Bókasafnið - 01.01.1974, Síða 22

sem gefa gott yfirlit yfir það besta, sem
aðrar þjóðir framleiða fyrir börn.
En Barnabókastofnunin hefur fleira en
barnabækur. Þar er einnig að finna bók-
menntasögu og upplýsingarit um barnabæk-
ur allra þjóða, sem eitthvað láta málin til
sín taka. Handbækur er þar að finna um
sænskar jafnt sem erlendar barnabókmennt-
ir, myndskreytingar, lestrarvenjur barna,
ævisögur og upplýsingar um höfunda, tíma-
rit og blöð, sem fjalla um málefni barna,
bæklinga, sérprent og allt það efni sem
kemur inn á svið barnabókmennta. Um-
sögnum um barnabækur, innlendar og
erlendar, er safnað og alls er stofnunin
áskrifandi að nær 70 tímaritum, sem öll
fjalla um börn og bækur á ýmsum tungu-
málum og frá ýmsum löndum. Barnabæk-
urnar eru nú um 18.000 og handbókakost-
urinn, sem er sá stærsti í Svíþjóð á þessu
sviði, telur nú um 2.500 bindi.
Ýmislegt er á döfinni hjá Barnabóka-
stofnuninni, og mörg þau verkefni sem hún
hefur beitt sér fyrir, t. d. er ætlunin að
koma upp safni af myndum af öllum barna-
bókahöfundum og teiknurum, svo og sýn-
ishomum af leturgerðum, sem barnabæk-
ur hafa verið prentaðar með gegnum ald-
irnar, svo örfá atriði séu nefnd.
Sænska barnabókastofnunin er til húsa í
„Slátrarabænum“ (Slaktargárden), sem vit-
að er að til var þegar árið 1711. Þetta hús
var í eigu tveggja slátrara frá 1765—1924 að
Stokkhólmsborg keypti húsið og er það nú
eitt af sögulegum minjum borgarinnar. Á
neðri hæð hússins er stór les- og fundar-
stofa, tvö herbergi fyrir uppsláttar- og hand-
bækurnar, eitt skrifstofuherbergi og eitt
vinnuherbergi fyrir bókamóttöku og „pakk-
hús“. Efri hæðin, sem er undir súð, hefur
einnig verið innréttuð í þágu safnsins og er
þar skrifstofa yfirbókavarðarins og smáeld-
hús. Áföst hlaða var tengd aðalsafninu með
gangi og er þar rúm fyrir um 10.000 bama-
bækur. Enn er háaloftið ótalið, sem er óinn-
réttað, en eins og sjá má býr safnið þegar

Slátrarabærinn.
22