Tölvumál - 01.12.1995, Blaðsíða 20

Desember 1995
Netheimar
Eftir Láru Stefánsdóttur
Fyrir nokkrum árum kynntist
ég Odd de Presno í tengslum við
Kidlink samskiptaverkefnið fyrir
10 til 15 ára gömul börn. Á fimm
árum hafa um 42.000 börn frá 72
löndum tekið þátt í fjölbreyttu
starfi Kidlink á netinu sem Odd
stofnaði í tengslum við menning-
arhátíð í Arendal í Suður - Nor-
egi. Það var ekki fyrr en síðar að
ég uppgötvaði hvert starf Odd
var í raun og veru. Hann á fallegt
hús við ströndina þar sem hann
býr ásamt Anne-Tove Vestfossen
listamanni og þar vinnur hann á
netinu alla daga. Áður bjó hann í
Osló en tæknin gerði honum
kleift að flytja til baka til
bernskustöðvanna í Arendal.
Hann skrifar bækur, greinar í
tímarit og flytur fyrirlestra um
málefni tengd tölvusamskiptum
og tölvunotkun. Fyrir nokkru
skrifaði hann bókina ”The Online
World“ sem m.a. er að finna á
netinu og óskaði eftir samstarfs-
mönnum í að þýða bókina á önn-
ur tungumál sem og að í hverju
landi fyrir sig væri bókinni breytt
og við hana bætt í samræmi við
það sem þar væri að gerast. Bók-
in hefur þegar komið út í Þýska-
landi og Kanada og nú kemur
hún út á Islandi undir nafninu
Netheimar. Höfundar íslensku út-
gáfunnar eru Odd de Presno,
Lára Stefánsdóttir og Lars H.
Andersen.
Þegar farið var að tala um að
gefa út Netheima hér á landi voru
fyrst vangaveltur um hvort ekki
væri nægilegt að benda á að bók-
in er til á netinu á ensku. Byrjað
var á að benda á bókina frá goph-
er fyrir nokkrum árum og síðar
vef en fljótlega kom í ljós að
þrátt fyrir að gott sé að hafa hana
þar þá kemur það ekki í staðinn
fyrir að hafa bók við hlið sér á
eigin tungu þegar verið er að
vinna með tölvusamskipti. Við
veltum einnig fyrir okkur hvort
og hversu mikið ætti að setja ís-
lensk dæmi og atriði inn í bókina.
Ákveðið var strax í upphafi að
hafa ekki heildarúttekt á íslensk-
um tölvusamskiptum í bókinni
heldur vísa í einstök dæmi sem
annað hvort tengdust efni bókar-
innar í upphafi eða okkur þóttu
athyglisverð. Því er ekki hægt að
segja að bókin hafi að geyma
tæmandi upplýsingar um hvað sé
að gerast á íslandi í tölvusam-
skiptum, heldur eru hér mörg
dæmi um hvernig Islendingar
nýta sér tölvusamskipti. Við
sendum út fjölda fyrirspurna í því
skyni að fá efni sem vert væri að
segja frá. Sumir svöruðu en aðrir
ekki eins og gengur.
Efni bókarinnar
Bókin skiptist í þrjá hluta,
þann fyrsta sem fjallar um
netheima, annan um hagnýt atriði
og þriðja hlutann sem fjallar um
betri aðferðir í tölvusamskiptum.
Einnig eru viðaukar en þeir verða
ekki gefnir út á íslensku að sinni
heldur er látið nægja að benda á
hvar hægt sé að ná í viðaukana
sem fylgja ”The Online World“
og þeir nýtast því nokkuð.
Póstlistinn: Netheimar
í bókinni eru um 350 vefföng
og 500 staðsetningar á netum
sem augljóst er að breytast og ný
koma inn. Og þótt höfundar hafi
stöðugt verið að uppfæra og end-
urbæta handritið er öllum ljóst að
breytingar í netheimum eru örar.
Því var ákveðið að setja upp
póstlista fyrir kaupendur bókar-
innar á netinu þar sem breyting-
um og viðbótum verður komið á
framfæri auk þess sem lesendum
gefst kostur á að fjalla um efni
bókarinnar. Áskrift að póstlistan-
um er hægt að panta með því að
senda tölvupóst á netfangið list-
proc@ismennt.is og hafa ekkert í
texta póstsins nema: subscribe
netheimar skírnarnafn föður-
nafn. Ekki má hafa séríslenska
stafi í nafninu. Allur póstur sem
er sendur á netfangið netheim-
ar@ismennt.is berst síðan til
áskrifandans.
20 - Tölvumál