Dagur - 28.11.1997, Blaðsíða 13

T£y«-
FÖSTUDAGUR 2 8.NÓVEMBER 1997 - 13
GOLF
Eyj avöllurmn
fær frábæra dóma
Golfvöllurinn í Vestmannaeyj-
um fær frábæra dóma hjá
Golf.com, sem er ein stærsta
fréttastofa um golf á alnetinu.
Time-Life útgáfan í Bandaríkj-
unum, sem stendur að baki út-
gáfu á útbreiddasta golftímariti
heims, Golf Digest, rekur frétta-
stofuna GoIf.com. Fréttamaður-
inn Alistair Nicol lék á vellinum
síðasta sumar og skrifaði í síð-
asta mánuði án efa þá lofsam-
legustu grein sem skrifuð hefur
verið um íslenskan golfvöll.
Fréttamaðurinn sagði meðal
annars að Vestmannaeyjavöllur-
inn væri „most dramatic course
in the world" sem útlaggst gæti
sem „viðburðaríkasti völlur
heims.“ Umhverfi vallarins væri
stórfenglegt og það væri hrein
og klár „veisla“ að spila á vellin-
um.
Eitt af því sem Nicol virðist
hafa hrifist af í dvöl sinni hér á
landi, er að íslenskir klúbbar séu
lausir við allan munaðinn sem
fylgir svo mörgum einkaklúbb-
um í Bandaríkjunum, þar sem
hægt sé að finna líkamsræktar-
stöðvar, leikfimisali og sundlaug-
ar við klúbbhúsið. Þessu sé ekki
svo farið á Islandi, þar skipta
menn um skó, fara að spila og
eftir hringinn fái menn sér
hressingu saman. Svali þorstan-
um og snæði lostætt hangikjöt
eða síld áður en farið er út á völl
aftur. Hann segir að íslenskir
kylfingar séu orðnir vanir að
bjarga sér úr ótrúlegum þrautum
sem náttúran leggi fyrir þá og
mælir með þ\á við lesendur að
menn leiki Vestmannaeyjavöll-
inn í júní, þegar sólin sé á lofti
nær allan sólarhringinn.
yðlliir fyrir Grenshaw
I greininni er saga vallarins rak-
in og meðal annars sagt frá gos-
inu 1973 og að eftir það hafi
þurft að moka tveggja metra
öskulag til að hægt væri að spila
á honum. Síðan hafi aðrar níu
holur verið byggðar í stórfeng-
legu umhverfi og að Eyjavöllur-
inn myndi útsýnismestu átján
holur veraldar. Blaðamaðurinn
sagði að þetta væri völlur sem
hinn nýskipaði Ryderbikar liðs-
stjóri Bandaríkjanna, Ben
Grenshaw, mundi kunna vel við.
Hann sagði að vallaraðstæðurn-
ar mótuðust óneitanlega af ná-
lægðinni við Norðurheimskauts-
baug. En þó golftímabilið á ís-
landi væri stutt yrðu minning-
arnar um einlægt vinarþel og
hinn ótrúlega áhugi eyjaskeggja
langlífar í minningunni. — FE
Tiger Woods hefur
hagnast vel á árinu
Margt hefur breyst frá því 27.
ágúst á sfðasta ári þegar Banda-
ríkjamaðurinn Tiger Woods hélt
blaðamannafund sem hann hóf
á orðunum „Halló, heimur" og
tilkynnti að hann hefði ákveðið
að gerast atvinnumaður. Talið er
að frá og með þeim fundi hafi
ásýnd íþróttarinnar breyst og
umfang hennar stóraukist. Tig-
er-æðið náði hámarki eftir Mast-
er-mótið í apríl á þessu ári, en
því er langt í frá lokið.
A þessu ári stilltu rúmlega
þrjátíu milljónir bandarískra
heimila yfir á útsendingar sjón-
varpsstöðva frá lokahringjunum
á risamótunum fjórum, í stað
rúmlega nítján milljóna í fyrra og
þessa gíl’urlegu aukningu þakka
margir þessum 21 árs dreng.
Miðasala á mót hefur stóraukist,
svo ekki sé talað um sölu á hin-
um ýmsu golfáhöldum. Móts-
haldarar á þeim mótum, sem
Tiger Woods hefur leikið á, hafa
komið brosandi lram og sagt að
uppselt sé á mótin hjá þeim, oft
í fyrsta skipti.
Sjö milljarðar á fyrsta árinu
Talið er að tekjur Tiger Woods á
fyrsta árinu hafi numið 100
milljónum bandaríkjadala, eða
sem nemur 7,5 milljörðum ís-
lenskra króna. Tiger varð á þessu
ári fyrsti kylfingurinn til að
vinna sér inn tvær milljónir dala
í verðlaunafé á bandarísku PGA-
mótunum og svipaða upphæð
hefur hann fengið greitt fyrir að
mæta á mót utan Bandaríkj-
anna. Aætlað er sportvörurisinn
Nike hafi fært Tiger 42 milljónir
bandaríkjadala fyrir að klæðast
fatnaði frá fyrirtækinu fyrir
næstu fimm ár. Margir töldu for-
ráðamenn Nike hafa skotið sig í
löppina þegar þeir gerðu samn-
inginn, en annað hefur komið á
daginn. Þegar á síðasta ársfjórð-
ungi 1996 jókst sala fyrirtækis-
ins um 55-60% og heyrst hefur
að fyrirtækið ætli^sér stóra land-
vinninga á golfmarkaðnum, með
kaupum á einu af stóru fram-
leiðendunum innan skamms.
Tiger er einnig með fimm ára
samninga við golfvöruframleið-
andann Titleist, greiðslukorta-
fyrirtækið American Express, úr-
aframleiðandann Rolex auk þess
er hann einn eigenda All-star
Café, skyndibitakeðju í Banda-
ríkjunum. Þrátt fyrir að Tiger
Woods hafi ekki náð sér á strik á
síðari hluta ársins, virðast áhrif
hans enn vera gífurleg.
Fáir frá
Evrópu á
topp 100
Aðeins sextán Evr-
ópubúar eru á meðal
þeirra 100 bestu á
heimslistanum og
sumir Evrópubúar
telja að það stafi að
galla styrkleikakerf-
isins, sem taki ekki
nægilegt mið af
frammistöðu á evr-
ópsku mótaröðinni.
„Við eigum mun
fleiri spilara í þess-
um hópi,“ sagði
Skotinn Colin
Montgomerie, sem
hefur verið sigursæl-
asti kylfingur Evrópu
á undanförnum
árum. Montgomerie Colin Montgomerie.
lét ummælin falla
eftir að Paul McGinley og Padraig Harrington tryggðu Irum heims-
meistaratitilinn í liðakeppni atvinnumanna um síðustu helgi. Þess
má geta að 37 Bandaríkjamenn eru á meðal hundrað efstu, fimm
Astralir, þrír frá Suður-Afríku og Japan, tveir frá Zimbabwe, einn frá
Fiji, Nýja Sjálandi, Argentínu og Paraguay.
Sherry komst ekki áfram
Gordon Snerry, sem til margra ára var talið. svar Evrópu við Tiger
Woods, náði ekki að vinna sér sæti á Evrópumótaröðinni. Sherry,
sem er fyrrum Evrópumeistari áhugamanna og vann Tiger Woods
með yfirburðum í keppni þeirra um lægsta áhugamannaskorið á
Opna breska meistaramótinu fyrir tveimur árum, lék holurnar 72 á
úrtökumótinu á Spáni á þremur yfir pari. Englendingurinn Paul
Way, sem sæti átti á evrópsku mótaröðinni, kom inn á sama skori og
einnig Birgir Leifur Hafþórsson. Þremenningarnir urðu í 68.-85.
sæti af 180 keppendum, en þeir hafa keppnisrétt á Challenge-mót-
unum. Gordon Brand jr., sem var einn af frægustu kylfingum Breta
íyrir áratug, náði heldur ekki að komast í gegn. Brand var einn 22
kylfinga sem lauk ekki keppni.
Drap rnann með aftursveifhumi!
Lögfraeðingur frá Malasíu, sem nýbyrjaður var að stunda golf, lét líf-
ið fyrr í vikunni á golfvelli í Kuala Lumpur. Anthony Phua, 35 ára
gamall, fékk kylfu félaga síns í hálsinn í aftursveiflunni og höggið
feykti lögfræðingnum niður á jörðina. Phua stóð á fætur, baðst afsök-
unar á því að hafa orðið fyrir kylfunni, áður en hann hné aftur til
jarðar, örendur. Lögreglan gerði kylfur spilafélagans upptækar.
Gestur hestur í Golfheimi
Gestur Sigurðsson úr Golfklúbbnum Keili sigraði á þriðja móti vetr-
arins í Golfheimi um síðustu helgi. Gestur fór hringinn á 29 högg-
um, jafnmörgum höggum og Leifur Gíslason úr NK sem varð annar.
Kristján Jóhannesson úr GR var á 30 höggum. Fjórða púttmót vetr-
arins í Æfingastöðinni Golfheimi verður haldið á sunnudaginn og
keppni stendur yfir frá kl. 9-20. Þátltökugjald er kr. 500. Veitt eru
verðlaun fyrir hvert mót og þrjú efstu sætin gefa jafnframt rétt til að
leika á stórmóti síðar í vetur þar sem meðal annars er keppt um
ferðavinninga.
Besta höggid í Evrópu
Síðasta teighögg Colin Montgomerie í Ryderbikarnum á Valderama
veliinum var valið högg ársins í Evrópu, en sem kunnugt er tryggði
Evrópa sér sigur í keppninni með jafntefli þeirra Montgomerie og
Scott Hoch í síðasta leiknum. „Þetta er besta upphafshögg sem ég
hef slegið í lífinu," sagði Montgomerie sem notaði 3-tré. Bolti hans
fór 250 metra leið yfir tré og hafnaði á miðri braut. Montgomerie átti
einnig besta höggið í fyrra, sem var annað högg hans inn á par fimm
holu í Dubai.
Breytingar á heim gamla í St.
Andrews
Fyrir nokkrum árum síðan hefði það verið talið óhugsandi að breyta
gamla vellinum á St. Andrews, en nýlega var gripið til þess ráðs að
byggja sex nýja teiga til að lengja holurnar. Breytingarnar koma til af
því að með tækninýjungum í gerð golfáhalda eru kylfingar farnir að
slá mun lengra en fyrir tveimur áratugum. Það hefur meðal annars
valdið því að margar glompur á brautum eru ekki í leik, þar sem
margir geta nú slegið yfir þ'ær á flugi. Nýir teigar eru nú á 3., 6., 10.,
13., 15. og 16 holu.