Bókasafnið - 01.01.1974, Blaðsíða 5

Bókasafnið - 01.01.1974, Blaðsíða 5
/ aldri, sem jafnan vill fræðast og leita sér nýrrar þekkingar til að auðga líf sitt og efla þroska sinn. Þetta eru einstaklingar, sem vilja afla sér betri þekkingar á tilteknu áhugasviði eða vegna tómstundaiðju, mest til ánægju og hugarhægðar, en stundum hópar um ákveðið verkefni, annaðhvort til nytsemdar eða lífsfyllingar. Það ræður af líkum, að langerfiðast er að koma til móts við óskir þessara sundurleitu hópa eða einstaklinga og leggja þeim lið í viðleitni þeirra, tilraunum og könnunum. Leshringir, námsflokkar og föndurhópar aldraðs fólks eru þekktir, en sjálfsnám ein- staklingsins fer fram á hljóðlátari hátt, oft- ast í kyrrþey og á eigin spýtur. Bókasafnið vettvangur leitandi fólks Það var samdóma álit allra fulltrúa á um- ræddri ráðstefnu, að nútíma þjóðfélag þyrfti að koma til móts við og veita sem besta aðstöðu öllum þeim hópum fólks í ævi- löngu námi, sem hér hafa verið nefndir. Það var einnig skoðun fulltrúa, að almenn- ingsbókasafnið þyrfti og ætti að leggja fram mikinn skerf til þessarar starfsemi. Það væri sá vettvangur, sem best ætti að vera til þess fallinn að verða við óskum, þörfum og kröf- um hins venjulega þegns í ævilöngu námi. Höfuðviðfangsefni ráðstefnunnar var að ræða og kryfja til mergjar, hvernig almenn- ingsbókasafn ætti að vera búið gögnum, húsrými og mannafla til að geta sinnt því hlutverki sínu á sem bestan hátt að vera borgurunum aðfanga- og athafnavettvang- ur í menningarviðleitni þeirra til þroska, menntunar og ánægju. Fjögur erindi voru flutt um búnað og gögn almenningsbóka- söfn, og tvö fullkomnustu borgarbókasöfn á Sjálandi voru skoðuð í þessu augnamiði. Ég skal fúslega játa það hér, að vafalaust kann mörgum íslendingum að koma það kynlega fyrir sjónir, að bókasafn skuli vera álitið svo mikils virði í uppbyggingu þeirr- ar menningarstarfsemi, sem hér hefur verið nefnt ævilangt nám. Örfá almenningsbóka- söfn á Islandi eru svo vel úr garði gerð, að þau gætu sinnt þessu verkefni, svo að veru- legu gagni kæmi. Til þessarar staðreyndar má vafalaust rekja þá ráðstöfun fræðsluyf- irvalda, að þegar skipuð var nefnd til að undirbúa og gera tillögur um fræðslu full- orðinna, var þar enginn fulltrúi, sem hafði sérþekkingu á bókasafnsstarfsemi. Sennilega hefði þetta hvergi getað gerst nema hér á landi, og er það allgóður vitnisburður um þann skilning á uppbyggingu og starfsemi almenningsbókasafns, sem ríkt hefur hér fram til þessa. Stjórnvöld og almenningur hafa ekki litið á bókasafnið sem alhliða menningarstofnun, heldur miklu fremur sem takmarkaða útlánastöð bóka. Þessi skoðun verður að breytast, ef þjóðfélag þétt- býlis, nýrra vinnubragða og lífsviðhorfa á að vera fært um að veita þegnunum þá nauðsynlegu mannbót og það menningar- framlag, sem felst í hugtakinu ævilangt nám. Auknar frístundir hrópa á betra bókasafn. Félagsheimili og bókasafn Hvergi kemur betur í ljós hinn takmark- aði skilningur yfirvalda á hlutverki al- menningsbókasafna í nútímaþjóðfélagi en í skipulagningu og uppbyggingu hinna svo- kölluðu félagsheimila. Á undanförnum ára- tugum hefur hundruðum og aftur hundr- uðum milljóna verið varið til byggingar glæsilegra félagsheimila úti um allt land. Ætla hefði mátt, að bókasafn sveitarfélags- ins eða héraðsins hefði yfirleitt fengið gott rými og aðstöðu í þessum stóru og dýru félagsheimilum. Lestrarfélagið eða bóka- safnið var þó alla jafna ein elsta menning- arviðleitnin í sveitinni eða héraðinu og átti sums staðar ríkan þátt í að efla félagsþroska fólks og menningarframsókn. En með ör- fáum undantekningum hefur þessu verið öfugt farið. Venjulegast er bókasafninu hol- að niður í kjallarakompu eða afkima til hliðar i hinum glæsilegu félagsheimilum, 5

x

Bókasafnið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bókasafnið
https://timarit.is/publication/245

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.