Tölvumál - 01.02.1988, Blaðsíða 16

Halldór Kristjánsson, verkfræðingur:
TÖLVURÁÐGJÖF - ER ÞÖRF Á UPPSTOKKUN?
Tölvuvæðing hefur verið mjög hröð hér á landi á undanförnum árum,
jafnvel svo að með eindæmum má telja, sé borið saman við þau lönd
sem næst okkur liggja. Samfara aukinni tölvuvæðingu og þörf fyrir
tölvubúnað, hefur þörfin fyrir góða tölvuráðgjöf aukist.
Auk nokkurra eldri fyrirtækja sem um langt skeið hafa stundað
ráðgjöf um tölvumál hafa verið stofnuð fjölmörg ný fyrirtæki sem
ætlað hafa sér hlut á þessu sviði. Er þetta ekki síst vegna þess ljóma
sem af tölvum og tölvubúnaði stafar vegna umfjöllunar á opinberum
vettvangi. Á viðskiptasíðum dagblaðanna og í sértímaritum birtast
vikulega fréttir af nýjum fyrirtækjum á sviði tölvuráðgjafar og
hugbúnaðaragerðar. Reyndar vekur það athygli að fyrirtækin kynna
starfsemi sína oft á þann hátt að þau ástundi tölvuráðgjöf, hugbún-
aðargerð og sölu hug- eða vélbúnaðar.
Þetta er í samræmi við þá þróun sem átt hefur sér stað á undan-
förnum árum, að ekki er gerður skýr greinarmunur á tölvuráðgjöf og
framleiðslu og sölu á hugbúnaði eða vélbúnaði. Sama fyrirtækið
ástundar oft alla þessa þætti og á því stundum erfitt með að skilja á
milli ráðgjafarþáttarins og söluþáttarins.
Æ oftar heyrast þær raddir að óeðlilegt sé að sama fyrirtækið sé
ráðgefandi og eigi síðan þátt í sölu vél- eða hugbúnaðar beint eða
óbeint. Þetta valdi hagsmunaárekstrum sem oftar en ekki bitna á
viðskiptamönnum þess. Því miður er margt sem bendir til þess að
tölvuráðgjöf hér á landi eigi lítið skylt við hefbundna ráðgjöf sem
tíðkast hefur hér á landi um langan aldur og t.d. verkfræðistofur og
rekstrarráðgjafar veita. Þegar fyrirtæki leitar til ráðgjafa ætlast það
til þess að fá faglega úttekt á þörfum sínum og ráðgjöf um val á
leiðum til að leysa tiltekin vandamál eða verkefni. Fyrirtækið er ekki
að leita til ráðgjafans til að fá hann til að selja sér þann búnað sem
hann hugsanlega þarf né heldur til þess að ráðgjafinn leysi síðan
verkefnið sjálfur af hendi og taki laun bæði fyrir að ráðleggja og
framkvæma.
Fullvíst má telja að verkfræðistofa sem hannar kerfi fyrir viðskipta-
mann sinn, selur honum það og setur upp myndi fljótlega missa
traust þessa viðskiptavinar og annara sem til hennar leita. Ekki
vegna þess að verkið væri illa unnið, heldur vegna hins að kaupandinn
16 -