Dagur - Tíminn Reykjavík - 10.01.1997, Blaðsíða 2

14 - Föstudagur 10. janúar 1997
jDagur-Cmtimt
Vera virkur, ekki vera
bara áhorfandi að lífinu...
*
g á nú ekki algilda uppskrift að
makanum en í mínu tilfelli erum
við konan ofboðslega ólík, og því
segir Sigurður: Ekki reynda endalaust
að breyta hvort öðru.
Heilræðin að ofan eru meginuppistað-
an í uppskrift Sigurðar Gestssonar, eig-
anda Vaxtarræktarinnar á Akureyri.
„Svo er náttúrulega nr. 1, 2 og 3 að
halda sér í góðu líkamlegu og andlegu
ástandi. Því verður maður að stunda
einhverja líkamsrækt og vera fær um að
reka batteríið í kringum sig fjárhags-
lega.“
Barneignir eru ofarlega á lista Sig-
urðar (hann á 4) en telur þó rétt að flýta
sér ekki um of í þeim efnum. „Maður
hefur miklu meira að gefa barninu eftir
að hafa sjálfur öðlast meiri lífsreynslu."
„Svo felst mín hamingja líka í því að
reykja hvorki né drekka.“ Tilverukrydd-
ið sækir hann því annað og hefur m.a.
stundað skíði, vaxtarrækt og veiðar.
Nautnin er þá fólgin í árangrinum sem
næst. „Enda er ég ofboðslegur keppnis-
maður.“ lóa
Sigurður Gestsson.
Meiri títna,
minni peninga
Eg er að minnka við mig
vinnu til að auka frítíma
með manninum og fjöl-
skyldunni,“ segir Vanda Sigur-
geirsdóttir, hin kunna knatt-
spyrnukona. Hvað segir þú, ertu
að gera það sem alla dreymir
um - í raun og veru? „Já, það
verður bara að hafa það þó ég
hafi minni peninga milli handa,
ég ætla ekki að h'ta um öxl þegar
ég verð 65 ára og spyrja í hvað
lífið hafi farið,“ segir Vanda. Ást,
hamingja og ljölskylda eru orðin
sem koma fyrst upp í hugann, en
Vanda segist ekki hugsa mikið
um þessa hluti, það sé frekar
eiginmaðurinn sem bryddi upp á
umræðuefni í þeim dúr. „Gagn-
stætt flestum hjónum,“ segir hún
lilæjandi. Þau eru sammála um
(þegar honum tekst að fá Vöndu
til að tala um málið) að ferðalög
muni geta bætt lífið, þau dreymir
um langferð, t.d. til Asíu. „Það er
mikilvægt að eiga drauma - og
láta þá helst rætast,“ segir
Vanda. Og það er hún að gera
þessa dagana, ein fárra íslend-
inga sem tekur h'fið fram yfir
hluti. „Sjónvarp og svoleiðis,"
hlær hún. Kona sem ekki aðeins
hefur uppskrift að góðu lífi,
heldur bakar brauðið hka!
Vanda Sigurgeirsdóttir.
Stærsta syndin
að láta sér leiðast
s
g áht að stærsta synd
mannsins sé að láta sér
leiðast. Það er um að gera
að fullnægja lífsnautnum sínum
eins og hægt er, þó þannig að
ekki komi niður á öðrum. Svo
skiptir miklu máli að hafa ekki
óþarfa áhyggjur. Það sem virð-
Sigmar B. Hauksson.
ist svartnætti í dag getur verið
miklu auðveldara að leysa á
morgun," segir Sigmar B.
Hauksson, lífsnautnamaður, um
sína uppskrift.
„Ekki sakar síðan að gera
eitthvað til að dreifa huganum
eins og t.d. að fara í sundlaug-
ina á Seltjarn-
arnesi, göngu-
ferð með Æg-
issíðunni og
elda síðan gott
lambalæri
með mikið af
hvítlauk og
hvítum baun-
um, drekka
flösku af St.
Émilion með
og hlusta
kannski á
Brahms á
meðan. Það
getur líka ver-
ið ágætt á
morgnana eða
kvöldin að
biðja stutta
bæn, tala við
guð augnablik.
Þetta er allt
tilvísun á gott
líf.“ lóa
Reglusemi er
auðnuvegur
Bindindi á áfengi. Já-
kvæðni í garð annarra í
samræmi við kristin lífs-
viðhorf. Regluleg ganga og að-
gætni í mataræði ásamt lýsis-
inntöku. Þetta er uppskrift séra
Bolla Gústavssonar, vígslubisk-
ups á Hólum í Hjaltadal, að
góðu lífi.
„Þegar ég vígðist til prests
ákvað ég að gerast bindindis-
maður á áfengi og það er ein-
hver besta ákvörðun sem ég hef
tekið og staðið við á minni ævi.
Reglusemi er auðnuvegur," seg-
ir séra Bolli.
Hann segist alltaf hafa reynt
að leita eftir því jákvæða í fari
þeirra sem ég umgengst. Að
sjálfsögðu í samræmi við kristin
lífsviðhorf. Séra Bolli segir að
miklu máli skipti að forðast
dómhörku og gæta þess að vera
ekki of fljótur á sér að svara
eða kveða upp álit.
„Ég geng yfirleitt eina bæjar-
leið á hverjum einasta
degi. Það er föst
regla síðan ég
kom í Hóla
1991 og ég
gerði það
reyndar líka
meðan ég
var í Laufási.
Ég geng allt-
af sex kíló-
metra á dag.
Það er mér
ómetanlegt
heilsufars-
lega,“ segir
hann.
Séra Bolli hefur
talið ástæðu til þess
að gæta að matar-
æðinu. „Eins og
allir góðir ís-
lendingar tek
ég inn lýsi og gæti mín með
mataræði. Ég hef ástæðu til
þess,“ segir hann.
-GHS
Séra Bolli Gústavsson, vígslubiskup á Hólum
í Hjaltadal, segist gæta sín í mataræði. Hann
tekur inn lýsi „eins og allir góðir ísiendingar.“