Tölvumál - 01.02.1988, Blaðsíða 17

gæti ekki treyst því að hann hefði fengið fullkomlega hlutlausa og
faglega ráðgjöf né að hagkvæmasta leiðin hefði verið farin.
Um þetta gilda ákveðnar starfs- og siðareglur sem flestar verkfræði-
stofur hafa í heiðri svo og rekstrarráðgjafar. Af sögulegum ástæðum
hefur sama ekki gilt um tölvuráðgjafa, ef til vill ekki síst vegna þess
að þeir eru ákaflega mislit hjörð, með mismunandi bakgrunn og
menntun. Þeir hafa ekki með sér nein samtök, né heldur hafa þeir
sett sér neinar starfs- og siðareglur. Til þess að vekja til umræðu og
vonandi aðgerða er athyglinni beint að ýmsum þáttum tölvuráðgjafar í
þessu erindi (þessari grein).
Hvað er tölvuráðgjöf?
Ekki er víst að allir séu sammála um hvað felst í tölvuráðgjöf.
Nokkur meginatriði er þó hægt að draga fram sem flestir geta verið
sammála um að falli innan ramma tölvuráðgjafar. Til að gera grein
fyrir hversu víðtækt hlutverk tölvuráðgjafa getur verið verður rakið
hvernig tekið er á málum fyrirtækis sem leitar aðstoðar hans um
uppbyggingu tölvukerfis. Margir tölvuráðgjafar veita aðeins ráðgjöf um
hluta þessara atriða, eða ákveðin sérsvið tölvumála, en aðrir takst á
við öll atriði tölvuvæðingarinnar:
1. Þarfagreining fyrirtækis: Fyrsta skref í undirbúningi tölvu-
væðingar er að ráðgjafinn og stjórnandi (-endur) fyrirtækisins ræða
almennar þarfir fyrirtækisins fyrir tölvuvæðingu. Ráðgjafinn beinir
gjarnan augum stjórnandans að leiðum sem færar eru og segir kosti
og lesti á hugmyndum hans. Úr þessari frumathugun verður til yfirlit
yfir þarfir fyrirtækisins.
2. Frumathugun á leiðum til lausnar: í framhaldi af þarfagrein-
ingu gerir ráðgjafinn úttekt á þeim leiðum sem til greina koma, án
þess þó að fara í smáatriði. Hann reynir að gera sér grein fyrir þeim
almennu lausnum sem falla best að þörfum fyrirtækisins.
3. Þarfagreining deilda og einstakra starfsmanna: Ráðgjafinn
dýpkar þekkingu sína á starfsemi fyrirtækisins, deilda þess og
starfsmanna. Mikilvægt er að ræða við þá sem koma til með að nota
kerfin til að átta sig á þörfum og óskum þeirra.
4. Tillaga að uppbyggingu kerfis: Ráðgjafinn skilar skýrslu þar
sem lagt er til hvernig leysa skuli þarfir fyrirtækisins og starfs-
manna þess, án þess þó að bent sé á ákveðinn hug- eða vélbúnað.
17 -