Tölvumál - 01.02.1988, Blaðsíða 7

erindi um tölvuráðgjöf.
Ritnefnd var skipuð að nýju á starfsárinu, en Stefán Ingólfsson hélt
áfram farsælli ritstjórn TÖLVUMÁLA. Orðanefnd og staðlanefnd
störfuðu nokkuð á árinu.
Störf á sviði alþjóðasamskipta voru mjög góð. Hæst ber kosning Lilju
Ólafsdóttur í embætti formanns Nordisk Dataunion en það er mikil
viðurkenning fyrir Lilju og Skýrslutæknifélagið. Anna Kristjánsdóttir
er fulltrúi stjórnar á vettvangi IFIP og undirbýr nú m. a. ráðstefnu,
sem haldin verður á vegum IFIP hér á landi sumarið 1989.
Nefnd á vegum SÍ um söluskattsmál sem í voru Hjörtur Hjartar,
Lúðvík Friðriksson og Vilhjálmur Þorsteinsson var skipuð september og
náði hún góðum árangri á árinu. Þá var og skipuð nefnd til að sjá um
ÍSDATA 89. Formaður er Halldór Kristjánsson. Framundan er mikið
undirbúningsstarf, en tap var á ÍSDATA 86. Átak var gert til að
fjölga félagsmönnum. 200 fyrirtækjum voru send kynningarbréf og
hafði útbreiðslunefnd, skipuð Guðmundi Hannessyni, Halldóri Kristjáns-
syni og Sigurði Jónassyni forgöngu um það mál.
IBM 4300 hópurinn vann m.a. að undirbúningi ráðstefnunnar "Rekstur
tölvudeilda - breitt viðhorf" undir forustu Ragnars Pálssonar. Og
samstarfshópur undir stjórn SÍ vinnur að verkefni vegna norræns
tækniárs með heitinu "Upplýsingatæknidagur".
Á árinu var Kolbrún Þórhallsdóttir ráðin í fullt starf sem fram-
kvæmdastjóri og var það heilladrjúg ákvörðun og hefur eflt starfið.
Eitt af brýnustu verkefnum stjórnar var að fjölga félagsmönnum og
hefur nokkuð áunnist. Einnig var unnið að aukningu á tekjum
félagsins með ráðstefnuhaldi og námskeiðum. Stjórnin setti sér það
markmið að auka umfjöllun um áhugaverð tæknileg málefni með
aðaláherslu á nýtingu upplýsingatækni hérlendis, nýjar atvinnugreinar
og þjóðlífsbreytingar samfara aukinni tækni. Framundan er mikið
starf og minnti varaformaður sérstaklega á afmæli félagsins, en
félagið verður 20 ára 6. apríl n.k. Að lokum þakkaðl Jóhann P.
Malmquist fyrir samstarfið en hann hefur nú starfað 7 ár í stjórn og
gefur ekki kost á sér til áframhaldandi setu í henni.
Að lokinni skýrslu stjórnar gerði Hjörtur Hjartar grein fyrir starfi
ÍSDATA 86 nefndarinnar, en verulegt tap varð á ráðstefnunni.
Féhirðir stjórnar, Lilja Ólafsdóttir, lagði fram endurskoðaða reikninga
- 7 -