Alþýðublaðið - 25.08.1963, Blaðsíða 9
SVIPMYND FRÁ
SIGLUFIRÐI
ÞAÐ var fjölmennt til Siglu-
fjarðar á öndverðu sumri í trú á
iilfur lífsins og skjótfengin gróða.
Það var bjartsýnt fólk og lífsglatt
er eyddi Jónsmessunótt upp í
Hvanneyrarskál eða sté dunandi
dans á „Höfninni“, brátt rigndi
gulli yfir Siglufjörð „plön“ og
verksmiöjur voru í „startstöðu“,
og rismerkið var floti íslenzkra
fiskiskipa er stefndu inn fjörðinn
og það var drukkúm skál gleðinn
ar í „Viskýi" og „Svarta dauða“ I
trú á sumarið, síldina og lífið.
Það eru orðin skuggsæl kveld
á miðjum ágúst. Það er hljótt yfir
götum Siglufjarðar, enginn stemm
ing, engin hitabylgja, „plön“ og
verksmiðjur er staðnað sem nátt-
tröll í „startstöðu" sinni. Það er
að vísu ball á „Höfninni“ og það
er enn lyft tappa úr flösku í von
um gleymsku frá vonbrigðum sum
arsins.
Á yfirgefnu borði, hirti ég rauð
an farseðil, er liggur krumpaður
við hlið tómra bjórflaskna einhver
bjartsýnn frá júní-dögum, hefur
þar fest í litur hugrenningar sínar
„Það er oft erfitt að þreyju þorr-
an og góuna
er þrengir að súlu glettandi nötur-
leikinn
kom þú blekking, með bikar þinn
fullan af víni
og breyttu í Eden helvíti á Siglu-
firði.
„Þeir mala gull á Austfjörðum
og græða á rányrkju í Vestmanna
eyjum, en vofa atvinnuleysis
teygir loppur yfir „silfurbæinn“
Siglufjörð með haustnóttum".
Það er aldraður Siglfirðingur er
hefur orðið „ekki furða þótt heild
salablaðið Vísir gráti örlög okkar“,
bætir hann við er hann gengur
reikulum skrefum út úr „Höfn-
inni“ inn í myrkrið fyrir utan.
Már Snædal.
Austurbæjarbíó: Kapó. Raunsæ
mynd, Vel gerð og leikin.
Fjölmargar myndir hafa verið
gerðar um nazistatímabilið og
margar þjóðir lagt þar hönd að
verki. í þeim hópi mynda man ég
ekki eftir annari sterkari en þeirri
sem nú er sýnd í Austurbæjar-
bíó. Myndin er ítölsk, stjórnað af
Antonio Musu, en aðalhlutverk
eru í höndum Susan Strasberg og
Laurent Terzieff. Terzieff er mjög
athyglisverðúr leikari. Nýlega lék
hann hér eitt aðalhlutverkið í
mynd, sem sýnd var í Háskólabíói
og fjallaði um taumlausan lifnað
æskufólks. Að þessu sinni fer
hann með hlutverk rússnesks her-
manns. Báðum hlutverkunum skil
ar hann af miklum næmleik og
ríkri innlifun.
Susan Strasberg er ekki tíður
gestur á kvikmyndatjaldi hérlend-
is, flestir muna hana þó úr Picnic.
Susan leikur í Kapó gyðingastúlku
sem lendir í fangabúðum, sleppur
naumlega við líflát, þolir ekki
fangabúðalifnaðinn og gerist hand
bendi böðla sinna.
Mynd þessi er mjög átakanleg,
og um leið raunsönn. Oft listavel
tekin og leikur Susan Strasberg
með því bezta, sem sést á kvik-
mynd. Athyglisvert er einnig hve
margir aukaleikarar skila hlut-
verkum sínum af mikilli prýði.
Hafnarfjarðarbíó: Æviii^Lrið í
Sívalaturninum. Dönsk gaman-
mynd.
Dirch Passer og Ove Sprogöe
eru enn á ferð í Hafnarfirði, en
ekki get ég samþykkt, að þeir séu
í essinu sínu að þessu sinni. Þeir
leika þarna tvo hljóðfæraleikara
sem lenda í því að kaupa stolinn
happdrættismiða, sem auðvitað
hlýtur svo hæsta vinning. Efnis-
þráður myndarinnar er , vægast
sagt þunnur og meðferðin ekkert
sérstök. Aðdáendur Passers og
Sprogöes fá þó margt kímilegt að
sjá og fleiri skrítnir karakterar
prýða myndina, en heildin er und
ir meðallagi. — H.E.
a sem dvalið hafa á sumardvalar-
albyggingin.
Framsókn semur
Verkakvennafélagið Framsókn
hefur nú samið við Mjólkursam-
söluna. Gilda hinir nýju samning-
ar frá 1. júlí til 15. október n.k.
Samkvæmt þessum samningum
hækkar allt kaup um 7.5%. Þá
náðust einnig nýjir samningar
um aldurshækkanir, sem koma til
eftir 3, 10 og 15 ár. Er þetta við-
auki við efdri samninga.
Þetta eru ekki ofsjónir, —
maðurinn er raunverulega með
hendina í gini ljónsins, og með
hinni hendinni togar hann í
veiðihár þess. Það er að sjáff
sögðu Ijónatemjari, • sem hér
er um að ræða, því ekki mundu
aðrir voga sér slíka fífldirfsku.
En hvað nú ef ljóninu rynni
skyndilega í skap? — ekki er
ósennilegt að eftir það mundi
ljónatemjarinn leita sér ein-
hverrar annarrar atvinnu.
Höfuðverkurinn getur
átt sér margar orsakir
HVER veit ekki hvað það er að
hafa höfuðverk? Höfuðverk höf-
um við flest orðið að finna fyrir.
Sérstaklega þægilegur er hann
ekki. Órsakir hans má rekja til
margs.
Margar tegundir eru til af höf-
uðverk. Þær algengustu nefnast
„tauga“höfuðverkur og „mígren".
Hinn fyrrnefna fá flestir vegna
allskyns taugaspennu. „Mígren“ er
oftast samfara öðrum sjúkdómsein
kennum, til dæmis blóðskorti, of
háum blóðþrýsting, heilabólgu
veiklun, ígerð, Æitrun og svo fram
vegis. Já, höfuðverk má fá, af því
einu að loka munninum of vel á
kvöldin, að sitja of lengi með nið-
urbeygt höfuð og svo framvegis.
Enn aðrar orsakir höfuðverkjar
eru allskyns augnsjúkdómar.
„Mígren" hefur þekkzt í mörg
þúsund ár. Grísk-rómverski lækn-
irinn Calenos, sem var læknir
Markúsar Aurelíusar kallaði veik-
ina Hemicrania. Síðan hafa tveir
fyrstu stafirnir fallið brott og orð
ið aflagazt. Fyrstu . einkenni „mí-
gréns“ er, að sjónin brenglast
Því næst fer maður að finna til
verkja í öðrum helmingi heilans.
Allskyns vanlíðan og uppköst geta
einkennt „mígren". Höfuðverkur-
inn getur staðið yfir í nokkra
klukkutíma og einnig í nokkra
daga.
„Tauga“ höfuðverkurinn lýsir
sér aðallega á því, að þyngsli
myndast yfir enninu, sem dreifast
út að gagnauganu þegar verkurinn
er sem mestur, er eins og járnól
sér hert utan um höfuðið. Þenn-
an höfuðverk fá flestir um hádeg
ið. Hann veldur vanlíðan fram að
kvöldi. Á sumrin finna margir alls
ekkert fyrir honum.
Þegar menn fá höfuðverk er
þar oft um að ræða margar tegund
ir samtímis, samtvinnaðan á allan
mögulegan hátt. Algengt er. að
samfara „tauga“höfuðverknuin
séu ýmsar tegundir af „mígren".
„M;gren“verkjaköst stafa aðal-
lega af alls konar ofreynslu og
taugaæsingi. Hormónarnar hafa
einnig einhverja þýðingu í því sam
bandi. Mjög algengt er, að konur
fá mígren um það bil er þær eru
að verða kynþroska. Eftir það tíma
bil hættir hann oftast að gera vart
við sig. Orsök sjúkdómsins er enn
ekki kunn.
Vissar manngerðir fá oftar höf-
uðverk en aðrar. „Mígren“ er al-
gengast meðal skyldurækinna
manna. Það er einnig álitið —,
sem ef til vill bætir úr, þegar
mígrenið er sem verst, — að það
sé algengast meðal greindra
manna.
„Mígren" er algengara meðal
kvcnna en karla. Börn fá mjög
sjaldan höfuðverk. „Mígren* ‘er al
gengast að á aldursstiginu 20—
50 ára, en „tauga“höfuðverkur-
inn á aldurstiginu 20—40 ára.
„Mígren" er arfgengur sjúkdóm-
ur.
„Tauga“höfuðverkurinn stafar
aðallega af óvitaðri spennu í
hnakka- og hálsvöðvum. Langvar
andi höfuðverkur getur verið ein-
kenni lömunarveiki og heilasjúk-
dóma. Of lágur blóðþrýstingur get
ur valdið höfuverk.
Iiöfuðverk má í flestum tilfell
um lækna. Góðar venjur, svo sem
að hátta snemma á kvöldið, borða ::::2
:::::
á réttum tíma, vinna skipulega og
svo framvegis draga mjög þrótt-
inn úr fyrrgreindri veiki. Einnig :::::
hverfur höfuðverkurinn, ef sjúk [::::
dómarnir, sem valda honum, eru
læknaðir. Það að taka inn magnyl
til að draga úr verkjunum hefur
engar slæmar afleiðingar. Aftur
á móti á að varast að gerast þræll
taflnanna.
ALÞYÐUBLAÐIÐ — 25. ágúst 1963 <}