Kirkjublaðið - 01.10.1891, Blaðsíða 10
68
áhrif á Ufernið, og að kærleikskenning lausnarans eigi ekki
að eins að vekja aðdáun vora, heldur öfluga og stöðuga
viðleitni, að láta hana hafa áhrif á hugsunarháttinn og breytn-
ina. Menn hugsa nú án efa mikið meira um þá trú á
fullorðnum aldri, sem þeim heflr verið kennd í æsku, en
áður var, af því þekking manna er orðin miklu meiri og
margbrotnari. Af þessu leiðir sjálísagt trúarefa hjá sum-
um, en líka traustari sannfæringu hjá öðrum, en hugsun-
arlítil venjutrú veitir. Jeg ber engan kvíðboga fyrir því,
að kristin trú og kristilegt siðf'erði muni bíða sannan
hnekki af upplýsingu og menningu, meðan jeg veit, að
hinir upplýstustu og beztu menn hvervetna finna æ bet-
ur og betur, að kærleikskenning þeirrar trúar er hið feg-
ursta, bezta og eptirbreytnisverðasta, sem nokkurn tíma
heflr verið boðað i heiminum. Jeg hygg þvert á móti,
að eptirþvl sem hver þjóð, og hver einstakur maður verð-
ur sannupplýstari, eptir því muni betur sjást, að höfuðatriði
kristilegra trúarbragða, — en það er kærleiksrík, Guði helg-
uð breytni, — sje í sínu innsta eðli samkvæmt því, sem göf-
ugast og bezt er í mannssálinni, og að hin blessunarríku,
siðbætandi áhrif kristinna trúarbragða eigi þá hægri að-
gang að hjörtum mannanna en ella.
ísl. kristniboð.
—^—
Seint í fyrra mánuði tókum vjer undirskrifaðir oss
saman um, að reyna að styðja að því, að einhver lítil
hluttekning af Islands hálfu yrði tekin í kristniboði meðal
heiðingja, og þar með jafnframt yrði óbeinlínis stutt að
hinu innra kristniboði meðal sjálfra vor; höfum vjer því
leitað undirtekta ýmsra presta í þessu skyni, og 20 prest-
ar þegar lofað að stvðja þetta mál, meðal annars með
því, að leita samskota til kristniboðs í söfnuðum sínum.
Þar sem þessir 20 prestar hafa tekið svo vel í þetta
mál, leyfum vjer oss hjermeð innilega að mælast til þess,
að aðrir embættisbræður vorir verði þeim og oss sam-
taka í því að styðja þetta góða málefni af alhuga.