Dagur - 18.05.1999, Blaðsíða 5

ÞRIÐJVDAGVR 18. MAÍ 1999 - S
Thgur.
FRÉTTIR
Viima hefst vió
fLugvöUiim í júlí
Flugmálayfirvöld stefna að því að hefja framkvæmdir við endurbætur á
Reykjavíkurflugvelli íjúlí nk. Þessar endurbætur munu kosta um 1,5 millj-
arða króna. Þá er verið að leita að framtíðarstað fyrir flugtök og lendingar
fyrir kennslu- og æfingaflugið, sem er um 70% af allri flugumferð á
Reykjavíkurflugvelli.
Tímasetning háð af-
greiðslu deiliskipu-
lags. Kennslu- og æf-
ingaflug til Selfoss og
K e 11 a v ík ur 11 u g va 11 a r.
Leitað að framtíðar-
stað fyrir snertilend-
ingar. 70% af fhigum-
ferð Reykjavíkurflug-
vallar.
Stefnt er að því að framkvæmdir
við endurbætur á Reykjavíkur-
flugvelli heíjist í júlí nk. Þá er
miðað við að borgaryfirvöld verði
búin að fjalla um deiliskipulag
fyrir völlinn, en það er ennþá til
meðferðar hjá þeim. Þorgeir
Pálsson flugmálastjóri segir að
verið sé að leita ýmissa Ieiða til
að svokallaðar snertilendingar í
kennslu- og æfingaflugi fari ekki
fram á Reykjavíkurflugvelli. A
nieðan unnið sé að endurbótum
á flugvellinum þykir líklegt að
það flytjist að mestu leyti til Sel-
foss og Keflavíkurflugvallar.
Nýjar flu^brautir
A fundi Flugráðs fyrir skömmu
var samþykkt ályktun þess efnis
að komið verði upp flugbraut eða
flugbrautum fyrir kennslu- og
æfingaflugið og þá ekki allíjarri
Reykjavíkurflugvelli. Flugmála-
stjóri segir ekkert hægt að segja
til um það hvað slík framkvæmd
mundi kosta, enda sé það mjög
háð því hvar brautin eða braut-
irnar verða staðsettar. Verið sé að
skoða ýmsa kosti í því sambandi
og þá helst í grennd við höfuð-
borgarsvaeðið. Niðurstaða í þeim
efnum liggur ekki fyrir. Hann
minnir á að svokallaðar snerti-
lendingar, þ.e. flugtök og lend-
ingar í kennslu- og æfingaflugi
séu að umfangi næstum því tvær
af hveijum þremur flughreyfing-
um á Reykjavíkurflugvelli.
Vill enguin svo illt
Guðrún Agústdóttir, forseti
borgarstjórnar og formaður
skipulags- og umferðarnefndar
Reykjavíkur, segir að miðað við
ályktun flugráðs sé stefnt að því
að kennslu- og æfingaflugið
verði áfram staðsett á Reykjavík-
urflugvelli en snertilendingar
þess yrðu á öðrum stað í grennd
við borgina. Hún segir þó að það
leysi engan vanda í sjálfu sér að
flytja „ónæðið“ af þessari flug-
umferð yfir í önnur sveitarfélög,
enda vill hún engum svo illt.
Guðrún minnir hinsvegar á að
það sé búin að vera krafa borgar-
innar um langt skeið og m.a. fyr-
ir daga R-listans að allt flug ann-
að en áætlunarflugið innanlands
verði flutt frá Reykjavíkurflug-
velli. Hún segir að umfang þessa
flugs að undanskildu áætlunar-
fluginu sé um 70% allra flug-
hreyfinga á vellinum. - GRH
Verslunarmenn mótmæla færslu á
kvöldfréttatímum RÚV. Frá þingi
þeirra á Akureyri.
Gegn færslu
fréttatíma
22. þing Landssambands ís-
lenzkra verzlunarmanna lýsir
yfir mikilli andstöðu við þá
ákvörðun útvarpsráðs að færa
fréttatíma Ríkisútvarpsins fram
til kl. 18.00 og fréttatíma sjón-
varps fram til kl. 19.00 frá og
með 1. júní nk.
„Með þessari ákvörðun er enn
einu sinni verið að mismuna
stétt verslunarmanna sem vinnu
sinnar vegna hefur ekki tök á að
fylgjast með aðalfréttatímum
þessara stofnana lengur. Nógu
erfitt hefur verið að fylgjast með
fréttatímum kl. 19.00 og 20.00
því almennt er verslunarfólk við
störf til kl. 18.30 og er vart kom-
ið til síns heima fyrr en stundu
síðar," segir í ályktun LIV.
Verslunarmenn segja enn-
fremur að ákvörðunin lýsi því
tillitsleysi sem verslunarfólki sé
oft sýnt. Þingið krefst þess að
útvarpsráð dragi ákvörðun sína
til baka. - BÞ
Kemiarar ásaka
borgiua um ögrun
Kennarar í Melaskóla sem ekki hafa sagt upp störfum vegna óánægju
með kjör sín funduðu með borgarstjóra í húsakynnum skólans í gær. Þar
lýstu kennarar yfir áhyggjum sínum vegna þeirrar stöðu sem komin er
upp í skólanum, en um 16 af 40 kennurum Melaskóla eru á förum.
Heitt í kolimum í
fræðsluráði. Titring-
ur vegua bókunar R-
lista iiin tilrauna-
samning. Sambærileg
laun við háskóla-
menntaða. Uppsagnir
kennara halda áfram.
Á fundi fræðsluráðs Reykjavíkur
í gær Iétu áheyrnarfulltrúar
kennara bóka áskorun til borgar-
yfirvalda um að láta af ögrunum
í garð kennara. Þess í stað ættu
þau að einbeita sér að því að
íeysa þann vanda sem blasir við í
skólahaldi í borginni.
Tilraimasaninimínr
Þessi bókun kom í framhaldi af
bókun fulltrúa R-listans í
fræðsluráði á fundi þess 10. maí
sl. Á þeim fundi létu þeir bóka að
tillaga launanefndar sveitarfé-
laga um tilraunasamning mundi
færa kennurum umtalsverðar
kjarabætur. I bókuninni er skor-
að á alla kennara að kynna sér
þessar tillögur sem vonandi geta
orðið grundvöllur að nýjum
samningum við kennara. Þá sé
kennurum bent á að þeir geti
nálgast þessar tillögur á heima-
síðu Sambands íslenskra sveitar-
félaga.
Sambærileg latiu
Á fundi fræðsluráðs í gær Iétu
fulltrúar R-listans bóka að þeir
hörmuðu að kennarar skuli líta á
bókunina frá fyrra fundi sem
ögrun við þá. Þar kemur einnig
fram að fræðsluráð telur það
mikilvægt að kjör kennara séu
sambærileg og þau séu hjá öðr-
um háskólamenntuðum hópum.
Hvatt er til sátta í deilum kenn-
ara og borgar svo hægt sé að
halda áfram á braut framfara í
grunnskólum borgarinnar.
Uppsagnir halda áfram
Á meðan hálfgerð pattstaða sé í
deilum kennara og borgaryfir-
valda um launakjör, halda upp-
sagnir kennara áfram að berast
inn til skólastjóra og fræðslumið-
stöðvar. Hins vegar ber mönnum
ekki saman um Qölda uppsagna.
Kennarar halda því fram að um
160 kennarar hafi sagt upp
vegna óánægju með sín kjör af
rúmlega 200 sem sagt hafa upp.
Á sama tíma hafa fræðslumið-
stöðinni aðeins borist 78 upp-
sagnir vegna kjaramála af 109
uppsagnarbréfum. Mismunurinn
er talinn skýrast af því að margir
kennarar skila uppsögnum sín-
um beint til skólastjóra en fara
ekki með þær til fræðslumið-
stöðvar. - GRH
Brýnt að breyta skattkerfinu
Aðalfundur Verkalýðsfélags Húsavíkur
vill að skattkerfinu verði breytt þannig
að staða Ijölskyldufólks batni. Fólk með
Iágar tekjur og meðaltekjur eigi að njóta
að minnsta kosti jafnmikilla kjarabóta og
aðrir.
Fundurinn telur að núverandi skatt-
kerfi sé flókið og ógagnsætt og barnaljöl-
skyldur verði langverst úti vegna jaðará-
hrifa. Tekjutengingar bóta hafi í för með
sér að umsamdar kjarabætur eða tekju-
auki tii handa þessum hópum, skili sér í
stórkostlegum sparnaði fyrir ríkissjóð
vegna skertra bóta.
Aðalfundurinn telur ekki ásættanlegt
að skattkerfið auki á þann mismun sem
orðið hefur í kjaraþróun hér á Iandi. Þeir tekjuhæstu hafi hagnast
mest á breytingum tekjuskattkerfisins á meðan hinir tekjulægstu hafi
fengið lítið sem ekkert í sinn hlut.
Aðalsteinn Baldursson var endurkjörinn formaður Verkalýðsfélags
Húsavíkur um helgina. - bþ
Delta á Verðbréfaþing
Hlutaljárútboði Delta hf. lauk í gær. 1 boði var nýtt hlutafé að fjár-
hæð krónur 20 milljónir að nafnverði á genginu 12, eða samtals 240
m.kr. að markaðsvirði. Seldist allt hlutafé sem í boði var til forkaups-
réttarhafa. Ennfremur óskuðu hluthafar eftir 115 m.kr. að mark-
aðsvirði í umframáskrift. Eftirspurn var því 48% umfram framboð.
Delta hf. verður skráð á Aðallista Verðbréfaþings Islands innan
skamms og mun Islandsbanki, sem sá um útboð félagsins, annast
milligöngu vegna skráningar félagsins. - bþ
Leiðrétting
Rangt var farið með starfsheiti í viðtali sem birtist í helgarblaðinu við
starfsfólk á tiiraunabúi Rannsóknastofnunar landbúnaðarins á
Möðruvöllum. í viðtalinu kom fram að Laufey Bjarnadóttir væri til-
raunastjóri en rétt er að hún sér um framkvæmd tilrauna í fjósi og úr-
vinnslu þeirra. Tilraunastjóri er Þóroddur Sveinsson og er hér með
beðist velvirðingar á þessum mistökum. Þá var einnig sagt að nautið
á einni myndinni væri blendingur af Limousine og Aberdeen Angus
kyni en rétt er að nautið er af Limousine kyni. - hi
Aðalsteinn Baldursson.