Dagur - 14.09.1999, Blaðsíða 5

ÞRIÐJUDAG UR 14. SEPTEMBER 1 999 - S

FRÉTTIR
ir Valdimar að
aki bældingi
Varaformaður Frjáls-
lynda flokksins full-
yrðir að Valdimar Jó-
haimesson hafi staðið
að „óhróðurshækl-
ingnum“. Valdimar
segir tvo framsóknar-
menn hafa staðið að
hæklingnum.
Gunnar Ingi Gunnarsson, vara-
formaður Frjálslynda flokksins,
staðfestir aðspurður í samtali við
Dag að hann hafi á miðstjórnar-
fundi flokksins í júní lagst gegn
boðaðri tillögu um fjárstyrk til
handa Valdimar Jóhannessyni,
sem skipaði efsta sæti flokksins í
Reykjaneskjördæmi, vegna aðild-
ar Valdimars að „óhróðursbækl-
ingnum" svokallaða fyrir síðustu
þingkosningar.
„Það hittist svo á, að þegar
þessi hugmynd kom upp á fund-
inum vissi ég að Valdimar hefði
brotið alvarlega gegn samþykkt
miðstjórnar með því að standa
að þessum bæklingi, sem mið-
stjórnin hafði áður hafnað með
öllu. A þessum fundi taldi ég lík-
legt að ég væri einn um þá vit-
Gunnar Ingi Gunnarsson: Valdimar
braut alvarlega samþykkt mið-
stjórnar flokksins með því að
standa að „óhróðursbæklingnum".
neskju og ég taldi að ekki kæmi
til greina að leggja eina einustu
krónu til Valdimars, þótt ekki
væri fyrir annað en að með því
væri verið að tengja flokkinn
gjörðum Valdimars í þessu máli,“
segir Gunnar Ingi um málið.
Hafnaði fjárstyrk
Gunnar Ingi hafnar því að tillaga
um fjárstyrk til Valdimars tengist
„kvótamálinu" sem Valdimar
stóð að fyrir dómstólum Iands-
ins. „í fyrsta lagi hafði aldrei
áður komið upp hugmynd um að
Valdimar Jóhannesson:
„Ég hef hingað til þorað að hafa
skoðanir á mönnum og málefni
undir eigin nafni.“
styrkja hann fjárhagslega vegna
málsins. I öðru Iagi vissi ég ekki
betur en að hann hefði fengið
gjafsókn í málinu. 1 þriðja lagi
átti flokkurinnn ekkert annað en
skuldir vegna kosningabarátt-
unnar þegar þetta kom upp og
því augljóst að aldrei gæti komið
til slíks styrks,“ segir Gunnar
Ingi.
Var þá tal um að styrkja Valdi-
mar vegna kvótamálsins yfirskin
eitt? „Eg get ekkert dæmt um
það. Eg verð að trúa því að for-
maður flokksins hafi lagt þetta
til í góðri trú og að hann hafi
ekki vitað um þátt Valdimars í
útgáfu þessa bæklings, sem mið-
stjórnin hafði hafnað,“ segir
Gunnar Ingi.
„Tveir fraiiisóknarmeniÞ4
Valdimar Jóhannesson segir
þennan framburð Gunnars Inga
alrangan. „Eg ætla ekki að fara
að rífast við Gunnar Inga vegna
einhvers misskilnings hjá hon-
um. Eg hvorki hvatti né latti þá
aðila sem leituðu til miðstjórnar
flokksins um styrk vegna þessa
bæklings, en það voru tveir fram-
sóknarmenn og kannski fleiri að
baki þeim, en þeir voru þarna að
gera það sama og Davíð Oddsson
gerði með mun alvarlegri hætti í
Hólaræðunni frægu.
En nú er komið á daginn hver
er að spinna þennan söguþráð,
sem Dagur hefur verið að birta.
Þá verð ég auðvitað að svara í
sömu mynt, að ég ann Gunnari
Inga Gunnarssyni einnig hugást-
um. Eg vil upplýsa Gunnar og
aðra að ég hef hingað til þorað
að hafa skoðanir á mönnum og
málefni undir eigin nafni. Og ég
verð að hrósa Gunnari Inga fyrir
að hafa nú komið fram undir eig-
in nafni í þessu máli,“ segir
Valdimar. — FÞG
Ólafur M. Magnússon.
MsskUn-
iiigur?
Olafur M. Magnússon, einn um-
hverfissinnaðra framsóknar-
manna, hefur ákveðið að kæra til
Eftirlitsstofnunar EFTA þá
ákvörðun stjórnvalda að „virða að
vettugi lög um mat á umhverfisá-
hrifum og alþjóðlegar skuldbind-
ingar sínar“ vegna Fljótsdalsvirkj-
unar. Olafur segir lög um virkjun-
ina ekki uppfylla ákvæði og mark-
mið Evróputilskipunarinnar um
upplýsingagjöf og aðkomu al-
mennings. Akvörðun stjórnvalda
um virkjun brjóti í bága gegn
þeirri tilskipun og vísar Ólafur til
dóms Evrópudómstólsins þar að
lútandi frá árinu 1996. „Islensk
stjómvöld telja sig algjörlega óháð
samfélagi þjóðanna og virðast ekki
virða þær alþjóðlegu skuldbind-
ingar sem þau hafa undirgengist
og samþykkt," segir Olafur og ætl-
ar að óska eftir flýtimeðferð hjá
Eftirlitsstofnuninni, þar sem mik-
il náttúruverðmæti séu í húfi.
Finnur Ingólfsson, iðnaðarráð-
herra og varaformaður Framsókn-
arflokksins, sagðist ekki vilja tjá
sig um kæru Olafs að öðru leyti en
því að hann teldi að um misskiln-
ing væri að ræða hjá honum. - BJB
Opinber lífeyrir
hækkað sjöfalt
Lífeyrir opinberra
starfsmanna hefur
hækkað sjö siiiiiuin
meira síðustu árin
heldur en lífeyrir úr
almennu lifeyrissjóð-
unum.
Vísitala lífeyrisskuldbindinga
fyrir opinbera starfsmenn hækk-
aði um 36% frá ársbyijun 1997
til miðs þessa árs, samkvæmt út-
reikningum Hagstofunnar.
Samkvæmt þessu hefur lífeyrir
fyrrum opinberra starfsmanna
almennt hækkað um 36% á síð-
ustu tveimur og hálfu ári, hjá
öðrum en þeim sem fá Iífeyri
samkvæmt eftirmannsreglunni.
Á sama tíma hefur lífeyrir úr
Iífeyrissjóðum almenna vinnu-
markaðarins, sem hækkar í takt
við vísitölu lánskjara/neyslu-
verðs, aðeins hækkað um rúm
5%. Hækkun síðustu tveggja
missera, frá júní í fyrra til júní í
ár, var rúmlega 12% hjá opinber-
um samanborið við tæp 2% hjá
almennum lífeyrisþegum. Hörð
gagnrýni talsmanna aldraðra á
það, að lífeyrisþegar hafi „setið
eftir“ og ekki fengið hækkanir í
takt við aðra í góðærinu, virðist
þannig aðeins eiga við um suma
lífeyrisþega.
Framangreint á við um lífeyri
þeirra opinberra starfsmanna sem
hækkar samkvæmt vísitölu lífeyr-
isskuldbindinga, sem tekur mið af
meðalbreytingum dagvinnulauna
opinberra starfsmanna. En aðrir
taka lífeyri samkvæmt svokallaðri
eftirmannsreglu, þ.e. fá jafnan
ákveðið hlutfall af launum sinna
þá að eftirmönnum sem hvað
lengst hafa náð í aðlögunar- og
fastlaunasamningunum á ríkis-
stofnunum undanfarin misseri -
sem fært hafa öldruðum for\'erum
sínum „gull í mund.“
„Verðbólga“ í menntim
Innan ríkiskerfisins hefur líka
orðið töluverð „verðbólga" í
menntun starfsmanna, eins og
einn vel menntaður ríkisstarfs-
maður orðaði það. Hér áður fyrr
var t.d. algengt að deildarstjórar
ríkisstofnana væru með gagn-
fræðapróf eða því um Iíkt og
tækju laun eftir BSRB töxtum.
Á síðari árum eru deildarstjórar
sömu stofnana með háskóla-
próf, gjarnan viðskiptafræðingar
eða Iögfræðingar, og Iaun í sam-
ræmi við það, auk alls konar
fastra yfirvinnugreiðslna, sem
með fastlaunasamningunum eru
nú komnar inn í föstu dagvinnu-
launin. Engu skiptir þótt störf
eftirmanns og forvera séu ósam-
bærileg - hafi sjálft starfsheitið
ekki breyst, þá fylgir lífeyririnn
ákveðnu hlutfalli af dagvinnu-
launum eftirmannsins. Gömlu
gagnfræðingarnir, sem undan-
farin ár hafa fengið lífevri sinn
reiknaðan út frá launum há-
menntaðra hákskólamanna,
hafa því nýlega fengið heilmikla
viðbótarhækkun, þegar óunnin
yfirvinna eftirmannsins var færð
inn í fastakaupið. - HEI
Lífeyrir fyrrum opinberra starfsmanna hef-
ur almennt hækkað um 36% á síðustu
tveimur og hálfu ári. Á sama tíma hefur
lífeyrir úr lífeyrissjóðum almenna vinnu-
markaðarins, sem hækkar í takt við vísi-
tölu lánskjara/neysluverðs, aðeins hækkað
um rúm 5%.
eigin eftirmanna. Lífeyrir sumra
þeirra getur því hafa hækkað eitt-
hvað minna en 36%, en annarra
meira - jafnvel miklu meira.
Segja má að þeir lífeyrisþegar hafi
fengið „lottóvinninga“ sem eiga
Ríkissjóöur með 7,5 milljaxða
afgangi
Staða ríkissjóðs í ár er verulega mikið betri en reiknað var með í fjár-
lögum samkvæmt tölum fyrir íyrri hluta ársins. Tekjur hafa aukist um
6,5 milljarða umfram áætlun. Gert var ráð fyrir um 83,5 milljörðum
í tekjur en þær urðu um 90 milljarðar. Ríkisútgjöld hafa hins vegar
ekki aukist að sama skapi á þessu tímabili. Samkvæmt endurskoðaðri
áætlun er því gert ráð fyrir því núna að ríkissjóður muni verða rekinn
með 7,5 milljarða tekjuafgangi á árinu, sem er um 5 milljörðum
meira en gert var ráð fyrir. Áætlunin fyrir árið f heild gerir þannig ráð
fyrir að tekjur aukist um 10 milljarða en útgjaldaaukning á síðari
hluta ársins verði um 5 milljarðar.
Eldur í blikksmiðju
Ljóst er að verulegt tjón varð þegar eldur kom upp í blikksmiðju við
Malarhöfða í Reykjavík síðdegis í gær. Allt tiltækt slökkvilið var kall-
að á staðinn og náði það fljótlega tökum á eldinum. Engu að síður var
talið ljóst að skemmdir hefðu orðið miklar. Eldsupptök lágu ekki fyr-
ir í gærkvöld.
Sjálfstæðisflokkur stækkar
Samkvæmt nýrri könnun Gallups er Sjálfstæðisflokkurinn að auka
fylgi sitt þriðja mánuðinn í röð og er nú kominn með tæplega 50%
fylgi landsmanna. Hinn stjórnarflokkurinn, Framsóknarfíokkurinn,
er hins vegar að tapa fylgi og myndi samkvæmt Gallupkönnuninni fá
tæp 15% atkvæða. Vinstri-grænir auka við sitt fylgi frá því í síðasta
mánuði og myndu samkvæmt könnuninni fá um 13% á meðan Sam-
fylkingin stendur í stað með tæplega 19% fylgi. Ríkisútvarpið greindi
frá þessu.
Bónus í Florida
Baugur hefur nú til athugunar að kaupa 50% hlutafjár í Bonus doll-
ar stores. Bonus dollar stores er keðja verslana sem verið er að setja
upp á Floridasvæðinu. Uppsetningin hefur verið í höndum Jims
Schafer og hafa nú verið opnaðar 6 verslanir en samkvæmt þriggja
ára viðskiptaáætlun er gert ráð fyrir 50 verslunum á þessu svæði og
að á næsta ári verði hagnaður af þessari starfsemi um 30 milljónir.
Baugur hefur fylgst með uppbyggingu þessara verslana frá fyrsta degi
en hugmyndafræðin er að byggja upp einfaldar verslanir í anda Bón-
uss á Islandi sem selja 70% sérvöru og 30% matvöru.