Kirkjublaðið - 01.10.1893, Blaðsíða 7

183
og hvert annað: það tjáir ekld að líta á það einungis frá
einni hlið. Engum dettur í hug að hafa á móti því, að
prestar haldi ræður upp úr sjer, það er að segja þeir af
þeim, sem betur eru lagaðir til þess, en að flytja ræður
af blöðum. Og til þess að fá reynslu í því efni, væri án
efa ráðlegt, að prestaskólinn ljeti lærisveina sína hjer
eptir æfa sig í hvorri tveggja prjedikunaraðferðinni, svo
hver geti síðan valið þá, er honum lætur betur.
Br. J.
Allra þjónar.
2. Elisábet Fry.
I þessum mánuði eru 48 ár síðan að mannvinurinn
mikli, frú Elísabet Fry, andaðist í Ramsgate við Tempsár-
ósa, hálf-sjötug að aldri, og háir sem lágir heima á sjálfu
Englandi og miklu víðar syrgðu hana svo innilega, sem
ættu þeir beztu móður á bak að sjá.
Líf hennar var óslitið kærleíkslíf fyrir alla hina vol-
uðu á vegi hennar, auðnuleysingjana og óbótamennina,
en mátturinn var svo mikill að henni vannst þó tími til
að veita heimili sínu beztu forstöðu og hún var ellefu
barna móðir.
Sagan geymir nafn hennar aðallega fyrir afskipti
hennar af bandingjunum, en kærleiksáhrif hennar náðu
þó miklu lengra. Margskonar framkvæmdir kristilegrar
mannúðar og miskunnsemi um allan hinn siðaða heim
kenna sig við hana og eru runnar frá hennar líknar-
hjarta.
Foreldrar Elísabetar voru kvekarar, faðirinn hjet
John Gurney, en móðirin Katrín. Kvekarar eru, sem kunn-
ugt er, manna látlausastir, og um leið manna vandaðastir.
Foreldrar Elísabetar fylgdu eigi hinum strangari háttum
kvekara. Hið efnaða kaupmannsheimili var glaðvært og
börnin, 12 að tölu, lifðu við sældarkjör og nóg föng til
að menntast. Móðirinni er svo lýst, að hún hafi verið
ágætiskona, hún ljezt þegar Elísabet var 12 ára. Frá
móður sinni hafði hún trúarstyrkinn og dæmi hennar
hafði hún sjer fyrir augum til æfiloka.