Tölvumál - 01.12.2000, Blaðsíða 5

EPICS
EPICS -
Eggert Ólafsson
I dag er um ein milljón
manna í Evrópu komin
með tölvuökuskírteinið
auk þess sem mörg
hundruð þúsund eru í
námi í 10.000 vottuð-
um prófunarmiðstöðvum
Nýtt nám í upplýsingatækni
Talið er að það vanti a.m.k. 1,7 millj-
ónir manna með fagþekkingu á upp-
lýsingatækni í Evrópu og er þá raunar
aðeins átt við u.þ.b. 180 milljón manna at-
vinnumarkað sem tengist Evrópusamband-
inu. Líklegt er talið að skorturinn á fólki
með fagþekkingu sé svipaður eða jafnvel
meiri annars staðar.
Skýrslutæknifélag Islands er aðili að
CEPIS (Council of European Professional
Informatics Societies) sem kalla má Evrópu-
samtök upplýsingatæknifélaga. Þessi samtök
hafa hannað og útfært mjög vel heppnað al-
þjóðlegt nám fyrir tölvunotendur sem kallast
ECDL (European Computer Driving
Licence). Hér á Islandi köllum við þetta
nám TÖK, eða tölvuökuskírteini, og urn það
má m.a. lesa á heimasíðu SÍ (www.sky.is). I
dag er um ein milljón manna í Evrópu kom-
in með tölvuökuskírteinið auk þess sem
mörg hundruð þúsund eru í námi í 10.000
vottuðum prófunarmiðstöðvum (tölvuskól-
um ýmisskonar) og fer sífellt fjölgandi.
A formannafundi CEPIS sem haldinn var
3. nóvember sl. í Frankfurt, var mikið rætt
um nýtt væntanlegt nám sem hefur verið
kallað EPIC en er nú kallað EPICS. Þetta
nám er frábrugðið TÖK að því leyti að því er
ætlað að höfða til fagfólks í upplýsinga-
tækni, en ekki almennra tölvunotenda, sem
er helsti markhópur TÖK.
Markmiðin með náminu eru að:
a) Auka hæfni fagfólks í upplýsingatækni í
Evrópu.
b)Laða nýtt fólk að tölvutengdum störfum.
c) Skilgreina lágmarkskröfur sem gerðar eru
til fagfólks.
d)Bjóða upp á þekkingarkerfi fyrir fagfólk.
e)Bjóða upp á vottorð eða skírteini sem sýna
hæfni og þekkingu.
f) Bjóða upp á símenntun.
g)Bæta úr skorti á fólki með þekkingu á
upplýsingatækni.
EPICS samansfendur af eftirtöldum
þáttum:
a)Námslýsingu. Námsefnið miðast við þarfir
fagfólks á hverjum tíma. Hér gætu próf-
gráður frá Microsoft o.fl. nýtst beint.
b) Prófunarkerfi sem snýr bæði að formleg-
um prófum og prófum sem greina veik-
leika og styrkleika þátttakenda. Prófín
verða gerð eins sjálfvirk og mögulegt er,
án þess þó að fórna gæðum.
c) Kerfi byggt á Intemettækni til að dreifa og
halda utan um ofanskráð. Hér er einnig átt
við tengingar við sjálfvirk kennslukerfi
o.fl.
d) Vottorðum/skírteinum sem geta átt við um
einstaka hluta eða allt námið.
e) Kerfi eða stofnun sem m.a. sér um að við-
halda miklum gæðum, stöðugri endur-
skoðun á námsefni o.fl. með tilliti til bestu
aðferða á hverjum tíma.
Markhópar eru helstir þessir:
a) Einstaklingar sem hafa lokið menntun á
ýmsum öðrum sviðum en í upplýsinga-
tækni.
b) Tölvunotendur sem hafa metnað og getu
til að sérhæfa sig í upplýsingatækni.
c) Fólk sem hefur mikla faglega þekkingu á
upplýsingatækni, en litla formlega mennt-
un á þessu sviði (sjálfmenntað fólk).
d) Atvinnulaust fólk með möguleika á að
þjálfa sig í tölvu- og upplýsingatækni.
e) Fagfólk í upplýsingatækni með formlega
menntun sem þarf að viðhalda.
A fundinum í Frankfurt kom fram að gerð
hefur verið viðamikil áætlun um að hrinda
þessu verkefni í framkvæmd. Kostnaður er
áætlaður 30 milljónir Evra (u.þ.b. 2,2 millj-
arðar króna) og sótt hefur verið urn styrk til
Evrópubandalagsins (Proposal for
EC/INFSO SG Information Society) fyrir
þriðjungi þess kostnaðar. Mikil velgengni
tölvuökuskírteinisins skiptir hér miklu, því
ætlunin er að byggja á svipuðum grunni og
nýta m.a. prófunarmiðstöðvamar.
Hér er augljóslega um mjög metnaðar-
fulla áætlun að ræða sem gæti haft mikla
þýðingu fyrir tölvu- og upplýsingatækni í
Evrópu á næstu árum.
Eggert Olafsson,
varaformaður Skýrslutæknifélags Islands
Tölvumál
5