni ESB“, segir Eiríkur Berg-
mann Einarsson, upplýsingafull-
trúi fastanefndar framkvæmda-
stjórnar Evrópusambandsins til
Noregs og íslands um vef sem
settur hefur verið upp á íslensku
og er hugsaður sem þungamiðja í
upplýsingaveitu fastanefndarinn-
ar á íslensku. „Þetta er gert til
þess að tryggja upplýsingaflæði
til íslendinga um stofnanir ESB
og það sem er að gerast á vett-
vangi Evrópusambandsins enda
er Island eitt nánasta samstarfs-
land Evrópusambandsins.“ ■
265 lík fundin á slysstað í New York:
Engar vísbendingar
um skemmdarverk
new york. ap Eftir að hafa hlustað
á hljóðupptökur úr stjórnklefa
Airbus A300 flugvélarinnar sem
fórst í New York á mánudaginn,
telja öryggismálayfirvöld í
Bandaríkjunum mestar líkur á því
að um hörmulegt slys hafi verið
að ræða.
„Þarna eru engin aukahljóð eða
athafnir sem við teldum ekki
tengdar eðlilegu flugumhverfi,"
segir George Black, sem hefur
með rannsónk slyssins að gera.
Hins vegar bætti hann því við að
þau gögn, sem rannsakendur hafa
í höndum sínum, útiloki heldur
ekki skemmdarverk. „Við ætlum
ekki að útiloka þann möguleika
fyrr en rannsóknin er komin
miklu lengra áleiðis en þetta, en
sem stendur eru engar vísbend-
ingar um það,“ sagði hann.
Flest bendir til að um vélarbil-
un hafi verið að ræða í vinstri
hreyfli þotunnar, en stutt er síðan
hann var yfirfarinn. Hreyflar af
gerðinni CF6-80C2, sem m.a. eru
notaðar í Airbus A300 flugvélarn-
ar, hafa átt til að bila og jafnvel
springa og hefur athygli beinst
SORG í NEW YORK
Allt að 269 manns gætu hafa farist í flugslysinu í Queens hverfi í New York. 251 farþegi
var um borð í vélinni, niu manns voru í áhöfn og níu manns er saknað á jörðu niðri. 265
lík hafa nú þegar fundist á slysstað.
sérstaklega að þeim frá því vorið leðingum. Þess má geta að sams
2000. Stundum hafa málmhlutir konar hreyflar eru í einkaþotu
þeyst úr þeim með alvarlegum af- Bandaríkjaforseta. ■
Frumvarp samgönguráð-
herra:
Sumt orkar
tvímælis
loftferðalög „Samgönguráð-
herra stígur þarna skref sem
hann ætlar að auki flugöryggi og
við skulum vona að svo sé“, seg-
ir Friðrik Þór Guðmundsson,
sem ásamt öðrum hefur gagn-
rýnt fyrirkomulag flugöryggis-
mála í kjölfar Skerjafjarðar-
slyssins, um lagafrumvarp sam-
gönguráðherra um loftferðalög.
„Sumt orkar þó tvímælis. T.d. er
ástæða til að hafa áhyggjur af
ákvæðinu um sviptingarúrræði.
Það sem þarf er ekki þyngri
vöndur heldur sanngjarnt og
stöðugt eftirlit.“ ■
—♦—
Endurskoðun jöfnunar-
sjóðs sveitarfélaga:
Styttist
í tillögur
STJórnsýsla Magnús Stefánsson
segir að nefnd um endurskoðun á
lögum um jöfnunarsjóð sveitar-
félaga sem hann veitir forystu
stefni að því að leggja fram
reglugerðarbreytingar um starf-
semi sjóðsins í desember n.k.
Hann segir að lagabreytingar
sem nefndin kunni að leggja til
verði lagðar fram í janúar að
loknu jólahléi þingsins. Upphaf-
lega var stefnt að því að nefndin
skilaði af sér í september en
starfið hefur dregist af ýmsum
ástæðum. ■
Einungis gerðar
bráðaaðgerðir
Á venjulegum haustmánuði eru gerðar um 1000 aðgerðir á skurðstofum
Landspítalans. Á þessu hausti ganga skurðstofurnar hins vegar á hálf-
um afköstum vegna verkfalls sjúkraliða þannig að einungis er hægt að
gera um 500 aðgerðir á mánuði. Þetta þýðir að eingöngu eru gerðar
bráðaaðgerðir og biðlistarnir lengjast á meðan.
VERKFALL SJÚKRALIÐA Verkfall
sjúkraliða hefur gríðarleg áhrif á
afköst á skurðdeildum Landspít-
ala háskólasjúkrahúss. í venju-
legu ári er gangur aðgerða þannig
að segja má að deildirnar gangi á
100% afköstum átta mánuði á ári,
þ.e. frá upphafi árs til maíloka að
undanskildum tveimur vikum
kringum páska þar sem afköst
fara niður í 50%.
Yfir sumarmánuð-
ina þrjá fara af-
köstin aftur niður í
50% og einnig frá
miðjum desember
fram til áramóta.
í venjulegu
verkfallalausu ári
er heildarfjöldi að-
gerða yfir árið um 10.000 þannig
að í hverjum mánuði á fullum af-
köstum eru gerðar um 1000 að-
gerðir á mánuði. Jónas Magnús-
son prófessor á LSH segir sjúkra-
liðaverkfallið setja verulega strik
í reikninginn. „Við erum á 50 til 60
prósent afköstum núna meira og
minna allt haustið," segir hann.
„Og þetta er einmitt framleiðslu-
tíminn. Hver skurðstofa kostar 30
til 40 milljónir og allt annað fólk
er í vinnu. Þetta bitnar náttúru-
lega allt á sjúklingunum," segir
Jónas. „Bráðaaðgerðirnar eru
alltaf gerðar en biðlistaaðgerðirn-
ar fara allar út.“ Jónas segir eðli-
legt að biðlistar lengist á sumrin
en séu svo teknir niður er haustar.
Nú sé staðan hins vegar þannig að
þeir haldi áfram að lengjast. „Við
erum núna með eitthvað í kring-
um 400 liðskipti sem bíða,“ nefnir
Jónas sem dæmi.
„Það er ekki mikil reisn yfir
rekstrinum hvað varðar biðlista-
•—♦—‘
„Það er ekki
mikil reisn yfir
rekstrinum
hvað varðar
biðlistaað-
gerðir."
—♦—
HÆGT AÐ EYÐA BIÐLISTUM
Jónas Magnússon prófessor á Landspítalanum háskólasjúkrahúsi segir að hægt væri að
klára alla biðlista á stuttum tíma ef sjúkrahúsin hefðu nægilegt rekstrarfé.
aðgerðir eða valþjónustu, sem við
köllum. Hún lætur alltaf í minni
pokann fyrir bráðatilfellunum,"
segir Jónas því ef ekki vanti
sjúkraliða þá vanti kannski hjúkr-
unarfræðinga. „Fólkið sem getur
beðið fær þá bara að bíða.“
Jónas segir sjúkrahúsið hafa
aðstöðu til að klára biðlistana á til-
tölulega stuttum tíma ef hægt
væri að nýta skurðstofurnar að
fullu. „Það er sorglegast við þetta.
Við gætum tekið biðlistana niður
um 50 til 60 % á einu ári og suma
gætum við alveg látið hverfa. Ef
við ynnum að fullum krafti í þeim
skurðstofum sem eru til þá tæki
okkur svona eitt og hálft ár að
eyða öllum biðlistum."
steinunn@frettabladid.is
Verðbólguspár greiningardeilda:
SPRON les rétt
í framtíðina
fjármál Það hefur vakið athygli
að spá viðskiptastofu SPRON um
verðbólguþróun milli mánaða
hefur reynst rétt fyrir fjóra af
síðustu fimm mánuðum. Á sama
tíma hafa spár stærri greiningar-
deilda Búnaðarbankans, Lands-
bankans og íslandsbanka oftar
ekki reynst víðs fjarri réttri nið-
urstöðu. Viðskiptastofa SPRON
var t.a.m. ein um. aðu spá 0,4%
hækkun neysluverðsvísítöltr á
milli október og nóvember. Aðrar
greiningardeildir voru bjartsýn-
ari og spáðu á bilinu 0-0,20%
hækkun. Aðeins í ágúst þegar
lottóverðbólgan svonefnda kom
flestum í opna skjöldu var Lands-
bankinn nær réttri niðurstöðu.
„Við leggjum okkur fram í
hverjum mánuði en berum okkur
ekki sérstaklega saman við spár
annarra í þessu efni,“ segir Arn-
ar Bjarnason, framkvæmdastjóri
SPRON
Viðskiptastofa SPRON er ekki stærsta
greiningardeildin, en hefur samt oftast rétt
fyrir sér.
Viðskiptastofu SPRON. Hann
nefnir meðal annars viðskipta-
vakt sparisjóðsins með húsbréf-
um sem ástæðu þess að mikil-
vægt sé vanda til spádóma um
verðbólguþróun.
Ölvaður ökumaðu^L
Mjóddinni:
Okutan
í fjóra bíla
lögreglumál Ölvaðui' ökumaður
ók utan í þrjá bíla í Mjóddinni um
fjögurleytið í gærdag. Vegfarend-
ur reyndu að stöðva för konunnar
sem er á fimmtugsaldri en tókst
ekki. Hún ók þá sem leið lá eftir
Reykjanesbraut og aftan á kyrr-
stæðan bíl á rauðu ljósi við Álfa-
bakka. Farþegar í bílnum, sem
konan ók á, kvörtuðu undan
eymslum í hálsi og baki. Konuna
sakaði ekki og var hún flutt í
fangageymslur. ■