Lögberg - 30.07.1959, Blaðsíða 6

6
LÖGBERG, FIMMTUDAGINN 30. JÚLÍ 1959
GUÐRÚN FRA LUNDI:
ÞAR SEM
BRIMALDAN
BROTNAR
„Það vænti ég, að Pála mín hafi komið hingað
í dag“, sagði hann við konu sína. „En mér finnst
hún hefði getað hreinsað bakkann betur. Það er
óþrifalegt að láta fiskinn ofan í þessa slógkös".
Þá varð kona hans önug í svari við hann, þó að
slíkt væri óvanalegt. „Hún sagði eins og satt er,
að þetta þyrfti að fara í þróna, og varla hefurðu
þá ætlazt til þess, að hún færi að flytja það á
sjálfri sér þangað“.
„Hún er nú ekki svo ókunug hérna og hefur
líklega vitað, að klárarnir væru ekki langt í burtu.
Stína hefði sjálfsagt getað náð í einn þeirra og
þær svo komið slóginu í þróna“.
„Hún hefur nú líklega þurft að fara heim og
hugsa um heimilið“. sagði Þórey.
„Þetta þá stóra heimili“, hnusaði í honum. „Ég
gæti nú trúað að hún þyrfti ekki mjög langan tíma
til að koma þeim verkum af“.
Þá hló Gunnar kuldahlátur.
„Kannske þú sendir eftir henni í hvert skipti,
sem þér finnst þú hafa þörf fyrir verkin hennar,
alveg eins og Hallur sendir eftir Grími, ef hann
þarf hans með“, sagði hann háðslega.
„Það kemur þér sjálfsagt lítið við“, hreytti faðir
hans til hans. „Þér finnst það kannske ofgert, þó
að hún tæki af mér handtak fyrir rollurnar, sem
hafa verið fóðraðar hérna í mörg undanfarin ár“.
„Þær fara sjálfsagt að létta á fóðrunum hjá þér“,
sagði Gunnar.
Pálína kom austur að Látravík á hverjum
morgni og gerði að aflanum, meðan þess þurfti.
En hún var alltaf farin, þegar komið var að, og
sá því aldrei karlmennina. Svo fór aflinn að
tregðast og loks komu ógæftir og hásetarnir fóru
heim. Haustánnir byrjuðu fyrir alvöru. Það var
farið að bera á túnin og slátra til heimilisins.
Feðgarnir frá Látravík fóru að smala fénu úr
heiðinni. Þá varð ekki komizt hjá því að koma
að Hvanná, þar sem féð gekk saman. Hallur
fylgdist með þeim, þó að hann hefði gjarnan
viljað vera laus við það. Pálína kom út á hlaðið,
þegar þeir voru komnir af baki, rjóð og brosandi.
Hún heilsaði karli fóstra sínum með kossi og sagði
Gunnari að koma blessuðum og sælum. Þeir
þökkuðu henni báðir fyrir hjálpina við fiskinn.
Hallur stóð álengdar, en færði sig þó nær og rétti
henni hendina með miklum yfirlætissvip. Hann
fann varla, að hún snerti hendi hans og efaðist
um, að hún hefði tekið undir kveðjuna. Það var
orðið langt síðan þau höfðu sézt, ekki síðan í
Selinu fyrir þrem árum. Hvorugt hafði ljúfar
endurminningar um þann fund. Honum fannst
henni hafa farið mikið fram síðan. Hún var orðin
bráðmyndarleg stúlka, og ekki vantaði að kaffið
kæmi fljótlega á borðið með nógu og góðu kaffi-
brauði. Myndarlegra hefði það ekki orðið hjá
hinni skólagengnu húsmóður í Látravík, hugsaði
Hallur. Hann efaði, að kona sín hefði nokkurn
ávinning, ef þær sætu hlið vði hlið. Pálína hafði
röskar, fallegar hreyfingar og nettan vöxt. Það
hafði kona hans aldrei haft. Hún varð aldurslegri
með hverju árinu sem leið. — Hallur heyrði, að
hún kallaði til Gríms innan úr baðstofunni, þegar
hann var frammi í bæjardyrunum: „Þú reynir að
koma Sigga litla svo snemma af stað, að hann
lendi ekki í svarta myrkri með kindurnar".
„Ég verð honum samferða", svaraði Grímur.
„Það lítur ekki út fyrir sjóveður á morgun“.
„Nú, þá er allt í lagi“, sagði Pálína. „Ég hélt, að
það þyrfti kannske að slátra kind eða kálfi í
Látravík, og að þú þyrftir að vera viðstaddur eins
og vanalega".
Viljandi hafði hún látið Hall hlusta á, að hún
væri að hæðast að þessari sjálfsögðu þénustu
Gríms við Hall, að slátra fyrir hann hverri skepnu
fyrir utan margt annað, sem hann var kallaður
til að gera. Það þykknaði í Halli, og hann hugsaði
sér að láta Grím vera lausan við bónakvabb fyrst
um sinn. Það lenti á nágrönnunum á Stekknum
að hjálpa til við heimaslátrunina, og veturinn leið
án þess að Grímur væri beðinn að moka undan
grindunum eins og vanalega. Grímur saknaði
þess ekki. Fannst aðeins sem vináttan milli bæj-
anna væri farin að kólna, fyrst hann losnaði við
þessa snúninga, sem aldrei var þó minnst á að
borga fyrir. Hann gerði sér eitthvað til erindis
austur eftir, en mætti þar sömu hlýjunni og vant
var. En þegar Maríanna sat ein á tali við hann,
fór hún alltaf að tala um Pálínu.
„Er hún ekki heldur kaldranaleg við þig
stundum. Þetta er hörkutól“.
„Nei, hún er fyrirmyndar ráðskona, dugleg og
þrifin“, sagði Grímur.
„Læturðu hana sofa inni í hjónahúsinu hjá þér?“
spurði hún og skellihló.
Og Grímur hló líka. „Nei, hún sefur fyrir framan
hjá Jórunni“.
„Þú hleypir henni aldrei inn fyrir stafinn. Láttu
hana heldur fara með vorinu. Ég skal útvega þér
aðra að sunnan, Grímur minn. Pálína er ekki
konuefni við þitt hæfi“, sagði Maríanna.
„Ég kæri mig ekki um skipti“, sagði hann
hlæjandi. „Ég þekki Pálínu vel, en þær sunnlenzku
leizt mér aldrei á. Þær voru beztar í aðgerðinni".
„Hún þykir nú víst vel fær við það starf, eða
svo heyrist mér á tengdaföður mínum. En þú
þarft ekki á því að halda. Láttu hana fara, ég ræð
þér ekki nema það, sem þér er fyrir beztu. Ef ég
fæ enga að sunnan, skal ég heldur láta þig hafa
Helgu, þó að ég megi varla missa hana“, sagði
Maríanna.
Þá skellihló Grímur. „Láttu þér ekki detta í hug,
að ég vildi hafa eins hræðilega leiðinlega stúlku
og hana hjá mér. Ef þú útvegar mér ekki kven-
mann, sem er með sæmilegri skynsemi og lítur
vel út í sjón, máttu hafa hana sjálf“.
Seint á góu spurði hann Maríönnu, hvort hún
væri búin að útvega sér ráðskonuefnið.
til íslendinga í tilefni af 70
þjóðminningardegi þeirra
ó Gimli, Man., 3. ágúst 1959
BUILDING MECHANICS
L I M I T E D
636 SARGENT AVENUE
GENERAL CONTRACTORS
PAINTING AND DECORATING CONTRACTORS
SPruce 2-1453
K. W. JOHANNSON, Manager
Red Label Tea
in
Full Weight
Tea Bags
HAMINGJUÓSKIR . . . For The Best In Bedding . . .
VARIETY GLOBE
SHOP e BEDS • SPRINGS
LOVISA BERGMAN • MATTRESSES • CHESTERFIELDS
TWO STORES: e DAVENPORTS AND CHAIRS • CONTINENTAL BEDS • COMFORTERS • BEDSPREADS • PILLOWS AND CUSHIONS
630 Notre Dame Ave. 697 Sargent Ave.
GLOBE BEDDING
SPruce 4-4132 COMPANY LIMITED
WINNIPEG CALGARY
With the Compliments of 77 Æ # Yeors ago Dominion Bridge
began its service to Canada.
COWIN 0 Years ago lcelandic families
& CO.
LIMITED began to pioneer this land.
REINFORCED CONCRETE TODAY, NATIONAL CELEBRATION OF ICELANDIC
ENGINEERS DAY, OUR HEARTIEST CONGRATULATIONS
STRUCTURAL ENGINEERS
SPruce 4-2581 1137 Pacific Ave. WINNIPEG DOMINION BRIDGE CO LTD.
702 CANADA BLDG. WINNIPEG
BROOKE BOND CANADA LIMITED — DISTRIBUTORS