Dagur - 16.03.2001, Blaðsíða 8

8- FÖSTUDAGUR 16. MARS 2001
ÍÞRÓTTIR
SMÁTT OG STÓRT
UMSJÓN:
JÓHANNES
SIGURJÓNSSON
johannes@simnet.is
„Mér líst ágætlega
á þetta, ekki veitir
af. Eg er búinn að
skoða stofnskrá
þeirra og hún er
metnaðarfuli. M.a.
er þarna ákvæði
um að allir al-
þjóðasamningar
verði virtir þannig
að ég get ekki ann-
að en fagnað
þessu“.
- Gísli Már Gíslason
prófessor, í Degi,
um stofnun Nátt-
úruverndarsamtaka
Mývatns.
Að vera Péturs megin
Til er orðtak á Húsavík, reyndar ekki mikið notað en heyrist annað veif-
ið, en þá tala menn um „að vera Péturs megin". Þá er einkum átt við að
menn séu á báðum áttum eða tækifærissinnar, t.d. í pólitík. Öfugt við
flest orðtök þá er sagan á bak við þetta þekkt.
Þannig var að fyrir mörgum árum fór bíll út af vegi á Tjörnesinu og valt.
I bílnuin voru ökumaður (að sjálfsögðu), farþegi í framsæti og annar í aft-
ursæti og sluppu allir vel frá veltunni. Þegar menn voru að yfirheyra aft-
ursætisskjónann eftir slysið og forvitnast um tildrög þess, var hann m.a.
spurður að því hvorum megin bíllinn hefði farið út af veginum. „Nú,
hann fór auðvitað Péturs rnegin," sagði okkar maður og var með allt á
hreinu. Og hefðí að sjálfsögðu verið skýrt og greinargott svar, því bílstjór-
inn hét Pétur, ef svo hefði ekki viljað til að farþeginn í framsætinu hét
líka Pétur!
1 þessu tilfelli var sem sé enginn munur á hægri og vinstri, ekki frekar
en oft í pólitíkinni, þar sem margir halda sig löngum „Péturs rncgin."
Samrekstrarrugl
Sigtus Jónsson, fyrrver-
andi bæjarstjóri á Akur-
eyri, lýsti því yfir á fundi
á Húsavfk á dögunum
að það hefði yfirleitt
ekki verið góð reynsla af
samrekstri ríkis og sveit-
arfélaga á ýmsum svið-
um. Og hann tók sem
dæmi þegar grunnskól-
inn var að hluta fjár-
magnaður af ríkinu og
að hluta af sveitarfélögunum.
„Þá voru kennarar ríkisstarfsmenn og á launum hjá ríkinu en sveitarfé-
lagið greiddi annan kostnað. Þannig að þegar handavinnukennarinn við
Síðuskóla á Akureyri fór í bæinn til að kaupa handavinnuefni, þá var efn-
ið greitt af sveitarfélaginu og búðarferðin sömuleiðis, og við þurftum að
tutla í hann peningum og greiða bílastyrk að auki vegna innkaupaferð-
anna í bæinn.
Það voru líka ákveðnar reglur í gangi í sambandi við rekstur mötuneyta
sem sköpuðu endalausan rugling. Ein afleiðing var til dæmis sú að þeg-
ar konan í mötuneytinu var að hella upp á morgunkaffið íý'rir kennarana,
þá var hún á launum hjá ríkinu, en þegar hún var að hita hádegismatinn,
þá greiddi Akureyrarbær launin!"
FÍNA OG FRÆGA FÓLKIÐ
Nýbókímaíhjá
Biitney Spears
Breska útgáfufyrirtækið Box-
tree hefur greitt tæplega 725
þúsund dollara fyrir útgáfu-
réttinn á skáldsögu sem popp-
stjarnan Britney Spears er
með í smfðum ásamt mömmu
sinni Lynne. Þetta kom fram í
blaðinu Express í gær. I frá-
sögninni kom fram að
skáldsagan á að heita „Gjöf
móður“. Talsmaður útgáfufé-
lagsins segir að handritið sé
meira og minna tilbúið og að
bókin muni koma út samhliða
í Bretlandi og f Bandaríkjun-
um. Jafnframt kom fram hjá
þessum talsmanni að
þetta væri Ijúf og fal-
leg saga einmitt af
þeirri gerðinni sem
mæður um allan heim
væru líklegar til að
kaupa handa dætrum
sínum á táningsaldri.
Bókin fjallar um
táningsstúlku sem vill
verða stjarna. Þess
má geta að þetta er
ekki fyrsta bókin sem
Spears skrifar því hún
skrifaði sjálfsævisögu
sína þegar hún var 18
ára, sem hét „Heart to
Heart“ og seldist sú
bók í meira en 150
þúsund eintökum og
komst inn á metsölu-
lista.
Henni er margt til iista lagt ungu söngkonunni.
Britney Spears
söngvari og rithöf-
undur
Afturelding á
sigurbraut
Toppliði Hauka í Nissandeild
karla í handknattleik tókst ekki
að binda enda á sigurgöngu Aft-
ureldingar þegar liðin mættust að
Varmá í fyrrakvöld. Lokatölur
Ieiksins urðu 31-29 og þurfti
framlengingu til að knýja frarn
úrslit, eftir spennandi Iokamínút-
ur í venjulegum leiktíma. Einar
Jónsson jafnaði leikinn í 25-25
þegar rétt um hálf mínúta lifði af
leiknum, eftir að Ieikmenn Aftur-
eldingar höfðu klúðrað tjórum
sóknum í röð í stöðunni 25-24.
Afturelding leiddi leikinn allan
fyrri hálfleikinn og var marki yfir
í leikhléi, 12-11. Haukarnir
komu sterkari inn í seinni hálf-
leikinn og höfðu um miðjan hálf-
leikinn náð eins marks forskoti
18-19. Afturelding komst þá aft-
ur inn í leikinn og hafði náð
tveggja marka forskoti þegar
langt var liðið á leikinn og staðan
orðin 25-23 þegar um það bil
þrjár nn'nútur voru til leiksloka.
Haukíirnir skoruðu svo tvö síð-
ustu mörk leiksins og tryggðu sér
framlenginguna með marki Eina-
rs Jónssonar eins og áður sagði.
Jafnt var með liðunum í upphafi
framlengingarinnar þar til í
stöðunni 27-27, en þá skoraði
Afturelding þrjú mörk í röð og
breytti stöðunni í 30-27. En
Haukamir gáfust ekki upp og
breyttu stöðunni í 30-29, áður en
Bjarki Sigurðsson innsiglaði tveg-
gja marka sigur Aftureldingar úr
umdeildu vítakasti í lokin. Var
það þrettánda mark Bjarka í
leiknum, en hann átti ásamt
Gintaras og Reyni Þór markverði
bestan leik hjá Aftureldingu.
Gintaras varð næstmarkahæstur
með 9 mörk og Reynir Þór varði
20 skot. Hjá Haukum átti Hall-
dór Ingólfsson bestan leik, en
hann varð markahæstur með 7/1
mörk.
Sigurinn gegn Haukum er
fjórði sigur Aftureldingar í röð og
hefur liðið nú Iagt öll toppliðin
þrjú í síðustu leikjum. Fyrst
Fram 24-21, síðan KA 28-21 og
nú Hauka eftir að hafa Iagt
Gróttu/KR í millitíðinni 16-23.
Þar nteð er liðið komið með 24
stig í ljórða sætið, fjórum stigum
á eftir toppliði Hauka.
Þriðja stórtap
Gróttu/KR í röó
KA-liðið vann sinn tíunda leik af
ellefu í röð þegar það lagði
Gróttu/KR með átta marka mun,
31-23, á heimavelli sínum á Akur-
eyri í fvrrakvöld. Norðanmenn
með Guðjón Val í broddi fylking-
ar, áttu sannkallaðan stórleik,
bæði í vörn og sókn og átti
Grótta/KR aldrei möguleika.
Staðan í leikhléi var 16-12 og í
seinni hálfleik jókst bilið fljótlega
í átta mörk, sem Seltjarnarneslið-
inu tókst þó að minnka í finun
mörk á tímabili. Hjá Gróttu/KR
munaði mestu að örvhenta stór-
skyttan þeirra, Alexander Peter-
sons, gerði aðeins eitt mark, en
hann var í strangri gæslu Hreins
Haukssonar, sem átti súperleik í
KA-vöminni. Annars var allt KA-
Iiðið að spila vel og þá sérstaklega
Guðjón Valur sem var markahæst-
ur með 9 mörk. Einnig voru þeir
Heimir Orn Arnason, Halldór
Sigfússon og línumaðurinn Andr-
eas Stelmokas góðir, en þeir voru
næstmarkahæstir með 5 mörk
hver. Lkki má gleyma markverðin-
um, Herði Flóka Olafssyni, sem
varði alls 17 skot í leiknum, en
hann lokaði markinu á köflum og
var gestunum mjög erfiður. Hjá
Gróttu/KR bar mest á Hilmari
Þórlindssyni, en hann varð
markahæstur með 9/1 mörk.
Með sigrinum er KA-Iiðið kom-
ið með 26 stig í þriðja sæti deild-
arinnar, aðeins tveimur stigum á
eftir toppliði Hauka. Liðið er
heldur betur búið að stimpla sig
inn í baráttuna um deildarmeist-
aratitilinn, sem hingað til hefur
aðeins verið eignuö Haukum og
Fram og til alls líklegt.
Úrslit annarra leikja í fyrrakvökl
urðu þau að Stjarnan vann sex
marka sigur á FH-ingum í
Kaplakrika, 23-29, HK fimm
marka sigur á Blikum, 26-21 í
Digranesi og IR-ingar eins marks
sigur á Val, 19-18 í Breiðholtinu.
Leik Fram og IBV var frestað og
átti hann að fara fram í gærkvöldi.
Bæjarar og Arsenal áfram
Bayern Múnchen tryggði sér í
fyrrakvökl sigur í C-riðli Meistara-
deildar Evró]ni með 1-0 sigri á
Arsenal á Olympíuleikvanginum í
Múnchen. Það var Brasilíumað-
urinn Giovanni Elber sem skoraði
mark Bæjara á 10. mínútu. Þrátt
fyrir tapið fylgir Arsenal liðið
Bayern Múnchen í 8-liða úrslitin,
þar sem Lyon náði aðeins 1-1
jafntcfli gegn Spartak í Moskvu,
en franska liðið þurfti sigur til að
eiga möguleika. Dmitry Partvonov
skoraði mark Spartak úr víta-
spyrnu, en Brasilíumaðurinn,
Sonny Anderson, jafnaði fyrir
Lyon, einnig úr vítaspyrnu.
í D-riðli, þar sem Real Madrid
og Lecds höfðu þegar tryggt sig
áfram, gerðu Leeds og Lazio 3-3
jafntefli á meðan Anderlecht lagði
Real Madrid 2-0.