BFÖ-blaðið - 01.06.1991, Blaðsíða 18

Félagsstarfið
Því miður sofnaði umrætt frumvarp í nefnd,
en stjórn BFÖ í Reykjavík er staðráðin í að
beita sér af alefli fyrir því að það verði endur-
ílutt á næsta Alþingi og fái þar endanlega
afgreiðslu.
Það er einróma álit allra þeirra sem um
umferðaröryggi fjalla að lagabreyting í þessa
átt mundi auka slíkt öryggi til mikilla muna,
enda er hver þjóðin af annarri að lækka leyfi-
legt áfengismagn í blóði ökumanna og fara
sumar jafnvel alveg niður í 0,0 promille.
Vegna ýmissa villandi ummæla sem fram
komu í sambandi við umræður um frumvarp-
ið á síðasta þingi, og sem áreiðanlega stafa að
verulegu leyti af vanþekkingu, hyggst stjórn
Reykjavíkurdeildar BFÖ beita sér af fremsta
megni fyrir aukinni fræðslu um þetta mál nú
á næstunni. K.R.
Aðalfundur ísafjarðardeildar
25. maí s.l. var haldinn aðalfundur ísafjarð-
ardeildar BFÖ.
Á fundinum urðu miklar umræður um ýmis
mál er varða umferðaröryggi og áfengismál.
Þar sem ísafjarðardeildin hefur í raun þjón-
að öllum Vestfjörðum á undanförnum árum
var lögð fram tillaga á aðalfundinum um
breytt nafn á deildinni. Var tillagan sam-
þykkt og nefnist deildin héðan í frá Vest-
fjarðadeild BFÖ.
Samþykkt var á fundinum að efla starf BFÖ
á VestQörðum og tengja við fleiri staði á svæð-
inu. Kom m.a. fram hugmynd um að halda
umferðarmálafundi á helstu þéttbýlisstöðun-
um þar sem fjallað yrði um staðbundin um-
ferðarmál.
Starf deildarinnar hefur verið blómlegt
undanfarin ár og oft hefur umferðarnefnd
ísaQarðar og lögreglan leitað til deildarinnar
um starf við ýmis umferðarverkefni.
Næst á döfinni er undirbúningur hins árlega
umferðardags sem verður simnudaginn 30.
júní. Þá verður haldin ökuleikni, reiðhjóla-
keppni og ýmislegt annað gert í tilefni dagsins.
Fyrri stjóm deildarinnar var öll endurkjörin.
Formaður deildarinnar er Reynir Ingason.
Jón S. Halldorsson
Kveðjuorð
Það er oft lítið sem skilur á milli lífs og
dauða eins og við höfum enn einu sinni fengið
að reyna. Nú kveðjum við vin okkar og félaga
Jón S. Halldórsson, sem kvaddi þennan heim
á sviplegan hátt.
Við félagarnir íBFÖ kynntumst honum fyr-
ir 12 árum þegar hann tók þátt í ökuleikni
félagsins í fyrsta sinn. Hann vildi verða betri
ökumaður og ökuleiknin gaf honum tækifæri
til þess. Fljótlega hafði hann lært nær alla þá
tækni sem góður ökumaðurþarfað hafa ogþar
sem markmið hans sem bindindismanns og
áhugamanns um bætta umferðarmenningu
fóru saman við starfBFÖ fór hann fljótlega að
starfa fyrir félagið.
BFÖ fékk að njóta hugmyndaauðgi hans og
krafta. Hann tók ýmis erfið verkefni að sér fyrir
félagið þar sem áhugi hans og samviskusemi
nutu sín. Alltafvar hægt að leita til hans með
erfið og vandasöm mál.
Síðustu árin sat hann í stjórn félagsins og er
það m.a. honum aðþakka hversu vel ökuleikn-
in sem félagið heldur á hverju sumri, hefur
gengið. Hans frjóa hugsun kom víða fram í
starfi félagsins og er nú stórt skarð höggvið í
raðir okkar eftir hið sviplega fráfall Jóns.
Um leið og við vottum unnustu hans,
börnum, systkinum ogforeldrum dýpstu sam-
úð okkar, þá viljum við þakka fyrir að hafa
fengið að kynnast Jóni, starfa með honum og
hafa notið starfskrafta hans.
Stjórn Bindindisfélags ökumanna.
18