Dagur - 24.11.1998, Blaðsíða 7

ÞRIÐJUDAGUR 24. NÓVEMBER 1998 - 7
Ðxgur-
ÞJÓÐMÁL
Vertu með á miðjuuni!
9ALLPÓR
ASGRIMS-
SON
UTANR/KISRÁÐHERRA
SKRIFAR
Fyrir einni öld var hér uppi kyn-
slóð sem kölluð var aldamóta-
menn. Margir þeirra skipuðu sér
í hóp stofnenda Framsóknar-
flokksins. Fullveldiskynslóðin,
kreppukynslóðin, stríðsárakyn-
slóðin og lýðveldiskynslóðin, -
tóku síðan við keflinu hver af
annarri og héldu framsókn þjóð-
arinnar áfram. Nú er það okkar
hlutverk að ávaxta arfinn.
Aldamótamennirnir voru
metnaðarfullir og þeir voru stolt-
ir af því að vera Islendingar. Þeg-
ar þeir lituðust um í landinu sáu
þeir alls staðar þörfina fyrir
framtak og athafnir. Eins og fyrri
kynslóðir fundu þeir metnaðinn
kvikna með sér, til að sækja
fram, til að mannast, og til að
halda til jafns við aðrar þjóðir
eða svo langt sem komist yrði.
Asetningur þeirra og einlægur
vilji til að búa komandi kynslóð-
um jafngott hlutskipti og best
gerist með öðrum þjóðum varð
kveikjan að framförum aldarinn-
ar.
Þegar við göngum nú til móts
við nýja öld og nýtt árþúsund í
kristinni sögu ber okkur einnig
að efla metnað með þjóðinni. Við
getum verið stolt þjóð vegna þess
að okkur hefur tekist vel til um
margt, og eftir mikil stjórnmála-
átök fyrr á öldinni ríkir nú góð
samstaða um flest meginmál
með þjóðinni. Framfarir hafa
verið stórstígar. Jöfnuður er
meiri en víðast annars staðar. Við
höfum lagt drjúgan skerf til
menningar, fræða og lista, og
sambúð okkar við land, haf og
auðlindir er að ýmsu leyti far-
sælli en hjá flestum þjóðum öðr-
um. Og við tökum einnig virkan
og vaxandi þátt í alþjóðlegu sam-
starfi.
Til að standast nýjar og sí-
breytilegar aðstæður eigum við
að stíga fram á nýja öld af kjarki
og sjálfsöryggi. Við eigum ekki að
láta stjórnast af framandi vind-
um eða hrekjast viljalítil fyrir
ólíkum straumum, heldur taka
fullan þátt í framvindu og fram-
þróun.
Brýnt erindi
Nú er okkur boðið að verða nýir
aldamótamenn, leiðsögumenn
næstu kynslóðar inn í nýtt árþús-
und. Erindi okkar við alla ís-
lensku þjóðina er því brýnt. Er-
indi okkar er að efla þjóðina til
nýrrar sóknar að bættu mannlífi,
aukinni velferð og að því að
vinna okkur verðugan sess f sam-
starfi þjóða heims.
Boðskapur okkar í komandi
kosningum mun mótast af þess-
um hugsjónum. í síðustu kosn-
ingum lögðum við áherslu á kjör-
orðið „fólk í fyrirrúmi" og það
verður áfram meginstef Fram-
sóknarmanna. Við lögðum á það
áherslu í stjórnarsamstarfinu.
Við höfum staðið við nær öll
markmið okkar og fyrirheit. Við
setjum fólk í fyrirrúm sem fyrr.
Nú köllum við hina nýju alda-
mótamenn til liðs við okkur til að
sækja fram á miðjunni inn í nýja
öld frelsis og framfara.
Framfarir á öldinni sem er að
Iíða hafa verið órjúfanlega
tengdar auknum möguleikum til
að vinna og nýta auðlindir okkar.
FRAMSÓKNARFLOKKIÍRINN
/ 0 l Ó - 1 0 O
Framsóknarflokkurinn stefnir að því að fá styrk tii þess að veita nýrri ríkisstjórn forystu, segir Halldór Ásgrímsson. Aðeins traust þjóðarinnar og brautar-
gengi í næstu kosningum getur komið þessu til leiðar.
Þjóðin á ekki fjölbreytilegar auð-
lindir sem geta staðið undir bú-
setu hér við ystu höf. Það sem
máli skiptir eru fiskistofnar í haf-
inu, orka í fallvötnum og úr iðr-
um jarðar, fegurð landsins ásamt
dug, menntun og atgervi þjóðar-
innar sjálfrar.
Nýting auðlinda er alger for-
senda velmegunar í landinu. Það
er ekki drengilegt eða skynsam-
legt að halda öðru fram eða
reyna að telja þjóðinni trú um
annað. Hitt er jafnaugljóst að
umgengnin við land og haf verð-
ur að vera með þeim hætti að
ekki sé of nærri gengið, að ekld
sé höggvið að rótunum. Sátt
verður að takast með atvinnulífi
og umhverfisvernd, og slíka sátt
má finna séu málin skoðuð af
sanngirni og raunsæi.
Viðfangsefnin framundan
Hver verða mikilvægustu við-
fangsefni stjórnmálanna í upp-
hafi nýrrar aldar? Hver eru þau
nýju viðfangsefni sem eru að
koma upp á sjóndeildarhringinn?
Við stöndum á traustum
grunni. Framsóknarflokkurinn
hefur tekið þátt í nær öllum
helstu framfaramálum síðustu
áratuga og verið leiðandi afl í
mörgum þeirra. Meginstefna
flokksins hefur staðist og erindi
flokksins er enn mjög brýnt. Við
höfum enn mikið verk að vinna
að kalla fólkið til samferðar með
okkur á miðju stjórnmálanna.
Okkur ber að varðveita það
sem við eigum og höfum áunnið.
Okkur ber að sækja áfram til
frelsis og samvinnu.
Okkur ber að nýta auðlindir
lands og hafs og þjóðar með rétt-
um og ábyrgum hætti.
Okkur ber að lifa í sátt við land
og haf og í samlyndi manna á
meðal.
Okkur ber að treysta stöðu Is-
lands í samfélagi þjóðanna, og
auka virka og mynduga þátttöku
okkar á þeim vettvangi.
Og okkur ber að gera sérhverj-
um Islendingi kleift að taka þátt
í mótun og uppbyggingu samfé-
lagsins sem frjáls maður í þjóðfé-
Iagi jafnréttis, menningar og
mannréttinda.
Réttur þegnanna
Það er verðugt viðfangsefni í
upphafi nýrrar aldar að ráðast í
að semja sérstaka „Réttindaskrá
þjóðfélagsþegnanna". Þar væri
reynt að skilgreina hvað það er
sem þegnar landsins eiga kröfu á
af hálfu almannavaldsins, bæði
ríkis og sveitarfélaga og stofnana
þeirra. Þetta er vandasamt verk-
efni, en það er hlutverk stjórn-
málamannanna í víðtæku sam-
ráði við almannasamtök að skil-
greina sem best rétt einstaklinga
og fjölskyldna við ólíkar aðstæð-
ur í þjóðfélaginu. Réttindaskrá
þessi ætti að ná til fjölmargra
þátta í þjónustu við landsmenn,
heilbrigðismála, menntamála,
samgöngumála og velferðarmála.
Nauðsynlegur þáttur f þessu
verki er að Ieiða fram hvers
vegna fólk sem greiðir sambæri-
lega skatta fær mismunandi og
misgóða þjónustu af hálfu al-
mannavaldsins. Lítil sanngirni er
í því að landsbyggðarmaður, sem
leggur til jafns í sameiginlega
sjóði á við borgarbúa, þurfi eins
og mál standa nú að búa við lak-
ari læknisþjónustu, senda börn
sfn um langan veg til skóla, hafi
lélegt vegasamhand, svo að að-
eins sé rispað f yfirborðið á þessu
máli.
Augljóst er að ekki er hægt að
hafa sama þjónustustig um allar
dreifðar byggðir sem framkvæm-
anlegt er í fjölmenni þéttbýlisins.
En áreiðanlega má finna leiðir til
að jafna þennan mun betur en
okkur hefur tekist að undan-
förnu.
Jafnréttismálin eru mikilvægur
þáttur í slíkri réttindaskrá þegn-
anna. Jafnrétti kynjanna er
grundvallaratriði, en það er ekki
sértækt viðfangsefni heldur vit-
anlega verkefni samfélagsins í
heild. I allri stefnumótun innan
samfélagsins þarf að taka mið af
því að báðum kynjum verði gert
jafn-kleift að sinna bæði fjöl-
skyldu- og atvinnulífi. Það er
ljóst að allar ákvarðanir sem
teknar eru í samfélaginu snerta
konur og karla á ólfkan hátt og
það er nauðsynlegt að hafa það í
huga í allri ákvarðanatöku.
Staðan á liðandi stund
Staðan í landsmálunum nú mót-
ast ekki síst af þeirri staðreynd
að Framsóknarmenn hafa staðið
við kjörorð sín og fyrirheit sem
lýst var fyrir síðustu kosningar.
Framsóknarflokkurinn hefur
aldrei haft háleitari markmið og
fyrir síðustu kosningar og tekist
að uppfylla þau jafn vel.
Við sögðumst vilja beita okkur
fyrir því að 12 þúsund ný störf
mynduðust fyrir næstu aldamót.
Þetta hefur tekist og er talið að
ný störf verði um 14 þúsund um
aldamótin.
Við lögðum áherslu á að halla-
rekstur ríkissjóðs yrði stöðvaður.
Nú er ríkissjóður rekinn með af-
gangi og gert ráð fyrir að skuldir
hans lækki um 30 milljarða á
þessu og næsta ári.
Við lögðum áherslu á stöðug-
leika. Stöðugleiki hefur ríkt í
efnahagsmálum. Verðbólga hef-
ur verið innan við 2% á ári og
stefnir í um 1,5% á þessu ári.
Stöðugleikinn er eini raunhæfi
grunnur varanlegs hagvaxtar og
batnandi lífskjara.
Við kváðumst vilja stuðla að
öflugum hagvexti eftir áralanga
efnahagslægð. Þetta hefur tekist
og lífskjör almennings hafa stór-
batnað á kjörtímabilinu. A kjör-
tímabilinu hefur almennur
kaupmáttur aukist um 17%.
Við sögðumst vilja draga úr at-
vinnuleysinu. Og atvinnuleysi
hefur stórminnkað.
Við sögðumst ætla að ná nýj-
um áfanga í orkufrekum iðnaði
eftir langa kyrrstöðu. Það hefur
tekist og haft örvandi áhrif á ís-
lenskt atvinnulíf.
Með aðgerðum ríkisvaldsins
hefur tekist að ná ýmsu fram í
málefnum landbúnaðarins, en á
því sviði þarf þó að taka betur á.
Landbúnaðurinn mun áfram
gegna mjög mikilvægu hlutverki
í samfélaginu.
Við sögðumst vilja endurskipu-
leggja húsnæðislánakerfið. Láns-
tími húsnæðislána hefur verið
lengdur og húsnæðismálakerfið
verið endurmótað. Bankakerfið
er í róttækri endursköpun og
fjárfestingarsjóðir hins opinbera
hafa verið endursldpulagðir.
Framlög til forvarnamála hafa
verið aukin, og heilsugæslunni
hefur verið tryggður grundvöllur
sem hún getur staðið á og þró-
ast. Lífeyriskerfi landsmanna
styðst nú við nýja löggjöf, og
veruleg aukning hefur verið
ákveðin í framlögum til heil-
brigðis- og tryggingamála.
Á sviði utanríkisþjónustunnar
hafa orðið stórstígar framfarir,
meðal annars til eflingar ís-
lensku viðskipta- og atvinnulífi.
Atvinnumálin, heilbrigðismál-
in og menntamálin hafa verið
forgangsmál í stjórnmálastörfum
Framsóknarmanna og þessir
málaflokkar verða það áfram
framvegis sem hingað til.
Umbótastefna á miðjiumi
Stjórnarsamstarf Framsóknar-
manna og Sjálfstæðisflokksins
hefur gengið vel á þessu kjör-
tímabili. Agreiningur sem vita-
skuld er milli flokkanna hefur
verið leystur í þeim verkefnum
og vandamálum sem að höndum
hefur borið. Þessir ólíku flokkar
beita sér fyrir ólfkum stefnumið-
um, en árangur samstarfsins
hefur orðið mikill vegna þess að
menn hafa náð að vinna saman
af heilindum.
Þegar horft er á það sem áunn-
ist hefur geta Framsóknarmenn
verið stoltir af árangrinum og
ánægðir með þau áhrif sem þeir
hafa haft á gang þjóðmálanna á
þessu kjörtímabili.
Sá árangur sem náðst hefur á
síðustu árum er góður grunnur
að áframhaldandi hagvexti og
batnandi lífskjörum almennings.
En hér er mikið í húfi. Festu þarf
í hagstjórn til að tryggja góðæri
áfram, og áfram þarf að vinna að
umbótum í hagkerfinu. Þetta er
einkar mikilvægt vegna þess að
óróa og óvissu gætir nú í alþjóð-
legum efnahagsmálum. Fyrir
vikið verðum við að nýta vel
meðbyrinn hér heima fyrir og
búa í haginn fyrir framtíðina.
Þetta verður best gert með festu
og óbreyttri efnahagsstefnu í að-
alatriðum.
Markmið allra stjórnmála-
flokka er að ná sterkri stöðu,
hafa áhrif og veita ríkisstjórn for-
ystu. Það verður markmið okkar
Framsóknarmanna héðan f frá
sem hingað til. I samræmi við
þetta stefnir Framsóknarflokkur-
inn að því að fá styrk til þess að
veita nýrri ríkisstjórn forystu. Að-
eins traust þjóðarinnar á okkur
og brautargengi í næstu kosning-
um getur komið þessu til leiðar.