Dagur - 12.05.1998, Blaðsíða 5

ÞRIDJUDAGUR 12.MAÍ 1998 - S
FRÉTTIR
Tíu hugmyndir að
kj ördæmaskipan
Tillögur kjördæmanefndar hafa fengið misjafnar viðtökur hjá þingmönnum.
Mörgum landsbyggðarþingmönnum þykja þær ganga of langt.
Kjördæmanefnd hefur
skilað frá sér til al-
þingismanna.
Þetta er hugmyndaplagg um
breytingar á kjördæmaskipun
landsins. Um er að ræða 10 hug-
myndir að breytingum sem þing-
menn fá til skoðunar. Síðan verð-
ur unnið úr þeim athugasemdum
sem þeir koma með og endanleg
tillaga lögð fram næsta vetur.
Vinsælasta hugmyndin
Sú hugmynd að breytingum á
kjördæmaskipaninni sem mestra
vinsælda nýtur er eftirfarandi:
Vesturland, Vestfirðir og Norður-
land vestra með 10 þingmenn.
Norðurland eystra og Múlasýsl-
ur með 10 þingmenn, A-Skafta-
fellssýsla, Suðurland og Suður-
nes með 10 þingmenn, þá
Reykjanes án Suðurnesja með
11 þingmenn og Reykjavík verði
tvö kjördæmi með 11 þingmönn-
um hvort.
Tilbrigði
Næsta hugmynd er tilbrigði við
hugmyndina að framan. Þá er
talað um saman í kjördæmi Vest-
urland, Vestfirði og Norðurland
vestra með 8 þingmenn, Norður-
land eystra og Austurland með 9
þingmenn, Suðurland og Suður-
nes með 8 þingmenn, Reykjanes
án Suðurnesja 10 þingmenn,
Reykjavík tvö kjördæmi með 10
þingmenn hvort. Samtals 55
þingmenn.
Þrjú þéttbýlis og þrjú lands-
byggðarkjördæmi
Næsta hugmynd er að Vestur-
Iand og Vestfirðir verði eitt kjör-
dæmi með 7 þingmenn. Þá verði
Norðurlandskjördæmin samein-
uð með 10 þingmenn. Austur-
land og Suðurland með 10 þing-
menn. Reykjanes sunnan
Reykjavíkur með 12 þingmenn.
Reykjavík A og Seltjarnarnes
með 12 þingmenn og loks
Reykjavík B, Mosfellsbær, Kjal-
arnes og Kjós með 12 þingmenn,
samtals 63 þingmenn.
Flóknara dæmi
Næsta hugmynd er flóknari en
þær fyrri. Þá er talað um Vestur-
land og Vestfirði án Strandasýslu
með 7 þingmenn. Strandasýsla,
Norðurland vestra og eystra án
Þingeyjarsýslu austan heiðar
með 8 þingmenn. Þingeyjarsýsla,
austan heiðar, Austurland og V-
Skaftafellssýsla 7 þingmenn.
Suðurland, utan V-Skaftafells-
sýslu, og Suðurnes með 8 þing-
menn, Reykjanes án Suðurnesja
11 þingmenn, Reykjavík tvö kjör-
dæmi með 11 þingmenn hvort.
Ýmis afbrigði
Næst er komið að hugmynd sem
byggir á Vesturlandi, Vestíjörð-
um og V-Húnavatnssýslu með 7
þingmenn. Norðurland vestra án
V-Hún. og Norðurland eystra án
Þingeyjarsýslu austan heiðar
með 8 þingmenn. Þingeyjarsýsla
austan heiðar, Austurland, V-
Skaftafellssýsla og Vestmanna-
eyjar með 7 þingmenn. Rangár-
vallasýsla, Arnessýsla og Suður-
nes með 8 þingmenn. Reykjanes
án Suðurnesja með 11 þing-
menn og Reykjavík tvö kjördæmi
með 11 þingmenn hvort.
Þá er önnur hugmynd eins
nema hvað Norðurlandskjör-
dæmin eru saman án Þingeyjar-
sýslu austan heiðar.
Nýstárleg hugmynd er Vestur-
land, Vestfirðir, Mosfellsbær,
Kjalarnes og Kjós með 8 þing-
menn. Norðurlandskjördæmin
saman án Þingeyjarsýslu með 8
þingmenn. Þingeyjarsýsla og
Austurland með 5 þingmenn,
Suðurland og Suðurnes 9 þing-
menn, Reykjanes án Suðurnesja
11 þingmenn og Reykjavík tvö
kjördæmi með 1 1 þingmenn
hvort.
Tíu kjördæmi
Hugmynd er um Vesturland og
Vestfirði án Strandasýslu með 6
þingmenn. Strandasýsla, Norð-
urland vestra, Eyjafjarðarsýsla
ásamt Akureryi, Dalvík og Ólafs-
firði með 8 þingmenn. Þingeyj-
arsýslur og Austurland með 6
þingmenn. Suðurland með 6
þingmenn. Reykjanes A sunnan
Reykjavíkur 7 þingmenn,
Reykjanes B sunnan Reykjavíkur
með 6 þingmenn, Reykjavík A
og Seltjarnarnes með 6 þing-
menn, Reykjavík B með 6 og
Reykjavík C með 6 þingmenn,
Reykjavík D, Mosfellsbær, Kjal-
arnes og Kjós með 6 þingmenn.
Átta kjördæmi
Síðasta hugmyndin er Vestur-
land og Barðastrandasýslur með
5 þingmenn. Vestfirðir og Norð-
urland vestra 5 þingmenn. Norð-
urland eystra án Þingeyjarsýslna
að undanskildum Svalbarðs-
strandarhreppi og Grýtubakka-
hreppi með 6 þingmenn. Þing-
eyjarsýsla án Svalbarðsstrandar-
og Grýtubakkahreppa og Austur-
land án A-Skaftafellssýslu með 5
þingmenn. A-Skaftafellssýsla og
Suðurland með 6 þingmenn.
Reykjanes sunnan Reykjavíkur
með 12 þingmenn. Reykjavík A
og Seltjarnarnes 12 þingmenn
og Reykjavík B, Mosfellsbær,
Kjalarnes og Kjós með 12 þing-
menn. -S.DÓR
Guðlaugur Tryggvi Karisson.
Guðlaugur
útlægur
Hópur krata í Reykjavík er æfur
út af breytingunni sem gerð var
á framboðslista Reykjavíkurlist-
ans og enn reiðari út í Guðlaug
Tryggva Karlsson fyrir að selja
Stöð 2 myndir frá fundi þeirra
um málið.
A fundinum kom fram mjög
hörð gagnrýni á þá breytingu að
listinn er ekki lengur borinn
fram af flokkunum fjórum sem
að honum standa heldur af
Reykjavíkurlistanum, m.a. frá
Pétri Jónssyni, borgarfulltrúa
Reykjavíkurlistans, eins og sjá
mátti í fréttum Stöðvar 2 um
helgina. Mál hafa hins vegar
þróast þannig að fundarmenn
eru enn reiðari yfir fréttinni en
breytingunni á framboðslistan-
um. Pétur segir að enginn hafi
haft hugmynd um að Guðlaugur
Tryggvi Karlsson hafi verið að
taka fundinn upp til að selja
efnið fjölmiðlum. Þetta hafi ver-
ið lokaður fundur, menn rifist
og tekið mikið upp í sig en aug-
Ijóslega hefðu þeir hagað orðum
sínum öðruvísi hefðu þeir vitað
að fundinum yrði að einhverju
leyti sjónvarpað.
Guðlaugur segir að það hefði
ekki átt að fara fram hjá neinum
að hann hafi verið að mynda og
hann væri búinn að vera í lausa-
mennsku við að selja fjölmiðlum
efni í 25 ár. -vj
Loftkastalinn á
Renniverkstæðið
Stefnt að stofnun
„léttara“ lefkhúss á
Renniverkstæðinu.
Helgina 21. til 23. maí nk. verð-
ur sýnt á Renniverkstæðinu á
Oddeyrinni á Akureyri leikritið
„A sama tíma að ári“ þar sem
Tinna Gunnlaugsdóttir og Sig-
urður Sigurjónsson fara með
aðalhlutverkin, og raunar þau
einu. Fjórar sýningar verða þessa
helgi og síðan verða þijár sýning-
ar um hvítasunnuhelgina 29.
maf til 1. júní. Miðapantanir eru
hjá Sportferðum.
Um er að ræða samstarfsverk-
efni Loftkastalans og aðila á Ak-
ureyri, m.a. Sportferða og Pizza
67, um sýningar á þeim verkum
sem Loftkastalinn mun sýna.
Marínó Sveinsson er frumkvöð-
ull að þessu og hann segir að
verið sé að athuga með frekara
framhald á sýningum á Akureyri
í sumar og lífga þannig þá flóru
sem ferðamönnum og bæjarbú-
um standi til boða í sumar. Leik-
félag Akureyrar hefur ákveðið að
hætta sýningum á Renniverk-
stæðinu.
„Ef framhald á að verða á sýn-
ingum er auðvitað nauðsynlegt
að Akureyringar og nágrannar
sæki þessar sýningar á léttum og
skemmtilegum verkum sem
verða á Renniverkstæðinu. Hér
er alls ekki um samkeppni að
ræða við Leikfélag Akureyrar, því
við erum nú að fara af stað með
okkar Ieikár á sama tíma og Leik-
félag Akureyrar er að fara í sum-
arfrí. Ekkert er hins vegar ákveð-
ið með það hvort við hættum
þessari starfsemi í haust. Ef vel
gengur er ekki ólíklegt að um
starfsemina á Renniverkstæðinu
verði stofnað félag um „léttara"
leikhús."
Marínó segir það álitlegan kost
að bjóða leikfélögum í Eyjafirði
og nágrenni að setja upp létt
verk á Renniverkstæðinu auk
leikfélaga af höfuðborgarsvæð-
inu og ekki sé stefnt að því að
reka starfsemina á opinberum
styrkjum. — GG
Tvær þotur kyrrsettar
Tvær Atlantaþotur, Boeing 737, voru í gær kyrrsettar eftir að í ljós kom
við neyðarskoðun að rafmagnsvírar nærri eldsneytistönkum voru trosn-
aðir. I gær var unnið að því að skipta um þessa víra. A föstudag komu
tilmæli frá bandarískum flugmálayfirvöldum til eigenda þotna af þess-
ari gerð sem höfðu meira en 50 þúsund flugtíma að baki að kanna
þessa víra þar sem 17 svona vélar höfðu reynst hafa þennan galla.
Ríkisendurskoðaudi endurráðinn?
Að sögn Ólafs G. Einarssonar, forseta Alþingis, hefur fjármálaráðu-
neytið dregið til baka ósk um skoðun á vinnubrögðum Ríkisendurskoð-
unar vegna ÞÞÞ-málsins á Akranesi.
I vetur er leið lýstu bæði Ijármálaráðuneytið og dómsmálaráðuneyt-
ið yfir óánægju sinni með þá gagnrýni sem ráðuneytin fengu frá Ríkis-
endurskoðun vegna ÞÞÞ málsins. Upp úr því kom krafan um skoðun
sem nú hefur verið dregin til baka.
Meðan fura vex
„Meðan fura vex, laxar ganga og
hreinar renna, valur flýgur vor-
langan dag og standi honum
beinn byr undir báða vængi. Að
svo búnu lýsi ég hálendið full-
numið og sættir fullar og fastar
milli þjóðar og landvætta. Veri
Goðin holl þeim er halda en
gröm þeim er rjúfa.“ Þannig
lauk þulu Jörmundar Inga \að
Beinakerlingu á Sprengisandi
þegar hann helgaði þjóðinni
allri hálendið um helgina.
Jörmundur helgar landið þjóðinni.