Tölvumál - 01.02.1991, Síða 12

Febrúar 1 991
Kynning á drögum að siðareglum fyrir
ÉT
Skýrslutæknifélag Islands
Gunnar Linnet, Siðanefnd S.í.
Umræða um siðareglur hefur
verið í gangi meðal félagsmanna
Skýrslutæknifélags íslands um
nokkurt skeið. Umræðan hófst
fyrir alvöru fyrir nokkrum árum
þegar formaður félagsins vakti
athygli á málinu á opinberum
vettvangi.
Drög að siðareglum sem nú liggja
fyrir eru unnin upp úr siðareglum
fyrir hin ýmsu félög og staðfærð
fyrir SÍ. Þær byggja á þeirri
hugmynd að bæði sé um
skuldbindandi ákvæði að ræða
og leiðbeinandi.
Stjórn SÍ skipaði eftirtalda aðila
í nefhd til að fjalla um siðareglur:
Odd Benediktsson, formann,
Sigurjón Pétursson og Gunnar
Linnet. Nefndin kom saman til
fyrsta fundar 23. október s.l. og
hefurhaldið 8fundi. Mikiðstarf
hefur verið unnið og nefndin
hefur lagt áherslu á að gefm
verði út almenn kynningar- og
fræðslurit til að upplýsa og
aðstoða félagsmenn SÍ í dag-
legum störfum sínum og ef það
mætti verða til að stuðla enn
frekar að bættum og vönduðum
vinnubrögðum innan þeirra
starfsgreina sem tengjast
Skýrslutæknifélaginu.
Siðareglur manna á meðal hafa
fylgt manninum í langan tíma og
má segja að ein útbreiddasta
siðferðisbók, a.m.k. hér á
vesturlöndum, sé Biblían.
Siðferðisreglur eru nokkurs konar
boðorð.
Tillaga að siðareglum:
"Góðir siðir teljast:
- að koma heiðarlega fram við
viðskiptavin, seljanda bún-
aðar, vinnuveitanda, laun-
þega, samkeppnisaðila, sam-
starfsaðila, opinbera aðila eða
almenning í landinu og skaða
hvorki viljandi né nota
vafasama starfshætti;
- að dreifa ekki upplýsingum
sem veittar eru í trúnaði eða
misnota þær;
- að virða höfundarrétt, vöru-
merki, einkaleyfi. og annan
huglægan rétt;
- að upphefja ekki sjálfan sig á
kostnað annarra og taka tillit
til annarra;
- að beita ekki illkvittnu umtali
eða röngum ásökunum;
- að hlíta lögum og reglum um
viðskiptahætti;
- að taka ekki við þóknunum
eða fríðindum frá þriðja aðila
nema samþykki verkkaupa
komi til, þegar unnið er sem
verktaki eða ráðgjafi.
Æskilegt er talið:
- að auka fœrni sína sem mest
á hverjum tíma;
- að auka orðstífélagsins;
- að miðla affaglegri reynslu
sinni á vettvangi félagsins. "
Til að styrkja siðareglur og
væntanlega siðanefnd er lagt til
að lagabreyting eigi sér stað á
félagslögum SI. í núverandi
lögum er stjórn heimilað að stofha
til nefnda, en Iagt er til að inn
komi ný lagagrein. Stefnt er að
því að tillaga til lagabreytingar
verði borin upp á næsta aðalfundi
félagsins í ársbyrjun 1992.
Tillaga að nýrri
lagagrein:
"Innan félagsins skal starfa
siðanefnd sem hefur það hlutverk
að kveða upp úrskurði um kœrur
sem berast vegna meintra brota
á siðareglum félagsins. Siðanefiid
hefur einnig heimild til að taka
upp mál viðvtkjandi meintum
brotum.
Siðanefnd skal skipuð þremur
aðilum og skal aðalfundur kjósa
2 afþremur nefndarmönnum, en
Verslunarráð Islands tilnefna
þann þriðja.
Komi upp sú staða að nefndar-
maður í siðanefnd tengist meintu
siðabroti skal hann skilyrðislaust
víkja og stjórn félagsins skipa
staðgengil.
Kærur til siðanefndar skal taka
fyrir og úrskurður kveðinn eins
jijótt og verða má eftir könnun
og gagnasöfnun.
Úrskurðir siðanefndar eru öllum
opnir og er siðanefnd og stjórn
heimilt að birta þá opinberlega,
efrík ástæða er talin til. "
Hér með er kallað eftir áliti og
athugasemdum við framlagða
tillögu fyrir 10. aprfl n.k. og
félagsfundur verður haldinn um
framlagðar siðareglur og
framkomnar athugasemdir í maf
mánuði. Félagsmenn eru
eindregið hvattir til að kynna sér
þessi mál og koma með athuga-
semdir ef þeir telja þess þurfa.
Siðareglur skipta miklu máli fyrir
félagana. Athugasemdir skulu
sendar skrifstofu félagsins, en
heimilisfangið er:
Skýrslutæknifélag íslands
b.t. Siðanefndar
Pósthólf 681
121 Reykjavík.
12 - Tölvumál