Tölvumál - 01.02.1987, Page 7
JANÚARFUNDURINN
Skýrslutæknifélag íslands hélt félagsfund 29.
janúar s.l. Á fundinum flutti Stefán Ingólfsson
verkfræðingur erindi um opinbera upplýsinga-
miðlun. í máli hans kom fram að i vörslu
opinberra aðila er óhemjumikið af upplýsingum,
sem varða hinn almenna borgara. Þær dreifast
hins vegar á margar stofnanir svo almenningur
lenda oft i erfiðleikum með að fá vitneskju um
mál sin. Tölvuvæðingu hefur litið verið beitt
við opinbera upplýsingamiðlun. Notkun tölva
miðast fyrst og fremst við hagsmuni einstakra
stofnana. Stærstu tölvukerfin eru notuð til að
reikna út álögur á borgaranna og innheimta þær.
Taldi Stefán að langur vegur væri frá þvi að hið
opinbera stundaði opna upplýsingamiðlun.
Til þess að skapa almennan aðgang að upplýsingum
i kerfinu þarf, að mati Stefáns að samtengja
opinberar tölvuskrár, nota stórvirka upplýsinga-
miðla og gera samskipti fólks við upplýsinga-
kerfin mannlegri.
í erindinu lýsti hann reynslu Fasteignamats
rikisins af opinni upplýsingamiðlun. Stofnunin
tengdi saman tölvukerfi sin og opna miðlun
þekkingar til almennings. Sem dæmi um það hvaða
árangur þessi tillögun hefði gefið nefndi Stefán
að undanfarin ár hafi 60% - 80% af þeim tölulegu
upplýsingum, sem réðu umræðu um húsnæðismál komið
frá FMR. Þá lýsti hann þvi hvernig fjölmargir
aðilar með ólika hagsmuni, hefðu sótt vitneskju
til stofnunarinnar.
Að mati Stefáns hamla pólitískir eiginhagsmunir
og staðnað stjórnfyrirkomulag opinbera kerfisins
þvi að hér á landi eigi menn greiðan aðgang að
upplýsingum. Ráðamenn vilja stjórna þvi hvaða
upplýsingar skuli birta og hvaða vitneskju skuli
stungið undir stól. Hin aukna miðstýring sem
hefur verið að aukast i opinbera kerfinu undan-
farinn áratug hefur það i för með sér að tölvu-
væðing og upplýsingamiðlun til almennings miðast
fyrst og fremst við eiginhagsmuni kerfisins
sj álfs.
7