Alþýðublaðið - 03.03.1966, Side 8

HAROLD WILSON, forsætis-
ráðherra Breta, hefur tekið afdrifa
ríkustu ákvörðunina á stjórnmála
ferli sínum. Hann hefur ákveðið
að þing skuli rofið og gengið verði
til nýrra kosninga 31. marz. Á-
kvörðunin er tekin í trausti þess,
að kjósendur veiti honum öruggan
þingmeirihluta svo að hann geti
ótrauður hrint mörgum baráttu-
málum sínum í framkvæmd.
Wilson hefur sýnt mikinn kjark
og þrautseigju þá sextán mánuði
sem hann hefur verið við völd, og
ekki látið nauman meirihluta
flokks síns á sig fá. Uppliaflega
hafði hann fimm atkvæða meiri
hluta í Neðri málstofunni og um
skeið hafði hann aðeins tveggja
þingsæta meirihluta. Og á því
leikur enginn vafi, að flestir Bret
KASTLJÓS
ar hafa dáðst mjög að leikni Wil
sons við að halda völdunum í þess
um erfiðu kringumstæðum. Wil-
son hefur orðið að stunda erfiða
jafnvægislist og aldrei látið bug
ast þótt við ramman reip hafi
verið að draga.
Það er engum vafa undirorpið
að persónulega er Wilson í miklum
metum hjá brezkum kjósendum
þrátt fyrir nokkrar óvinsælar bráða
birgðaráðstafanir, sem hann hef
ur orðið að grípa til í því skyni
að koma efnahag landsins á réttan
kjöl. Störf Wilsons í forsætisráð
herrastarfinu hafa glatt stuðnings
menn hans og ruglað andstæðing
ana í ríminu. En tvö erfiðustu
viðfangsefnin, sem Wilson hefur
fengið til meðferðar, Rhodesíu-
deilan og efnahagsvandamálin,
eru ennþá óleyst. Árangur stefnu
hans í þessum erfiðu vandamál
um er enn ekki komið í ljós, en
ekki verður hægt að fella örugg
an dóm um stjórnarstörf hans
fyrr en árangurinn kemur í Ijós.
Wilson tók strax til óspilltra
málanna or hann varð forsætis
ráðherra 16. október 1964 og geklc
rækilega til verks. Hann reyndi
að feta í fótspor Kennedys heit
ins forseta, sem heitið hafði kjós
endum því, að fyrstu hundrað
dagar stjórnarferils hans mundu
einkennast af umsvifamiklum
framkvæmdum. Wilson gerði þessi
orð að sínum, kom á fót nýjum
ráðuneytum, réði til sín nýja
menn úr háskólum og iðnaði og
lagði fram margar áætlanir um
umbætur og ný lög. En brezkt
blað' hefur komizt svo að orði, að
Wilson haff ætlað sér að verða
„Kennedy" en orðið „johnson“.
Raunsæi hans og hæfileiki hans
til að bræða saman ólík sjónar
mið þykir að ýmsu leyti minna á
forseta Bandaríkjanna.
Greinilegt var á öllu, að Wil
son var staðráðinn í að koma breyt
ingunum til leiðar. Vinnuþrek
hans var gífurlegt, hann knúði ráð
herra sína miskunnarlaúst áfram
og ætlaðist til að þeir legðu eins
hart að sér og hann sjálfur. Um
leið fór ei á milli mála, að hann
naut þess að hafa völdin í sín
um höndum og hann var uppfull
ur af nýjum hugmyndum.
Skopteiknarar dagblaðanna gáfu
honum brátt viðurnefnið „Harold
hinn dugmikli", en andstæðingar
hans gáfu fljótlega í skyn, að
margar hugmyndir hans væru
gabb eitt og til þess eins ætlaðar
að veiða atkvæði.
En hinn venjulegi kjósandi virt
ist vera ánægður með nýja for-
sætisráðherrarin. Hvað sem öðru
leið virtist hann vilja koma rót
tækum breytingum til leiðar og
það var ólíkt því sem menn áttu
að venjast af íhaldsmönnum síð
ustu árin sem þeir voru við völd.
Þegar pípureykingamaðurinn
Wilson, sem ættaður er frá Yorks
hire og af miðstéttarfólki kominn
fluttist í hinn opinbera bústað
brezkra forsætisráðherra í Down
ing street nr. 10 var úti um værð
ina, sem þar svífur venjulega yf
ir vötnum. Margir virðulegir em
bættismenn hneyksluðust þegar
hann sagði milljónum sjónvarps
áhorfenda: Ég er eini forsætisráð
herrann sem burstar skóna sína
sjálfur. Smám saman hefur Wil
son i æ ríkari mæli sett mót sitt
á stjórn landsins. Wilson nýtur
aðdáunar margra, mörgum er í
nöp við hann en engum getur lát
ið sér standa á sama um hann.
ÓSKRIFAÐ BLAÐ.
Ándstæðingur Wilsons, Edward
Heath, sem tók við forystu íhalds
flokksins, fyrir aðeins níu mánuð
um af Sir Alec Douglas-Home, á
enn eftir að sanna að hann sé vel
ti] forystu fallinn. Völd hans í
flokknum verða í hættu ef honum
tekst ekki að leiða flokk sinn til
sigurs í væntanlegum kosningum.
Framhald á 10. síðu.
Wilson ocj Home við setningu þingsins 1964.

S 3. marz 1966 - ALÞÝÐUBLAÐIÐ