Dagur - 26.02.1999, Side 11

FÖSTUDAGUR 26. FEBRÚAR 1999 - 11

ERLENDAR FRÉTTIR
L.
Kj amorkusprengj an
frétt aldarinnar
HEIMURINN
67 gamalrejmdir
bandarískir frétta-
nienii voru fengnir til
að velja 100 merk-
nstn fréttir aldarinn-
ar.
Merkasta frétt aldarinnar, að
mati hóps bandarískra frétta-
manna, átti sér stað þegar
Bandaríkin vörpuðu í ágúst
1945 kjarnorkusprengju á borg-
irnar Hiroshima og Nagasaki í
Japan. Næst merkasta fréttin
þótti þeim vera þegar Neil Arm-
strong varð fyrsti maðurinn til
þess að stíga fæti á tunglið árið
1969. I þriðja sæti lenti
sprengjuárás Japana á Pearl
Harbour í Hawaii-eyjaklasanum
árið 1941, en sá atburður varð
til þess að draga Bandaríkin inn
í seinni heimsstyrjöldina.
Það eru samtök sem nefna sig
„The Freedom Forum“, eða Vett-
vangur frelsisins, sem tóku upp
á því að fá 67 bandaríska frétta-
menn, alla gamalreynda í faginu
og suma komna á eftirlaun, til
þess að gera lista yfir það sem
þeim þótti 25 merkustu fréttir
aldarinnar. Upp úr því var svo
unninn listi yfir 100 merkustu
fréttirnar, og var afraksturinn
birtur í gær.
Samtökin segjast vera óháð
stjórnmálaöflum en helga sig
baráttu fyrir frelsi í fréttaflutn-
ingi og málfrelsi almennt.
Utkoman úr þessu uppátæki
er nokkuð forvitnilegur spegill
aldarinnar, þótt hann sé nokkuð
litaður af sjónarhorni bandarísks
fréttamats.
Þannig lenti upphaf fyrri
heimsstyrjaldarinnar í áttunda
sæti, en upphaf þeirrar síðari í
22. sæti. Fall Sovétríkjanna
1991 komst í 13. sætið og hrun
Berlínarmúrsins árið 1989 í 27.
sæti. Morðið á John F. Kennedy
árið 1963 lenti í 6. sæti, en
hneykslis- og kærumál Clintons
rétt skriðu í 53. sæti.
Af helstu tækniafrekum á
þessari öld tækninnar má nefna
að fyrsta flug þeirra Wright-
bræðra árið 1903 lenti í 4. sæti,
upgötvun penisillínsins árið
1928 í 11. sæti, uppgötvun
DNA-byggingar erfðaefnisins
árið 1953 þar skammt á eftir,
fjöldaframleiðsla Henrys Fords á
bifreiðum 1913 komst í 17. sæt-
ið og getnaðarvarnarpillan, sem
hlaut náð fyrir augum banda-
ríska lyfjaeftirlitsins árið 1960
lenti í 20. sæti. — GB
38 hafa farist í Ölpimiun
AUSTURRÍKI - Talið var í gær að 38 manns hafi farist í snjóflóðun-
um í Pasnaundal í Austurríki. 32 lík höfðu þegar fundist en 6 manna
var enn saknað og ólíklegt talið að þeir finnist á lífi. Fórnarlamba
snjóflóðanna, sem eru þau mestu á síðari tímum í Austurríki, verður
minnst í guðsþjónustu í borginni Innsbruck. Yfir 70 manns hafa
farist í snjóflóðum í Evrópu á þessu ári.
Farþegaflugvél först á Ítalíu
ÍTALIA - Itölsk farþegaflugvél með 31 um borð fórst f lendingu í
Genúa í gær og létust fjórir. Vélin var lent en fór út af flugbrautinni
og lenti í sjó. Farþegunum tókst flestum að komast af eigin rammleik
út um neyðarútganga og var bjargað um borð í vélbáta.
Kosovo-Albanir mynda bráðabirgða-
stjóm
JUGOSLAVIA - Sendinefnd Kosovo-AIbana í friðarviðræðunum í
Frakklandi hefur ákveðið að mynda bráðabirgðaríkisstjórn fyrir
Kosovo-hérað, eftir að fyrstu viðræðulotunni er lokið. Þessi stjórn
verður undir forystu Frelsishers Kosovo, en með þátttöku tveggja
hófsamari samtaka Kosovo-Albana, þ.e. Lýðræðisbandalagi Kosovo
(LDK), sem Ibrahim Rugova stjórnar, og Sameinuðu lýðræðishreyf-
ingunni (LBD). Óttast er að Serbar séu að undirbúa stórsókn á
hendur Kosovo-Albönum.
Þjóðverji tekinn af lífi í Bandaríkjun-
um
BANDARÍKIN - Þjóðverjinn Karl LaGrand, sem dæmdur var til
dauða vegna morðs, var í gær tekinn af lífi f Arizona í Bandaríkjun-
um. Þýskaland, þar sem dauðarefsing er ekki leyfð, hafði reynt að fá
bandarísk yfirvöld til þess að hætta við aftökuna. Henni var frestað á
síðustu stundu á þriðjudag vegna þess að LaGrand hafði óskað eftir
því að hann vrði líflátinn í gasklefa, en dómstóll úrskurðaði að sú að-
ferð væri ómannúðleg. I gær breytti LaGrand svo um skoðun og vildi
láta sprauta eitri í sig, og skömmu síðar var aftakan framkvæmd.
BILASYNING
HöUur'ðhf.
Komíð, sjáíð og reynsluakíð
Sýnum nýju bílana frá
Honda helgina
27. og 28 febrúar í
sýningarsal
okkar við Tryggvabraut.
Erum í samningastuði!
HOKfDA