Tölvumál - 01.01.1986, Blaðsíða 8
FJ ÖLSKYLDAN 1 UPPLÝ SINGASAMFÉLAGINU
Við vitum í raun ekkert um framtíð fjölskyldunnar,
eða framtíðina að öðru leyti ef út I það vaíri farið.
Þetta hindrar okkur þö ekki I því að hugleiða hvað
gæti orðið. Ég mun hér á eftir reifa hugrenningar
mínar um þetta efni, en mér þykir rétt, að vara ykkur
við því I upphafi að sumt, sem ég kem til með að
nefna, er æði ósennilegt. Þetta stafar ekki sxst af
því að ég blanda saman þvl, sem ég á von á og þvl,
sem ég geri mér vonir um.
Þannig verður meginviðfangsefni mitt bjartar hliðar
framtlðarinnar og valkostir, sem byggjast á
bjartsýnisforsendum. Vitaskuld hefði ég getað valið
mér að umræðuefni það sem ég ðttast að gerist og
vona þar af leiðandi að gerist ekki, en ég er ekki
viss um að meira hefði unnist við það. Við mér
blasir eigi að síður sá vandi að texti minn verður
einhliða og líklega einfeldningslegur á köflum. Ekki
vil ég þð sverja fyrir að ekki bregði einhvers staðar
fyrir skugga I þeirri framtIðarmynd, sem ég mun
leitast við að draga upp.
Sá er kostur einfeldni minnar að hún er vls með að
laða fram mðtbárur og athugasemdir af hálfu lesenda.
Ég gef mér töluvert af forsendum £ því, sem hér fer á
eftir, sem sumar hverjar verða með engu móti ræddar
hér. Þeirra á meðal er su að við munum £ náinni
framtíð, bæði þau okkar, sem eru I þjðnustustörfum og
þau, sem stunda framleiðslustörf, geta sinnt þessum
störfum okkar á stað, sem við getum valið að eigin
geðþótta. Jafnframt gef ég mér að þessi staður verði
£ vaxandi mæli heimili okkar. Hvorug þessara
forsenda getur talist sjálfgefin og margir mundu
reyndar telja þær, einkum hina síðartöldu, næsta
ðsennilegar.
Ég loka augunum I bili fyrir þvl að okkar heimshluti
gæti orðið fyrir barðinu á efnahagslegum stðráföllum
og stðrauknu atvinnuleysi. Meiri háttar breytingar
á sambandi iðnrikja við þriðja heiminn eru ekki
heldur reiknaðar inn I mitt dæmi I dag. Né heldur
hugsanleg orkukreppa.
8