Tölvumál - 01.02.1988, Blaðsíða 6

Aðalfundur 1988
Aðalfundur Skýrslutæknifélags íslands 1988 var haldinn í Norræna
húsinu, 28. janúar s.l. Fundarstjóri Ottó A. Michelsen setti fundinn
og lýsti löglega til hans boðað. Að svo mæltu var gengið til dag-
skrár.
Varaformaður, Jóhann P. Malmquist, flutti skýrslu stjórnar í fjarveru
Páls Jenssonar, formanns. Kom fram í máli hans að félagsfundum
fækkaði á starfsárinu, en ráðstefnum og námskeiðum fjölgaði. Fleiri
starfshópar og nefndir voru starfandi á árinu en áður.
í mars var haldinn 1/2 dags ráðstefna um einmenningstölvur, "ET-
dagur", sem Bergur Jónsson og Halldór Kristjánsson höfðu umsjón
með. Rúmlega 100 manns sóttu ráðstefnuna. í apríl var haldið
námskeið um tölvunet og tölvufjarskipti. Kennsla og umsjón var
undir stjórn dr. Sigfúsar Björnssonar. Sóttu það 28 manns. í maí
var 1/2 dags ráðstefna í samvinnu Verkfræðingafélags íslands um
spurninguna "UNIX - framtíðarlausn?". Að hálfu SÍ sá Halldór
Kristjánsson um undirbúning og skipulag, en ráðstefnuna sóttu 120
manns.
Árleg ráðstefna og kynning á tölvunámi og menntun var haldin 1.
júní í Verzlunarskóla íslands. Hafði Lilja Ólafsdóttir veg og vanda
af því. 60 manns sóttu ráðstefnuna og um 200 manns kynninguna.
Að loknu sumarhléi var haldin ráðstefna er nefndist "Rekstur
tölvudeilda - breytt viðhorf", sem Ragnar Pálsson undirbjó og
skipulagði. Þátttakendur voru 140.
Söluskattsmál voru ofarlega á baugi í október og af því tilefni var
haldinn 30 manna fundur með Vilhjálmi Þorsteinssyni sem framsögu-
manni. Söluskattsnefnd SÍ sá um undirbúning og skipulag þess
fundar. Námskeið um hugbúnaðarverkfræði var haldið í nóvember.
Kennarar voru dr. Oddur Benediktsson og Bjarni Júlíusson. Nám-
skeiðið sóttu 23. Það er aftur á dagskrá í lok maí n.k. í desember
var fundur um höfundarétt hugbúnaðar í umsjá Lilju Ólafsdóttur, en
Jón Sigurgeirsson, lögfr., og Knútur Bruun, hrl., fluttu þar aðal-
erindin.
Starfsárinu lauk með tveimur fundum í janúar á þessu ári. Sá fyrri
var haldinn 12. janúar. Fyrirlesari þar var Ólafur Guðmundsson,
tölvunarfræðingur og flutti hann erindi um flöskuhálsa í staðarnetum.
Hinn síðari var á undan aðalfundi og þar flutti Halldór Kristjánsson
- 6 -