Bókasafnið - 01.01.1974, Blaðsíða 3

Bókasafnið - 01.01.1974, Blaðsíða 3
STEFÁN JÚLÍUSSON Almenningsbókasöfn og ævilangt nám Grein þessi er útvarpserindi, sem höf. flutti í júlí 1972. Vorið 1972 var haldin í Danmörku á veg- um Evrópuráðsins ráðstefna um almenn- ingsbókasöfn og ævilangt nám. Ráðstefnan var haldin í skóla dönsku tryggingafélag- anna í Rungsted á Eyrarsundsströnd Sjá- lands, en þar er hin besta aðstaða til dvalar og fundahalda. Þátttakendur voru um 50 frá 20 Evrópulöndum. Vera má, að lesendur kippist ögn við, þegar þeir sjá orðasambandið „ævilangt nám". Kannski spyrja þeir ósjálfrátt: Hvað er maðurinn nú að fara? Eru umræður ekki nógar um fræðslu og menntun, skóla og nám, þótt ekki sé farið að masa um ævilangt nám? En leyfið mér að skýra þetta örlítið nánar, áður en lengra er haldið. Hvað er œvilangt ndm? Á síðari árum hefur mikið verið rætt og ritað um fræðslu fullorðinna, alþýðumennt- un eða almenningsmenntun. Ráðstefna sú, sem hér um ræðir, fjallaði um þetta efni jafnhliða almenningsbókasöfnum. Rétt þýð- ing á öðrum lið yfirskriftar ráðstefnunnar „permanent education" eða „éducation per- manente" væri þó alls ekki fullorðinsfræðsla eða eitthvað þess háttar, því að inntakið í erindum og umræðum á ráðstefnunni var miklu víðfeðmara og almennara en hið til- tölulega þrönga viðtekna hugtak fræðsla. Og áberandi í huga hið gamla, íslenska spak- mæli „svo lengi lærir sem lifir", hef ég leyft mér að kalla viðfangsefnið ævilangt nám. En hvað er þá ævilangt nám? Með hlið- sjón af viðfangsefni og umræðum á ráð- stefnunni er einnig rétt að gera nokkra nán- ari grein fyrir því atriði. Ekki þarf að orðlengja það, hversu þjóð- félagshættir hafa breyst mjög á síðustu ár- um og áratugum, svo að viðhorf fólks til starfa eru öll önnur en áður var. Tækni kallar á kunnáttu, nýjar vélar heimta end- urhæfingu, ný efni krefjast nýrrar þekking- ar. Áður gat sami maður unnið sömu störf með svo að segja sömu verkfærum og sömu handtökum alla ævi. Þetta er liðin saga. Fjöl- breytileiki starfa, verkfæra, efnis og að- stæðna eykst með ári hverju. Nýtt og óþekkt tekur við af gömlu og þekktu. Þessu er ekki síður til að dreifa um skoðanir, kenningar

x

Bókasafnið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bókasafnið
https://timarit.is/publication/245

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.