Alþýðublaðið - 26.09.1962, Blaðsíða 8

ÞAÐ ER HAB-DAGUR Á NÆSTA LEYTI! LESIÐ AUGLÝSINGUNA HÉRNA í OPNUNNI
EF ÞU MÆTTIR VEUA
HVORA viltu heldur? Önnur ber einkennisbúning vígvallarins,
hin skartar sýningarkjól tískuhússins. Yasmina heitir sú til
hægri og er er alsýrsk að uppruna. Hún gekk kornung í lið með
skæruliðum Serkja, varð liðþjálfi, en féll sextán ára gömul í hend
ur Frakka og var send í unglingafangelsi. Hin heitir raunar
Yasmina líka, og er lika serknesk. Hún kynntist klæðskeranum
Jacques Esteral í Frakklandi og réðist tii hans sem sýningar-
stúlka í tízkuhúsi hans og vakti þar athygli fyrir fegurð. En
Yasmina tízkuhússins var ekki ánægð. Frelsisbarátta landa henn
ar í Alsýr lá henni á hjarta, og hún hvarf til þeirra úr dýrð-
inni i París og gekk í her þeirra og hjúkraði hinum særðu á víg
vellinum. Hún fór úr tízkukjólnum franska og klæddist í stað-
inn hermannabúningnum alsýrska. Yasminurnar tvær eru nefni
lega sama stúlkan. Við skildum við Yasminu sextán ára. þegar
hún var send í franska fangelsið til „enduruppeldis". Úr fang-
eisinu réðist hún til tízkuhúsins í París og úr tízkuhúsinu laum
aðist hún aftur til Alsýr og tók upp starfið þar sem frá var horf
ið: í röðum skæruliðanna. Svo að spurningin, sem við byrjuðum
á, er mesta tálbeita. Hvora viltu heldur? Þú átt ekkert val. Það
er ein og sama stúlkan sem þið sjáið hér á myndunum.

g 26. sept- 1962 - ALÞÝÐUBLAÐIÐ