Vísir - 28.10.1963, Blaðsíða 8

V í SIR . Mánudagur 28. október 1963.
8
b
VISIR
Utgefandi: Blaðaútgáfan VISBL
Ritstjóri: Gunnar G. Schram.
Aðstoðarritstjóri: Axel Thorsteinson
Fréttastjóri: Þorsteinn ó. Thorarensen.
Ritstjórnarskrifstofur Laugavegi 178.
Auglýsingar og afgreiðsla Ingólfsstræti 3.
Áskriftargjald er 70 krónur á mánuði.
1 lausasólu 5 kr. eint. — Simi 11660 (5 línur).
Prentsmiðja Visis. — Edda h.f.
ranHnroinfJHUMamn——mMgCTMiMimwM i n ||||||IUIDHI||H||M—1—m
Áskorun til þjóðarinnar
j ályktun Flokksráðs Sjálfstæðisflokksins, sem haldið
var á laugardaginn, er skorað á alla landsmenn að
veita atbeina sinn til þess að þær ráðstafanir megi tak-
ast, sem innan skamms verða gerðar til þess að tryggja
gengi krónunnar.
Á miklu ríður að menn geri sér ljóst, að þáttaskil
eru nú í efnahagsmálum landsins. Grípa verður til rót-
tækra ráðstafana til þess að tryggja að sá árangur, sem
viðreisnin hefur náð, brenni ekki upp í eldi nýrrar
verðbólgu og krónufalls. Þær ráðstafanir munu gerðar
af ríkisstjórninni og stjómarflokkunum innan mjög
skamms tíma, og munu hafa víðtæk jafnvægisáhrif á
öllum sviðum efnahagslífsins.
Önnur ríki, svo sem Danmörk og Frakkland, hafa að
undanförnu gripið til ýmissa ráðstafana til þess að
tryggja efnahag sinn og koma á jafnvægi. Þar hefur
árangurinn orðið góður.
Þess er að vænta, að ekki takist síður vel til hér á
landi og unnt verði að tryggja áfram góð lífskjör og
jafnvægi í þjóðarbúskapnum.
Slysunum fjölgar
11« í blaðinu var frá því skýrt á laugardaginn, að árið
í ár sé lang mesta slysaárið hér í Reykjavík, sem
komið hefur. Fram til þessa hafa orðið 2150 árekstrar
og bifreiðaslys frá áramótum. Það er mjög há tala og
þeir skipta tugum, sem slasazt hafa á þessum tíma,
sumir hafa látizt, aðrir eru örkumla menn.
Þessa óheillaþróun verður að stöðva. Ráðin til þess
eru ýmis, en ekkert þeirra auðvelt í framkvæmd.
Þyngja má refsingar fyrir umferðarbrot og auka
jafnframt löggæzlu á vegunum. Þá má einnig herða
eftirlit með hæfni ökumanna og jafnvel láta þá ganga
með nokkru millibili undir sérstakt hæfnispróf, eins og
fiugmenn verða að undirgangast. Og loks má auka
mjög umferðarfræðslu í skólum og á vinnustöðum, og
brýna árvekni og tillitssemi fyrir ökumönnum.
Vöruskiptajöfnuðurinn
Xölurnar sem Hagstofan birtir mánaðarlega um vöru-
skiptajöfnuðinn eru góður mælikvarði um heilbrigði
efnahagslífsins. Þær gefa til kynna hvort ástandið er
gott eða hvort það er sjúkt. Engin þjóð getur um lengri
tíma flutt miklu meira inn en hún flytur út. Þá eyðast
allir gjaldeyrissjóðir og jafnvægið hverfur.
Fyrir nokkrum dögum birti Hagstofan nýjar tölur
um vöruskiptajöfnuðinn. Þær gáfu til kynna, að mjög
hefur sigið á ógæfuhliðina. Hann er orðinn óhagstæður
um 700 millj. króna frá áramótum. Engum dylst, að
kippa verður í taumana og gera þær ráðstafanir, sem
breyta þessari óheillavænlegu þróun. Aftur verður að
nást jafnvægi milli innflutnings og útflutnings.
Þessi mynd var tekin, er ein Globemasterflugvélanna var nýlent á Mildenhall herflugvelli í Vest-
ur-Þýzkalandi með 80 hermenn eftir 10 klst. flug frá Texas.
Loftflutningarnir miklu
vöktu beyg í V.-Þýzkalandi
Það er þegar rætt mikið um
hinar fyrirhuguðu heimsóknir
Ludwigs Erhards, hins nýja for-
sætisráðherra Vestur-Þýzka-
lands til Parísar, Lundúna og
Washington.
í fréttum frá Bonn um þetta
segir: Ludwig Erhard forsætis-
ráðherra mun fara þegar í nóv-
emberlok til Frakklands og
Bandarxkjanna. Hann skýrði frá
því á fundi Kristilega lýðræðis-
flokksins, að hann mundi verða
í París 21, —22. nóvember til við
ræðna við de Gaulle forseta og
í Washington 24.-26. nóv. til
viðræðna við Kennedy forseta.
Það er einnig ákveðið, að hann
fari til London til viðræðna við
Sir Alec Douglas Home, forsæt-
isráðherra Bretlands. Opinber
talsmaður í Bonn sagði nýlega,
að Ludwig Erhard óskaði eftir
að ræða við forustumenn allra
bandalagsþjóða Vestur-Þýzka-
lands.
Að þvf er heimsóknirnar til
Parisar og Washington varðar,
er þess getið, að honum var
boðið þangað persónulega. Fund
með de Gaulle átti allar götur
að halda fyrir áramót næstu, en
samkvæmt fransk-þýzka sátt-
málanum, er gert ráð fyrir fund
um annað veifið til viðræðna
um rhál á grundvelli sáttmál-
ans. Og að því er hinn fyrir-
hugaða Washington-fund varð-
ar, er sagt, að Kennedy forseti
hafi þegar í júní síðastliðnum
boðið væntanlegum kanzlara
Vestur-Þýzkalands að koma
vestur.
Erhard hefir nú fengið fyrsta
tækifæri sitt til viðræðna við
Dean Rusk utanríkisráðherra
Bandaríkjanna, sem kom til
Bonn undir lok fyrri viku. Rusk
ræddi einnig við Adenauer fyrr-
verandi kanzlara og von Hassel
landvarnaráðherra Vestur-Þýzka
lands.
Fréttaritarar segja, að enn
hafi verið rætt um loftflutning-
ana miklu í fyrri viku (Operati-
on Big Lift), er flytja skyldi
heilt vélaherfylki á þremur sól-
arhringum ffá Texas til Vestur-
Þýzkalands. Hér var um 15—16
þúsund hermenn að ræða, létt-
vopnaða — en skriðdrekar her-
fylkisins og önnur þungaher-
gögn biðu í V.-Þ., og að flutn-
ingunum loknum hóf það þátt-
töku í heræfingum. Þessir loft-
flutningar gengu svo vel —
þrátt fyrir mjög óhagstætt veð-
ur, að þeim var iokið á 53y2
klukkustund. Hér var í reynd-
inni um ákaflega mikilvæga
hernaðarlega æfingu að ræða —
til þess að sýna og sanna, að
Bandaríkin væru þess megnug
að flytja heil herfylki heimsálfa
milli, er mikið lægi við, á mjög
skömmum tíma. Og sönnunin er
talin fengin þar sem æfingin
heppnaðist með ágætum, þrátt
fyrir óhagstæð skilvrði.
En nú magnaðist kvx'ði vestur-
þýzki-a leiðtoga, einmitt vegna
þess hve vel gekk, að það myndi
leiða til þess, að 3andaríkin
teldu ekki ástæðu til þess að
hafa eins mikinn herafla fram-
vegis í V.-Þ. sem að undan-
förnu, þar sem hægt yrði að
flytja mikið lið í skyndi, ef horf
ur versnuðu skyndilega. Frétta-
menn telja víst, að loftflutning-
arnir og lið Bandaríkjanna f
V.-Þ. hafi verið meðal höfuð-
rnála, er þeir ræddu, Erhard
og Rusk..
Rusk sagði eftir fundinn með
fyrrnefndum forustumönnum, að
hann væri hinn ánægðasti með
viðræðurnar. Samtímis var það
haft eftir yfirmanni hersveita
Bandaríkjanna í V-Þýzkal., að
þau myndu hafa þar áfram þau
6 herfylki, er þau hafa þar
„meðan þess væri þörf“.
Um tíma horfði svo, að hvirf-
ilvindurinn Ginny myndi trufla
þessa loftflutninga með alvar-
legum afleiðingum — og mikill
kvíði var ríkjandi, er ofan á
bættist hin illu vgðurlæti af
völdum hvirfilvindsins, að
vegna svartaþoku varð að loka
flugvellinum í Frankfurt og
fleiri flugvöllum í 5 klukku-
stundir. En við hernaðarlega æf-
ingu sem þessa má helzt ekkert
út af bera, allt verður að ganga
„eins og klukka". Sumar Globe-
master-flugvélarnar, sem fluttu
liðið, gátu ekki lent þar sem
þeim var ætlað, og lentu sumar
þeirra í Ramstein og Sembach.
Forustuflugvélin hafði orðið að
fljúga yfir hafið gegn vindi, sem
fór með 50 kílómetra hraða, og
var 2y2 klst. á eftir áætlun.
Loftflutningarnir eru taldir af
Frh. á bls. 7.