Dagur - 28.11.1997, Blaðsíða 4

é- röSTVDAGVR 28.NÓVEMBER 1997
FRÉTTIR
L ■ A
Skuldir bæjarsjóðs Selfoss aukast
Áætlun bæjarsjóðs Selfoss um skatttekjur að upphæð 601,6 millj. kr.
virðist ætla að standast. Á hinn bóginn benda Iíkur til að almenn
rekstrargjöld hækki úr 462,0 millj. kr í 473,3 millj. kr. Það gerist fyrst
og fremst vegna hækkunar Iauna. Fjárfestingar bæjaryfirvalda eru
rösklega 28 millj. kr. meiri en áætlað var, fyrst og fremst vegna við-
gerða á nýju húsnæði bæjarskrifstofa að Austurvegi 2. Þetta þýðir að
nettóskuldir bæjarsjóðs munu á árinu hækka um tæpar 30 millj. kr.,
eða úr 56 þús. í 62 þús. á hvern íbúa. „Þrátt fyrir þessa hækkun telst
Ijárhagsstaða bæjarsjóðs Selfoss góð,“ segir í bókun sem samþykkt var
á bæjarstjórnarfundi á Selfossi í sl. viku.
Mjólkuriimleggjeiidiiiii fækkar
Alls 11 innleggjendur hjá Mjólkurbúi Flóamanna hafa hætt frá 1.
september sl. þegar nýtt framleiðslutímabil hófst. Þá hafa frá áramót-
um hætt alls 27 framleiðendur á svæði MBF, sem nær frá Olfusi og
austur í Álftafjörð í Suður-Múlasýslu. Það var um síðustu ármót sem
innleggjendur á Austurlandi komu inn á svæði MBF og eru þeir 24
talsins. Garðar Eiríksson, fjármálastjóri MBF, segir í viðtali við Dag-
skrána, að með tilliti til þessarar viðbótar hafi aðeins þrír innleggjend-
ur hjá MBF hætt á árinu. I dag eru um 450 innleggjendur hjá MBF
en búist er við að á næstu 5 til 10 árum fækki þeim um að minnsta
kosti hundrað.
Fjárhagsstaða siukrahúss verði bætt
Bæjarstjórn Selfoss samþykkti á fundi sínum í sl. viku að beina til-
mælum til heilbrigðisráðherra og fjárlaganefndar Alþingis um að
leysa fjárhagsvanda Sjúlcrahúss Suðurlands og Heilsugæslustöðvar
Selfoss. Fram kom á fundinum að höfuðstóll sjúkrahússins sé nú nei-
kvæður um 26 millj. kr. og heilsugæslu um 8,5 millj. kr. Bæjarstjórn
leggur til að fjárveitingar verði auknar, bætt verði við stöðu heilsu-
gæslulæknis og að veitt verði fé til áframhaldandi vinnu við undir-
búning framkvæmda við sjúkradeild og stækkun heilsugæslustöðvar.
Þá segir bæjarstjórn Selfoss að marka verði stefnu í málefnum sjúkra-
hússins, það er að efla afköst og sérfræðiþjónustu.
LnUUUII INNLENT
Blaðamennska á
21. öldiiuii
Nemar í Hagnýtri fjölmiðlun við
Háskólann standa fyrir málstofu
um íslenska blaðamennsku á 21.
öld, í Odda næstkomandi laugar-
dag kl. 14-16.
Styrmir Gunnarsson, ritstjóri
Morgunblaðsins, fjallar um nýja
sókn íslenskra fjölmiðla. Lúðvík
Geirsson, formaður Blaðamanna-
félagsins, ræðir um atvinnumögu-
leika blaðamanna á 21. öld. Stefán
Jón Hafstein, ritstjóri Dags, fjallar
um breytt eignarhald á fjölmiðlum
og áhrif þess á störf blaða- og Lúðvík Geirsson, formaður Blaða-
fréttamanna. Hallgrímur Thor- mannafélagsins.
steinsson í Islandia Ijallar um upp-
lýsingarækt og annan rafbúskap á 21. öld og Þorbjörn Broddason pró-
fessor fjallar um blaðamennsku á háskólastigi.
Betri fundir hjá Rafmagnsveitimni
Allir yfirmenn Rafmagnsveitu Reykjavíkur hafa verið skráðir félagar í
nýjum bókaklúbbi Vöku Helgafells, sem heitir Betri árangur. Hann
er ætlaður fólki og fyrirtækjum og hugsaður sem leið til símenntun-
ar. I klúbbnum er boðið upp á bókaflokk sem heitir 50 mínútna bæk-
urnar og kemur út ein bók í mánuði um afmarkað efni.
Mörg fyrirtæki hafa þegar gengið í klúbbinn samkvæmt fréttatil-
kynningu Vöku-Helgafells en stærsti samningurinn er þó sá við raf-
magnsveituna.
-v&rr
100
-100
Staðarhreppur
Fremri-Torfustaðahreppur
677
Ytri-Torfustaðahreppur - 21.068 222
Hvammstangahreppur

649
Kirkjuhvammshreppur
Þverárhreppur
Þorkeishólshreppur
147.432 88
79
-37.165
32.276
-200
Peningaleg staða á íbúa 31.12 '96
krónur íbúar
200
Heilagt að upprekstrar-
félög haldi nytjarétti
Vestur-Húnvetningar
sameinast í eitt sveit-
arfélag næsta vor, ef
sameining hinna sjö
sveitarfélaganna í
sýslunni verður sam-
þykkt á laugardag.
Atkvæði verða greidd um sam-
einingu 7 sveitarfélaga í Vestur
Húnavatnssýslu á morgun.
Upphaflega var Bæjarhreppur í
Strandasýslu með í umræðunni,
enda hefur hreppurinn átt sam-
starf við Vestur-Húnvetninga á
ýmsum sviðum, t.d. í heilhrigðis-
og skólamálum. Bæjarhreppur
ákvað hins vegar að draga sig út
úr viðræðunum og olli það
mörgum sveitarstjómarmönnum
í Vestur-Húnavatnssýslu von-
brigðum.
Andstaða gegn sameiningu er
talin vera mest í Ytri-Torfustaða-
hreppi en íbúarnir sagðir viljugri
í Staðarhreppi, Fremri-Torfu-
staðahreppi, Kirkjuhvamms-
hreppi, Hvammstangahreppi,
Þverárhreppi og Þorkelshóls-
hreppi.
Verði af sameiningu tekur hún
gildi 7. júní 1998 eftir kosningu
sjö fulltrúa í sveitarstjórn. Ef til-
lagan verður felld í einu eða
fleiri sveitarfélaganna skal strax
tekin um það ákvörðun í hverju
hinna skuli kjósa aftur um sam-
einingu.
Stöðugt versnandi fjárhagur
Heimir Ágústsson á Sauðadalsá,
oddviti Kirkjuhvammshrepps,
segir að úrslit sameiningarkosn-
inga í Skagafirði og á Austfjörð-
um auki líkurnar á því að hrepp-
arnir sjö verði sameinaðir.
„Fjármál minnstu hreppanna
eru stöðugt að fara á verri veg,
t.d. kemur yfirfærsla á grunn-
skólunum mjög illa út, sérstak-
lega skólar með og undir 100
nemendur. Þar sem ástandið er
verst fer allt að 80% teknanna ti)
byggðarsamlaga, eins og Héraðs-
nefndar, sjúkrahúss, fbúða aldr-
aðra og skólaskrifstofu og þá
vandséð hvað sjö hreppsnefndir
hafa að gera. Þær hafa lítil áhrif
og verða að treysta á fulltrúa
sinn,“ segir Heimir Ágústsson.
- En í hverju felast helst rök
andstæðinga sameiningar?
“Það hefur ríkt svolítil tor-
tryggni í þeim sveitarfélögum
sem hafa upprekstrarfélög, þó
gengið hafi verið frá því að þau
haldi sínum nytjarétti, það er
heilagt mál í þeirra augum. For-
svarsmenn litlu skólanna í Stað-
arhreppi og Þverárhreppi eru
uggandi um að þeirra skólar
verði aflagðir. Þarna verða áfram
rekin skólasel eða kennsla
yngstu barna, sérstaklega í Vest-
ur-Hópi, þar sem eru vondir veg-
ir og miklar vegalengdir.
Ibúar til sveita eru einnig
mjög viðkvæmir fyrir breytingum
á tekjuskatti. Fjárhagsstaða
sveitarfélaganna er mjög mis-
munandi, t.d. er Kirkjuhvamms-
hreppur með um 14 milljónir
króna í tekjuafgang en Staðar-
hreppur er með 7 milljóna króna
neikvæða stöðu. Einnig hafa
ýmsir áhyggjur af því að stærsta
sveitarfélagið, Hvammstanga-
hreppur, standi illa, en miðað við
stærð hreppsins er staða hans
ásættanleg."
Lítið hefur verið rætt um nafn
á sveitarfélagið en viðmælendur
hafa talið einsýnt að það verði
annað hvort Húnabyggð eða
Húnaþing. — GG
Reikningar KSÍ eim
á elleftu stirndu
Fjármál KSÍ þróast í
góöa átt, segir for-
maöurijiii. Stjómar-
meiiii fá rejLknmgana í
hendur daginn fyrir
ársþing.
„Fjármál knattspyrnusambands-
ins hafa þróast í ágæta átt og
greiðslustaða þess í góðu lagi.
Það eru engin vandræði vegna
lausafjárstöðu eða útistandandi
krafna. Fleira vil ég helst ekki
segja um fjármálin fyrr en stjórn-
armenn hafa fengið reikninga
sambandsins í hendurnar," segir
Eggert Magnússon, formaður
KSI, í samtali við Dag, en árs-
þing sambandsins verður haldið
á Akureyri um næstu helgi.
Reikningar KSI verða ekki
Eggert Magnússon, formaður KSÍ: „Við
höfum nú til skoðunar hvernig skera
megi niður i landsliðakostnaði."
lagðir fram fyrr en á stjórnar-
fundi næstkomandi föstudag,
daginn áður en ársþingið hefst.
Aðspurður hvort ekki væri eðli-
legra að reikningarnir Iægju fyrir
með betri fyrirvara sagði Eggert
að hefð væri fyrir þessum vinnu-
brögðum, auk þess sem þingið
væri haldið viku fyrr en vanalega
og tíminn því knappari.
Eggert vildi ekki fara út í ein-
staka reikningsliði. „Eg get full-
yrt að greiðslustaðan er mun
betri en á sama tíma í fyrra. Ég
get líka nefnt að fyrsta árið í
rekstri okkar á Laugardalsvelli
kemur vel út. Samningarnir við
borgina hafa staðist fullkomlega
og allar áætlanir gengið eftir." Þá
sagði Eggert að fjármál KSI
hefðu versnað upp úr 1993 þeg-
ar sambandið tók á sig dómara-
gjöld og aukin mótagjöld, auk
þess sem landsliðakostnaður
hefði aukist talsvert, ekki síst út-
gjöld vegna kvennaliðanna. „Við
höfum nú til skoðunar hvernig
skera megi niður í landsliða-
kostnaði," segir Eggert. — FÞG