Tölvumál - 01.12.2000, Blaðsíða 12

Active Directory & Windows 2000
Hægt er að dreifa
hugbúnaði beint á
tölvur eða notendur
og auglýsa forrit
Active Directory tímastimpil til að skera
úr um hvor uppfærslan heldur sér.
Altækar efnisskrár
í hverjum skógi þarf að vera minnst einn
altækur efnisskrárþjónn (e: Global Cata-
log Server), en hann er notaður við leit að
hlutum í Active Directory. Altækur efnis-
skrárþjónn geymir afrit að hluta af Active
Directory úr öllum lénum í skóginum og
heldur utanum þá eiginleika hlutanna sem
oftast eru notaðir við leit. Efnisskrár-
þjónninn er ekki notaður meðan lénið er í
blönduðum hætti. Hann er notaður við
innskráningu og því er mikilvægt að hafa
minnst tvo altæka efnisskrárþjóna í skóg-
inum; jafnvel einn á hverju netsetri (stað-
arneti).
Distributed File System
Distributed File System er gríðarlega öfl-
ugt tól og er í raun netdeildun ofan á net-
deildun (e: share on shares). DFS veitir
eina sýn á allar skrár og möppur í fyrir-
tækinu. DFS rótin er búin til á Windows
2000 netþjóni, t.d. með heitinu dfs, og síð-
an eru búnir til tenglar á deildunina, t.d. á
möppuna Forrit sem vísar á Wnett-
hjonnl.fyrirtaeki.isXForrit. Biðlararnir geta
svo tengst möppunni dfs í gegnum nafnið
á léninu, t.d. Wfyrirtaeki.is\dfs\Forrit, sem
þýðir að þeir eru ekki lengur háðir nafni á
netþjóninum. Hægt er af hafa þessa deild-
un á fleiri en einum netþjóni og láta DFS
sjá um að samhæfa gögnin. Þetta getur
verið hentugt vegna rekstraröryggis þar
sem fleiri en einn netþjón geta keyrt rót-
ina. Þetta þýðir einnig að mjög auðvelt er
að færa netdeildun á milli skráarþjóna.
IntelliMirror
IntelliMirror er hugtak sem hefur verið
mikið notað við kynningu á Windows
2000 og Active Directory. I raun er þetta
samheiti yfir nokkrar nýjar þjónustur í
Active Directory og Windows 2000, eins
og hópreglur (e: group policies), þjónustur
fyrir fjaruppsetningar (e: Remote In-
stallation Service: RIS), framvísun möppu
(e: folder redirection) og fjarvinnsluskjöl
(e: offline files). Allar þessar IntelliMirr-
or-þjónustur krefjast þess að stýrikerfið á
útstöðinni sé Windows 2000 Professional.
Hópreglur
Flestir þekkja eflaust kerfisreglur (e: sy-
stem policies) úr NT 4. Hægt var að nota
þær til að stýra viðmóti notenda og skjá-
borði. Hópreglur (e: group policies) eru
mun öflugri. Meðal þess sem bætt hefur
verið við eru fjölvar fyrir innskráningu,
útskráningu, niðurkeyrslu og ræsingu út-
stöðva, öryggisstillingar, framvísun
möppu og stýringar fyrir hugbúnaðardreif-
ingu. Hægt er að skilgreina hópreglur fyrir
hvert setur, hvert lén og hverja skipulags-
einingu.
Hugbúnaðardreifing
Ein af öflugum nýjungum í Active Direct-
ory er hugbúnaðardreifing. Með henni er
auðvelt að stjórna dreifingu á hugbúnaði.
Hægt er að dreifa hugbúnaði beint á tölvur
eða notendur og auglýsa forrit (e: publish
application). Ef forriti er dreift beint á not-
endur sér notandinn teiknið (e: icon) og í
fyrsta skipti sem hann ræsir forritið er það
sett upp. Ef forriti er dreift á tölvur er það
sett upp næst þegar tölvan er ræst. Forrit
sem eru auglýst sjást á öllum útstöðvum
undir Add/Remove Programs og ef forritið
vinnur á ákveðnar endingar, eins og t.d.
Winzip vinnur á .zip, þá er forritið sett
sjálfkrafa upp þegar smellt er næst á skrá
með viðkomandi endingu.
Til að dreifa forriti með Active Direct-
ory þarf forritið að nota svokallaða MSI
pakka. Með hugbúnaði frá þriðja aðila er
hægt að búa til MSI pakka fyrir forrit sem
styðja það ekki beint. Á Windows 2000
Server geisladiskinum fylgir t.d. Winlnst-
all LE frá Veritas sem getur búið til MSI
dreifipakka.
Þjónustur fyrir fjaruppsetningu
RIS þjónustan er til að einfalda uppsetn-
12
Tölvumál