Tölvumál - 01.02.1987, Page 4

FORDÆMI - FRUMKVÆÐI
Fyrir síðustu jól kom á markaðinn bók, sem
fjallaði um þann þjóðkunna mann Torfa i ólafsdal
og búnaðarskóla hans. Bókin var rituð af öldruðum
Breiðfirðingi. Höfundurinn Játvarður Jökull
Júliusson er mikið fatlaður. Hann hefur skráð
verkið á ritvinnslutölvu með staut sem hann
heldur i munninum. Þessi aldraði bóndi sem er
lamaður upp að hálsi hefur á aðdáunarlegan hátt
náð tökum á tölvutækninni og nýtt sér hana til
þess að geta stundað ritstörf.
Nýlega mátti lesa i blöðunum að íslendingur hafi
samið nýtt forritunarmál. Snorri Agnarsson
flutti á siðasta ári erindi á félagsfundi
Skýrslutæknifélagsins um einingaforritun. Nú
hefur hann lokið við að semja þýðara fyrir
einingaforritun.
Forritunarmálið er islensk framleiðsla. Auk þess
að málið er samið hér á landi er það á okkar
tungumáli. Þessir tveir menn eru að flestu leiti
ólikir. Engu að siður eru verk þeirra dæmi um
það að tölvutæknin er að verða óaðskiljanlegur
þáttur af okkar menningu. Báðir hafa þeir lagt
mikið til máls. Annar hefur samið fyrsta
islenska forritunarmálið. Hinn hefur sýnt
einstakt fordæmi i notkun tölvutækninnnar.
Þessir tveir menn eiga skilið viðurkenningu fyrir
verk sin. Þvi miður er skilningur ráðamanna afar
bágborinn á þýðingu þess að tölvutæknin verði
aðlöguð okkar menningu og daglega lifi.
Eins og áður hefur verið bent á ættu forsvarsmenn
menntamála að leggja sitt af mörkum til að hvetja
til frekara frumkvæðis í þvi að gera þessa nýju
tækni að óaðskiljanlegum þætti islenskrar menn-
ingar. Þvi miður virðist einhver bið ætla að
verða á þvi að þeir vakni til meðvitundar um
mikilvægi þessa máls. Af þeim sökum er framtak
manna eins og Snorra og Játvarðar Jökuls og
annarra sem lagt hafa sitt af mörkum afar
lofsvert.
Stefán Ingólfsson
4